The Heiress and The Bodyguard 2 (Jenlisa)(Translation)

Chapter 16

Jennie's Pov

"မာမီ" ကျွန်မကိုခေါ်တယ်ထင်ပြီး ကြည့်လိုက်တော့ Ella က Lisa ကိုကြည့်ပြီးခေါ်နေတာကို တွေ့လိုက်ရတယ်။ သူမ လက်သေးသေးလေးနဲ့ Lisa ရဲ့လက်ကိုကိုင်ဖို့ကြိုးစားနေတာကိုပါတွေ့ရတယ်။

"ကိုင်တွဲထား" သူမပြောလိုက်တယ်။

Lisa နဲ့ကျွန်မလွန်ခဲ့တဲ့အပတ်က တိုင်ပင်ကြပြီး အခု ထိုင်းကိုသွားကြဖို့ လေယာဉ်ပေါ်ရောက်နေကြတာဖြစ်တယ်။

ပြီးတော့ ကျွန်မသူ့ကိုမတွေ့ခဲ့ရတာလဲ တစ်ပတ်ရှိပြီ..

ကျွန်မတို့လွန်ခဲ့တဲ့တစ်ပတ်က နောက်ဆုံးစကားပြောခဲ့ကြပြီး ကျွန်မတို့ဆီ Lisa လာမလည်တာကို တွေ့ရတယ်။ သူပြောတာ သူ့အလုပ်တွေပုံနေတာ လုပ်ဖို့လိုအပ်နေတာတဲ့။ လွန်ခဲ့တဲ့ ရက်တွေကလဲ ကျွန်မတို့ကိုအချိန်ပေးခဲ့ပြီး အခုလဲထိုင်းကိုသွားမှာဆိုတော့ အလုပ်ကိစ္စတွေဖြတ်ခဲ့ဖို့ လိုအပ်နေတာကို ကျွန်မနားလည်ပေးနိုင်ပါတယ်။ Ella ဆီကို သူလာမလည်နိုင်ပေမယ့် နေ့တိုင်းဖုန်းခေါ်တာနဲ့ video call ခေါ်တာကိုတော့မပျက်ကွက်ခဲ့ဘူး။

ကျွန်မအတွက်လဲ အလုပ်များတဲ့ရက်တွေပဲ။ ဘာဖြစ်လို့လဲဆိုတော့ Ella ရဲ့ပထမအကြိမ် နိုင်ငံခြားထွက်ရမယ့် ခရီး အတွက် စာရွက်စာတမ်းတွေ ပြင်ဆင်နေရလို့ဖြစ်တယ်။

Lisa ကကျွန်မတို့နောက်တစ်တန်းမှာထိုင်နေပြီး သူ့လက်ကို Ella မီအောင် ဆန့်တန်းလိုက်တာကို တွေ့ရတယ်။ ဒီလေယာဉ်ရဲ့ business class ကတစ်တန်းမှာ ထိုင်ခုံနှစ်ခုံပဲပါမယ်လို့ ကျွန်မတို့မသိခဲ့ဘူး။ အဲ့ဒါကြောင့် Lisa က ကျွန်မတို့နောက်တန်းမှာထိုင်ရတာဖြစ်တယ်။

ကျွန်မ သူ့မျက်နှာကိုခိုးကြည့်လိုက်တော့ သူ့မျက်ကွင်းတွေညိုနေတာကို တွေ့ရတယ်။ ဒါပေမယ့်လည်း သူ့မျက်နှာက အရမ်းပျော်ရွှင်နေတာကိုတော့ ဖုံးထားလို့မရဘူး။

ဒီတစ်ပတ်က သူ့အတွက် အရမ်းအလုပ်များပြီး ပင်ပန်းခဲ့ရတယ်ထင်တယ်...

ကျွန်မကြည့်နေတာကို သူသတိထားမိမယ်ထင်တယ် သူခေါင်းလှည့်ကြည့်လိုက်ပြီး ကျွန်မမျက်လုံးကို ကြည့်လိုက်တယ်။ သူရုတ်တရက်လှည့်ကြည့်လိုက်တော့ ကျွန်မခနကြောင်သွားပြီး မြန်မြန်အကြည့်လွှဲလိုက်တယ်။