اذا ممكن تصويت قبل القراءة
3
الما عرف حزنك يلومك !
لا توٌن ،،
أتوكل اعلـه اليشتهيـك وأستـچن ،،
لا تهم
ما حاسبينك رمش عدهم
وما يحنون شعلامك بس تحن .....
حسام الحلفي
فترة السادس جانت فترة كلش صعبة على رند و ياسر و خاصه رند اللي حتى نقالها اخوها هادي سحبه منها جانت تحاول توصل لياسر بس نادر ما جانت تلكاه اما ياسر فجان يحجي وي هدى و يسالها عن رند بس شوي شوي بدة يتعمق بعلاقته وي هدى و صارت بيناتهم سوالف و مسجات و مكالمات..تقريبا يوميه يتراسلون
ياسر
جنت نادرا ما احاجي رند لان شوكت ما اراسلها جانت تدرس و مشغولةة بالامتحانات بفترتها كلش ابتعدت عنها بس اقتربت من هدى و كمنا نسولف سوا و نحجي باغلب الاوقات و جنت احاجيها بحجةة انو اسال عن رند لحد ما حسيت انو بديت انعجب بيها و ردت اعترف الها بس نخلص السادس حتى اجي للبصرة و اقابلها هي و رند اكيد حتفرحلي لهالشي .. طبعا اني بسبب اشغال ابوي اكدر اروح و اجي للبصرة براحتي لان متعود بس العطل كلها اكضيها ببغداد هالمرة قررت اكضيها ببيت عمي اللي بالبصرة ساكنين حاجيت ابوي و قبل و اني كيفت هم بس بشهر المراجعه ذبيت حيلي كله عالدراسةة و التهينا كلنا بعد اني و رند و هدى
رند
اخييييييييرا خلصت امتحانات جنت طايرة من الفرحه لان هالمرة حسيت انو انا زينه و مجاوبه طبعا اول ما خلصت امتحانات و رجعت للبيت كمت اهلهل و امي و اخواني يضحكون علي ههههههههههههههه و بعدين بدلت و نظفت البيت كله مسحته مسح و ما خليت شغله ما نظفتها و دخلت سبحت و بدلت و رحت بسرعه طيارة لهادي جان كاعد يم مرتةة يباوعون عالتلفزيون طفرت و صرت كدامه : الامانه بليز
هادي باوعلي بنص عين :بعته
فتحت عيوني على كبرهن من الصدمه دموعي تجمعت هادي ضحك و بسرعه كمل : خرب لا تفتحين عيونج هنةة كبار و نوب هيج تباوعيلي روحي اخذي نطيته لامي
طبعا انا عيوني كلش كبار كلها تكلي كبرهم مو طبيعي يعني اللي يشوفني يتعجب عليهم لذلك متعودة على هالكلام ما اهتميتلةة بست هادي حيل و مرتةة هم و انا اضحك و رحت لامي بستها هم :ههههههههههههههه مسودنه هاج هذا تليفونج
اخذته بسرعه و كلبي يدك جنت متلهفه احاجي ياسر كلش فتحت النقال و فتت للفيس شفته متصل و هدى هم متصله گلبي انقبض كلش ضجت يعني جاي يسولفون سوة لو شنو؟
خابرتةة ما رد ورة خمس دقايق رجع خابرني جنت ضايجه منه بس رديت عليه : ها ياسر شنو رايد
ياسر سمعت صوتها مبين ضايجه لان بي بحه و كالعادة معت عليها لان طريقتها بالحجي تخليني اتخيل هي شكد ترفه: مشتاقلج موت تصدكين لو لا
رند بزعل : اي مبين كلش حتى ما كلفت نفسك تسال علي
ياسر حسيتها صدك زعلانه مني لان هالفترة كلها عايفها بس شعجب مو جنت اكول لهدى توصللها سلامي و اسالها دايما عنها معقول متكوللها : الحلو مالي زعلان مني اخ كلبي انجرح
رند : خلي غيري يداوي
ياسر : هههههه رنودة الحلوة لا تزعلين مني مقصدي اعوفج بس تدرين بيه ردتج تركزين بدراستج و بعدين تعاي مكلتيلي شلونها الامتحانات وياج جانت
رند : زينه و انت شلونك بيها
ياسر : الحمد لله كلشي يسهل ان شاء الله
رند : ان شاء الله
بقينا ساكتين اني وياها مردتها تسكت رجعت همست : رند
رند بصوت انوثي : نعم ياسر
أنت تقرأ
حب في الخفاء
Любовные романыأحببته حتى أدمنته اصبحت لا أرى غيره حاولت النسيان و حاولت الأنكار لكن كل ما مر بيننا كان أقوى من أن أنساه لمن يكون الصديق هو الشخص اللي تحط كل ثقتك بيه و يغدرك و يطعنك باكثر شي تحبه شنو حتكون ردة الفعل حب في الخفاء تحكي عن فتاة احبت شخصا دون ان يرا...
