٣٢
تحمرتي و انا شفاي خلصهن العظ
عفت البخت وياج يالعافج الحظ
الايام تمر و تتكدس حتى تصير شهور و الشهر ينضاف عليه شهر الى ان وصل لهالمرحله و هاللحضه اللي انا بيها
عيوني على المرايه و متركزه بالذات على بطني اللي برزت بشكل كبير ايدي على ظهري و الثانيه على اعلاها اباوعلها و ابتسم خلص بده العد التنازلي وصلت للشهر التاسع و ممكن باي لحضه تكون هي ولادتي و نلتقي انا و طفلي سوه
بالنسبه للايام اللي مرت فمرت عاديه بروتين طبيعي بين دراستي و البيت و التحضيرات للبيبي اللي ما ردت اعرف شنو جنسه الى ان يجي للدنيا لان شفتها كلها راغبه بالولد و هالشي ضوجني صراحه ففضلت ما اكشف اي شي عن الجنس خلي يجي و وكتها الله كريم رغم حاسه انو اللي بداخلي شنو بس ما حبيت احجي لاحد خاصه ياسر كال ما اريد شي بس سلامتج انتي و الطفل
الكورس الاول خلص و الحمدلله نجحت و الكورس الثاني داومت جزء منه و هاي انا جاي اكمله بس اخذت اوراق و جهزت كلشي حتى تكون اجازتي موجوده بوقتها
ليال اجت يمي هي وخالتي ام ياسر جايبه كومه وياها اغراض للطفل وصيتهم يجيبوها ذهبي و ابيض و اشترينا كريكوت اله و انا هم جهزت نفسي
من حيث الملابس و استعديت رغم الخوف البيه بس جنت متحمسه كلش لهاللحضات الاخيره
فزيت على صوت ليال و هي تصيح من جوه: رررررررررررند تعالي حبي اجتي ملاك و امها
ابتسمت و توجهت بسرعه حتى انزل من الدرج وصلت للهول و دخلت اسلم عليهم ملاك جان واضح عليها شكد متغيره : هلو بالعروسه الحلوه
ليال بضحكه : خلص و اخيرا راح يتزوجون و يفضونها
ملاك بخجل و هي تدنك راسها :يومين ان شاء الله ما بقه شي
كعدت و باوعتلها بابتسامه خفيفه: على راحتكم عمري قابل شورانا هي غير على ما كملت شقتكم و خلصتوها
هزوا راسهم بالموافقه و كعدوا يسولفون كمت انا اسوي جاي الهم و ليال وياي تفتر جهزت الصينيه و حطت بيها حلويات و ستكاين و صبيت الجاي: اكلج هو فارس ليش ما كللها السبب الحقيقي لتاخيرهم
رند بهمس: ليال لا تدخلين بهالسوالف اكيد فارس ما يريد تصير مشاكل و سد السالفه من يمه
تنهدت ليال و حطت ايدها على خدها: شكد حلو تزوجتوا رجاجيل يحبونكم لعد شبي حظي شو ياسر يحبج و يخاف عليج اذا تكولين اخ و فارس اجه علي ابوها لملاك و طلب منه مهر ضعف و هدده يكنسلون كلشي و قبل و دفعله فوك الضعف ضعفين حتى لا يخربونها عليه و ياخذها منهم
رند : تتوقعين هالحب يجي هيج يعني
ليال باستغراب: شلون يعني؟!
رند بتنهيده : ليال مو كلشي تشوفينه كدامج يعني هو الواقع ياسر قبل ما يحبني جان معجب بصديقتي و بعد ما تزوجنا او نكدر نكول افترقنا هو حبني.. و تتذكرين انتي شلون جانت تصرفاته وياي ببداية الزواج ما جنه انا وياه ابد متوافقين على اي شي
أنت تقرأ
حب في الخفاء
Romanceأحببته حتى أدمنته اصبحت لا أرى غيره حاولت النسيان و حاولت الأنكار لكن كل ما مر بيننا كان أقوى من أن أنساه لمن يكون الصديق هو الشخص اللي تحط كل ثقتك بيه و يغدرك و يطعنك باكثر شي تحبه شنو حتكون ردة الفعل حب في الخفاء تحكي عن فتاة احبت شخصا دون ان يرا...
