20
الما لايك لغيري تلوكله الروح
كلوله ما حاجه يدك
باب الكلب المفتوح
#احمد_الامين
بعد مرور 5 ايام
رند
مرت 5 ايام جانت الأوضاع بيها هاديه عمتي ام علي راحت بثالث يوم و بقوا ايمان و ملاك يمنا جنت كلش فرحانه بوجودها لان نستني افكاري عن ياسر رغم الغصه اللي ضاله بكلبي بس ما أكدر انكر انو هالبنيه طلعتني من الاكتئاب ايمان جانت مثل الحرب وياي تدور الزلةة حتى تضوجني انا مو لسان و لا احب المشاكل بس جنت دائما ارد عليها ردود تخليها تبلع الحجي و تكعد و تسكت سلاحي القوي جان هو اني اعرف كلشي عن ياسر لذلك اي شي ممكن تكوله اعرفها جذابه و من يمها تالفه و ارد عليها و افشلها بس جانت ما تسكت لا تزيد بحركاتها و اذيتها
ملاك:رند خلي ننزل جوة حبابه
رند :مالي خلك حبيبتي نزلي وحدج
ملاك بضحكه : شلون يربي حتظلين هيجي يعني
تتهربين من عمتو ايمان كل مرة انتي اللي تتانيها حتى تحجي
رند : بالضبط مالي خلك اناكر عمتج كلش دايخه و تعبانه
ملاك : عوفينا هسه من هالحجي بس مو اليوم عمو ياسر حيجي معقول متنزلين وياي حتى تستقبلي
رند جانت متمددة عالجربايه نطت ظهرها لملاك و بصوت تعبان كلش : ما أكدر حبيبتي والله تعبانه
ملاك ملت لان شافت رند ما راح تكوم لو لحت لباجر كامت و سدت الضوة و طلعت عبرت الممر و اجت تنزل سمعت صوت الباب وراها دارت شافت فارس ارتبكت من نظراته مثل كل مرة يتفحصها تفحص جانت لابسه دشداشه سبورت لونها ابيض و بيها كتابات سودة و ردنها طويل و حجاب اسود حست بي يتقدملها من الخوف نست روحها و رجعت لورة ما حست غير اجت تطيح من الدرج قبل ما تصرخ حست بفارس يسحبها طخ راسها بصدرة ووخرت بسرعه و هي تشوفه لازمها من زنودها باوعلها بخوف و بقلق : خو متاذيتي
هزت راسها بقوة بلا و هي تشوفه يباوع لكلشي بيها بخوف حتى يتأكد نوب عافها و تنهد و نزل اما هي نزلت وراه و كلبها صاير طبول
رند
غمضت عيوني و احس بروحي ميته من البرد فلاونزة جتني مو طبيعيه أحس عظمي متفتت من وراها مصخنه حتى ما بيه حيل اكوم جنت احس بوجع بحنجرتي و أحاول انام من السكون اللي بالغرفه سمعتهم جوة يتجمعون خالتي ام فارس و صوت فارس و ملاك و ايمان و رند الصغيرة تضحك مدري على شنو حاولت انزل وياهم بس تعبانه كلش ما أكدر اخير شي حسيت بعيوني تغوش و الغفوة خذتني
اما جوة فجان الوضع ثاني الكل كاعدين يسولفون ام فارس كامت تسوي جاي
ام فارس :يمه فارس ما خابرت ياسر ما سالته يمته يجي
فارس رد عليها و هو عيونه من بدايةة الكعدة على ملاك:اي يمه خابرته كال العصر واصل ان شاء الله
أنت تقرأ
حب في الخفاء
Roman d'amourأحببته حتى أدمنته اصبحت لا أرى غيره حاولت النسيان و حاولت الأنكار لكن كل ما مر بيننا كان أقوى من أن أنساه لمن يكون الصديق هو الشخص اللي تحط كل ثقتك بيه و يغدرك و يطعنك باكثر شي تحبه شنو حتكون ردة الفعل حب في الخفاء تحكي عن فتاة احبت شخصا دون ان يرا...
