مرحبا قبل القراءة لا تنسون التصويت رجاءً
5
أنه بگلبي حچي أيبچيـك
حچي أيرخصني و أيغليـك
جواد زغير
مر يومين على ابطالنا ياسر جان وقته كله بالتدريب و الدراسه و اذا نطوهم استراحه بس بوقت الغدا جان يحاول يوصل لرند حتى يگللها عن حبه لهدى و تعلقه بيها خاصه بعد ما التقه بيها دخلت كلية و تفكيرة كله صار بيها جان فرحان كلش و متأكد انو رند حتساعدة حتى يعترف لهدى بحبه
كل اللي بلاله جان انو رند تعرف بعلاقته وي هدى و حجيهم سوة ما يعرف انو هدى ضامه هالشي عن صديقتها
اما هدى فجانت تزيد بحبها لياسر ما كدرت تسيطر على مشاعرها ابد و حتى من سولفت لرند عن لقائها بياسر ما كالت الها اي شي مجرد كالت سلام من بعيد و بس رند سالتها اذا ياسر جاب طاريها او لا بس كالعادة هدى كلتلها لا ما جاب طاريج هدى جانت ما توصل اي شي عن ياسر لرند و لا كايلتلها عن تواصلها القوي بياسر لان تانيب الضمير جان ماذيها كلش
اما رند فجانت ملتهيه بالكليه و دراستها و بدت تحب الدوام لان جانوا اصدقائها كلش حبابين و قوت علاقتهم ببعض واحد يساعد الثاني بالدراسةة و باي شي ثاني بس جانت هم تشتاق لياسر جانت متانيته يتصل لان اليوم جمعه يعني عطله عدهم و يكدر يخابرها خلصت شغلها و قرايتها من وكت و راحت يم امها تسولف وياها هم انفتح موضوع الولد اللي خاطبها :ها يمه شنو كلتي اهل الولد اليوم اتصلوا يكولون يمته تردلنا خبر
رند اصلا جانت مو ببالها سالفة هالولد لذلك كالت بسرعه: ماما ما موافقه عوفيهم
ام رند : راح اخليج منا لباجر و رديلي خبر هسه روحي نامي
رند بست راس امي و رحت لغرفتي هالولد قبل ما اشوفه حسيت نفسي مو طايقته اف طبعا جنت افكر ما حسيت الا تلفوني يرن طفرت من الفرحه دخلت لغرفتي و رديت على ياسر : هلووووو هلو هلو هلو هلو ولك ليش ما اتصلت بسرعه تعرف شكد انتضرتك
اجاني صوت ياسر و بضحكه :اوف فديت اللي يشتاقلي يا ناس
رند بدلع : ياااسر بس عاد
ياسر ضحك و بخبال:ولج الترفه كبرانه و صايرة مرة منين جايبه هالدلع اعترفي ها ام ياسغ
رند كالعادة خجلت : اي اي عوفنا من هالكلام.. شلونك
ياسر : انا اللي لازم اسالج شلونج
رند حجت كلشي لياسر و شلون متونسه بالدوام بعدين حجالها ياسر هم عن الدوام مالته و شكد يتعب ورة شوي سكتوا الاثنين
ياسر بهدوء و جديه اول مرة تلاحظها رند لان ياسر دائما مرح و يشاقي : رند اريد اكولج شغله
أنت تقرأ
حب في الخفاء
عاطفيةأحببته حتى أدمنته اصبحت لا أرى غيره حاولت النسيان و حاولت الأنكار لكن كل ما مر بيننا كان أقوى من أن أنساه لمن يكون الصديق هو الشخص اللي تحط كل ثقتك بيه و يغدرك و يطعنك باكثر شي تحبه شنو حتكون ردة الفعل حب في الخفاء تحكي عن فتاة احبت شخصا دون ان يرا...
