سلاااام
شلونكم يا حلوين
اسفه جدا جدا جدا عالتاخير
اخيرا خلصت امتحانات
يلا استمتعوا بالبارت بس قبلها لازم انبهكم انو وقت البارت راح يطول مو مثل قبل ينزل بسرعه لذلك اتمنى تصبرون عليه و ما تزعلون مني
دمتم بود♥️
24
من اشوفك تبتسم انسى الخلافات
و اقربهن اذا تطول بينا المسافات
آنه و گلبي نحبك حب صحيح!!
مو شي عابر سردي و شعارات
#أحمد_الأمين
ثاني يوم
الساعه٩ صباحا
ياسر
كعدت الصبح شفت رند ماكو اكيد جوه كمت لميت فراشي عدلته و دخلت سبحت عالسريع و طلعت لبست دشداشه بيضه و ساعه و رشيت عطري و نزلت جوه شفت الامة العربيه كلها متجمعه علمود جية العرسان طلعت بره و صحتلهم حتى يجهزون كلشي
ياسر: ها علاء جبتوا الذبيحه
علاء: اي يخوي جبناها
ياسر رحت للطارمه شفت اللحم نصه ماخوذ صحت :ادري صدك جذب هذا منو ماخذ من اللحم غير نريد نسمم بي الوادم
علاء بارتباك: ها مو هند كالت خلي نضم نصه ليش يزيد حرامات ينذب
ياسر بعصبيه: علاء لا تسودني وين يكفي نص الخروف روح جيب باقي اللحم لا ابتلي بيك و بمرتك والله العظيم
علاء راح نزل اللحم من السياره و حطه وي الباقي و هو يدردم ماخذ كومه اخخ والله لو ما اخوي اجوا الولد وياي و كمنا ننضف و نغسل بي حتى نودي للنسوان يطبخنه
شفنا البنات طلعن و امي وياهن باوعت بينهم ما لكيتها وين راحت اجن يساعدن بينا منا لل١٠ دخلنا كلشي جوه و بدن يطبخن
ام ياسر : ها يمه وينهم العرسان اشو تاخروا
فارس طلع بالباب : هياتهم هذول همه اجوا
راحوا الولد وكفوا بالباب و النسوان الكبار طلعن و لبسن عبيهن حتى يرحبن بيهم شفنا سيارتهم وكفت و طبكت طلعت وياهم و نزلوا حسن و مرته سلمت عليه و دخلوا جوه
ام ياسر: كللللللللوش الف مبروك وليدي مهنه بيهه ان شاء الله
عمة حسن الجبيرة : فوت بيها يمه فوتوا
فاتوا جوه و احنا ظلينا بره كاعدين طلعتلي جكارة حتى ادخن و انا صافن شو اليوم و لا شفتها وينها شفت رند الصغيره كدامي صحتلها: رند تعاي
رند: ها عمووو
ياسر: اكلج وين رند
رند: عمة رند يم امي تساعدهم بالمطبخ
ياسر: ها خوش يلا روحي
رند: عمو نطيني ربع
ياسر: بعدين
رند: ترا اكول لعمه انت تحاجي نسوان
ياسر فتح عيونه و خزرها هي ضحكت و شردت دخلت جوه اي مو هي عايزه تكليلها هيج
أنت تقرأ
حب في الخفاء
Romanceأحببته حتى أدمنته اصبحت لا أرى غيره حاولت النسيان و حاولت الأنكار لكن كل ما مر بيننا كان أقوى من أن أنساه لمن يكون الصديق هو الشخص اللي تحط كل ثقتك بيه و يغدرك و يطعنك باكثر شي تحبه شنو حتكون ردة الفعل حب في الخفاء تحكي عن فتاة احبت شخصا دون ان يرا...
