حب في الخفاء

البارت الواحد و الثلاثون

٣١

السلام عليكم حبايب قلبي
قبل ما ابدي بالبارت حابه انوه عن شغله
الروايه تفاعلها اشبه بالصفر حتى واهس ما عندي اكتبها بعد بسبب قلة التفاعل
يا ريت اللي يقرا يصوت و يعلق لان هالشي يفرحني و يدعمني اكملها

+++

الروايه هذي تقريبا وصلت للنهايه و ما بقه شي و اخلصها
و نبدي بروايه جديده مختلفه جدا باحداث و ابطال كلش يختلفون (بعدين اغششكم عنهم)

فأتمنى من كل قلبي تساعدوني حتى نصعد هاي الروايه و يزيد التفاعل لان جاي اتعب و ما اشوف نتيجه

استمتعوا بالقراءة،❤️

شعر طويل
حس ثگيل
خصر يميل
صوت يعيل
و الگلب من وراها تطشر
مو روحي بس
احس كل البيه تخدر
اوصل للشفه و تستحي
و بالعيب تكوم تتعذر

فتحت عيوني بين الوعي و اللاوعي احس بثكل عليه شوي بديت اصحصح شفته حاط ايده على خصري و راسه على ركبتي بلعت ريكي بخجل و حاولت ابتعد شوي عنه رجع هو نفسه و صار مقابيلي من شفته هيج بقيت بمكاني اتأمل ملامحه ابتسمت بخفه و انا اتذكر اللي صار يمكن الليل كله خلصه و هو يعبر عن حبه و شكد هو جان يتمنى تتصافه الأمور بيناتنا رفعت نفسي و سحبت اللحاف على صدري هو فز و كام

ياسر : كافي ولج شكد تحوسين بت الحلوين

رند بابتسامه : صباح الخير كوم ترا صارت ب١١

ياسر و هو يرجع يسحبها و يحضنها : خليني مرتاح توني شفت الراحه لا تحرميني منها

رند بضحكة : يمعود ترا انا شبعانه نوم

رفع عيونه عليه و نطاني نظره جريئة و همس : حقج اذا هو انتي كلشي ما سويتي بس انا طيحتي حظي

رند : ياسر بطل قلة ادب

ياسر: اني مو قليل ادب انتي تحجين الواحد كوه حبيبتي تشعلين صفحتي من تكولين ياسغ فدوه و انا رجال رهيف ما اتحمل هيج ترافه و لطافه

رند بخجل : صدك ما تستحي

عفته و كمت بسرعه ركضت للحمام سبحت و لفيت البرنص عليه و طلعت شفته بعده نايم بالتواسيل خليته يكوم ههههه خطيه تعبان رحت بدلت لبست فستان للحجل لونه جويتي و مستور و رفعت شعري و لبست الحجاب حتى انزل جوه فتحت الباب و نزلت اباوع محد بالبيت استغربت دخلت على غرفه رند الصغيره ما شفتها بس ليال نايمه عفتها و رحت سويت ريوك هو نزل وراي اجه و حضني باس خدي و كعد عالميز مالت الطعام

رند: ياسر شو محد بس ليال هنا وين البقيه

حجيتها و نطيته كوب الجاي هو جاوبني : فارس اخذ اهله لبيت اهل ملاك و هو وياها يردون يحجزون قاعه و يكملون أغراض العرس سوه