23
السلام عليكم
اعتذر جدا لكن هالفتره ما راح اگدر انزل اجزاء جديدة
اتمنى تدعولي لان عندي امتحانات و هاي فرصتي الاخيره فلازم استغلها
بالنسبه للروايه راح يتم اكمالها بعد انتهاء الامتحانات
و كاعتذار و هدية هذا بارت الكم ♥️
اتمنى يعجبكم لا تنسون التصويت و تعليقات حتى استمر (لان هالشي يرفع من معنوياتي كلش و يحفزني حتى اكمل الروايه شي معنوي هو )
ما اطول عليكم استمتعوا بالبارت
استودعكم الله
تستاهل عيونك غزل
ما سامعه احد من قبل
يالوجهك يطير الملل..منين اجيت
ثگلي مثل الكاغد غده
يا ترف يالچنك ندة
بيك الجمال انت اقتده..و اني ابتليت
#احمد_الامين
اليوم الثاني
بيت هادي
يزن
عمري ١٨ مرحله اولى كلية اداره و اقتصاد انا اشبه رند شعري بي شگار و كيرلي و بشرتي بيها بياض و نمش خفيف ما احب اطول لحيتي دائما احلقها عيوني عسليه ضعيف و طولي ١٧٣ مو طويل و على اخواني هادي و همام اكثر شي انا و رند ننطي شبه لامي و همه لابوي جنت كاعد بغرفتي اگلب بالتليفون اجتني امي: ولك يمه صار ساعه اصيحك ما تسمع
- ها يمه كولي
- حبيبي كوم وياي اريد امر على رند اشوفها عيالها
اليوم جايين هم اروح اسلم عليهم
- يمه وين همام خلي هو يروح وياج
- ولك يمه تعبان توه راجع من الشغل يلا كوم بدل و تعال انا منتضرتك
- خوش هسه كايم.
كمت سبحت عالسريع و لبست تشيرت نيلي و بنطرون اسود و مشطت شعري حطيت عطر و طلعت وي امي اخذت سيارة همام
يزن : يمه خابري رند ما يصير نروح بدون ما نكللهم
ام رند: يا يمه شلون ما اخابرها هي اصلا خابرتني كلتلي اروحلها من الصبح
يزن: ها زين اذا هيج يلا وصلنا نزلي هسه الحكج انا
نزلت امي و انا رحت طبكت السياره و رجعت دخلت سلمت على فارس و حسن و كعدت يمهم الكل يعرف طبعي هادئ كلش الحجايه ما تطلع مني اذا ما واحد يحاجيني
فارس : اي شلونك يزن الكليه حلوه لو لا و غمزلي
يزن: ههههههه حلوه والله همزين اختاريت هالاختصاص انا احبه و رايده
حسن: بعد شعجب مو انت جنت علمي توقعت تريد هندسه او طب
فارس : اي والله خاصه معدلك زين طلع
يزن : ما مفكر بهالاختصاص صراحه احب المجال الانا بي اكثر
فارس : الله يوفقك حبيبي
يزن: تسلم يخوي
رند
الصبح خالتي ام ياسر وصتني اخابر امي حتى تجي تريد تشوفها و تسلم عليها علاقتهن حلوه من تعرفن لهسه صارن صديقات انا كيفت خابرتها و اكدت عليها تجي وصلوا العصر يمنا اجت سلمت عليها مشتاقتلها كلش كالت يزن جابها
أنت تقرأ
حب في الخفاء
Romanceأحببته حتى أدمنته اصبحت لا أرى غيره حاولت النسيان و حاولت الأنكار لكن كل ما مر بيننا كان أقوى من أن أنساه لمن يكون الصديق هو الشخص اللي تحط كل ثقتك بيه و يغدرك و يطعنك باكثر شي تحبه شنو حتكون ردة الفعل حب في الخفاء تحكي عن فتاة احبت شخصا دون ان يرا...
