4
رند
كعدت الصبح كمت غسلت و مشطت شعري خليته مفتوح على طولةة و رحت كعدت امي و اخواني و سويت ريوك تريكنا و كعدت يم امي كالعادة جنت اسويلها مساج لظهرها يوجعها ليش ما اندك جرس الباب فتحه واحد من اخواني اجاني يزن يركض :تعالي هاي صديقتج هدى بالباب
كمت بسرعةة و رحت فوتتها و سلمت عليها كعدت يمها جانت تباوعلي بنظرات غريبةة ما ارتاحيت بس جنت ابتسملها فجاة لزمت شعري و حجت بخشونةة شوي و هي تباوعلي :ليش فاتحةة شعرج بعدين شنو هذا لونه يسد النفس مو حلو گصي
رند ضاجت بس ما بينت:لا احب شعري امي ما تقبل اكصه و انا هم
شعري جان من اكعد ينفرش حولي فمن كلت هيج لهدى شمرت الخصلات اللي جانت لازمتها و طاحت بحضني :كيفج اني نصحتج
رند صفنت بتصرف هدى و اسلوبها بس رجعت و بسرعه تذكرت حجي ياسر : رند اليوم ياسر يروح للمول و كال اذا تريدون نلتقي انا تعرفين ما اكدر اروح لان اخواني ما يقبلون انتي ترحين ادري بيج تكدرين فدوه اريدج تشوفينه حتى لو من بعيد اريد اصدك هو هنا بالبصره
هدى ارتبكت شوي بس جاوبت ببرود :اي اروح ليش لا و يمكن هم اسلم عليه اذا التقينا و اوصله سلامج اكييييد
رند كامت و حضنتها و بفرحه:كوليلي كلشي يصير اوك
هدى تنهدت:اوك حگلج بس صبري يمتةة يروح هو
رند :ما اعرف هسه اخابرة
شلت التلفون و خابرتة بس ما رد حسيت تفشلت كدام هدى رجعت دكيت هم ما رد حسيت بزعل بس كلت يجوز مشغول باوعت لهدى جانت تريد تحجي شي و هي فرحانه بس دك تلفوني رجعت رفعته بسرعه باوعته لكيتةة ياسر طرت من الفرحه رديت بسرعه و لهفه: هلاووووو
ياسر و هو يلهث:شنو تريدين ترا طلعت من المعسكر و اذا انلزمت يسمطوني من وراج كولي شبيج شصار
رند بضحكةة:هذا كلةة علمود تجاوبني
ياسر ضحك: لعد اعوفج بنتي ما ينطيني كلبي.. يلا ولج احجي شنو تردين لا انلگف و يسووني عالعشه
رند :ردت اسالك يمته تروح للمول لانو هدى يمي و قبلت تلتقون
ياسر عدل وكفته و بفرحه :يعني معدها مانع
رند ضاجت من فرحته بس غلست:اي عادي يلا خلصني وين تشوفها و يمتةة
ياسر:كوليلها بال7 يجي هسةة عندي دوام يلا باي ديربالج على نفسج و لتنسين قبل ما تنامين شتسوين
رند بصوت ناصي و ناعم:أفرج سنوني و امشط شعري و احضر ملابسي للدوام و أدزلك مسج تصبح على خير باباتي يعني ترا حفظتهن والله
ياسر :عفيه بشطورتي يلا محتاجه شي
رند:في امان الله
ياسر سدة و راح يكمل تدريب اما رند دارت على هدى و طاحت على الكاع و هي تتنهد هدى ضحكت على شكلها:تدري الحب شسوى بيةة
رند كامت تركص و هدى تصفك و تغنيلها : مشاني على اديةة وداني روحه و جيةة يوووووو خلاني احجي بالمگلوب مو اني والله اذوب يكلبي هوب هوب علياااااا
ضحكت و هي تشوف رند ترجع تكعد و تحظن المخدة حيل و هي تحجي : روميووووو روميوووو
هدى ضحكت على خبالها و بنفس الدراما : اوه جولييت انجبي و تعالي وياي يلا خلي اروح للبيت خلي اجهز نفسي حتى اخوي يوصلني
رند بحزن : نيالج هدى اهلج يقبلون تروحين وحدج للمول انا اهلي حتى للباب ما يقبلون اوصل
هدى : حبيبتي يخافون عليج يدرون بيج فطيرة و بعدين هذا الجمال كلةة انا لو منهم احبسج بالغرفة و اقفل عليج
رند بضحكه : ولي عني عود تواسيني شرشبيلةة
هدى ضحكت و باوست رند و راحت و هي طايرة من الفرحه لان اليوم راح تلتقي بياسر
أنت تقرأ
حب في الخفاء
Roman d'amourأحببته حتى أدمنته اصبحت لا أرى غيره حاولت النسيان و حاولت الأنكار لكن كل ما مر بيننا كان أقوى من أن أنساه لمن يكون الصديق هو الشخص اللي تحط كل ثقتك بيه و يغدرك و يطعنك باكثر شي تحبه شنو حتكون ردة الفعل حب في الخفاء تحكي عن فتاة احبت شخصا دون ان يرا...
