13
چنةة الجنه الگلب لمن جناها
روحي و ما أحس عايش بلاها
گد ما احبها و بيها مجنون
صرت أعشگ مصايبها و بلاها
#احمد_الامين
رند
خلصت الحفلةة بس احس حيلي مهدود يربي هذا ياسر اللي جنت اتمناه بس مو هيج
مو و هو كلبةة مو الي ورة ما راحوا المعازيم ام ياسر و خواتةة علا الجبيرة حبابةة بس ليال مدري شبيها تباوع صفح للناس هاي من تكبر شسوي المهم اجتمعن و كعدن وي امي و زينب و الولد برة يسولفون وي اخوان ياسر اعتقد اسمائهم
علاء و حسن
ياسر جان كاعد يمي ما يباوعلي حتى عيونه على الباب مبين يريد يروح و الكل ملتهي بالسوالف اريد اباوعلةة اريد اتأكد هو هذا ياسر اللي جنت افكر بي ليل نهار اللي ما رضةة يطلع من كلبي
درت عليه على كيف شفتةة ضايج و صافن بالةة مو يمنا ضجت و بصراحةة دمعت معقول بالةة بهدى هسةة وين راحت شنو اللي صار مو جان يحبها مو المفروض هسةة همةة متزوجين وعيت على صوتةة و هو يحجي بس ما جان يباوعلي جان يفرك يقبض بأيدة و يفتحها و عيونةة عليها: لازم وجهي كلش حلو حتى هيج تبقين صافنةة عليةة
من كال هيج وجهي احسةة اشتعل من الفشلةة نزلت راسي و احس خدودي يحتركن بس هو ما سكت رجع كمل و هو يهمس باذني :لا تعلقين نفسج بأمل كاذب
كلماتةة جانت مثل السيف اللي انغرز بوسط كلبي ما جنت متعلقةة بامل كاذب ما جنت ياسر انا رند اللي كتلي بيوم ما راح اخلي النسمةة تاذيج و هسةة جاي تجرحني بهالكلام اجيت ابجي بس هو لزم ايدي و همس بسرعةة :ديربالج تحجين شي لو تتبكبكين ترا هذن السوالف اعرفهن و اخذج و اتزوجج و اكسر راسج هم ترا ادري ليش دتبجين لان منطوج لحبيب الگلب موو
كلبي دك حيل باوعتلةة و عيوني علگت بعيونةة هذا مفتهم كلشي غلط عبالةة ما رايدتةة لان احب غيرة ظليت ساكتةة و درت عنةة كلت احسن و لا يعرف منو انا قابل شنو يعني هو بكل الاحوال ما يحبني و اذا فكر احب شخص ثاني
ياسر
ادري جرحتها بكلامي بس معرف ليش هيج اسوي و فوك هذا ما نكرت يعني من صدك تحب واحد حسيت كلبي شب نار غبيةة ذكرتني برند اكيد هي هم جانت هيج بيوم خطبتها ظليت كاعد شوي بس ما كلت شي بعد
عصبت عليها احس روحي طلعت منها بس رغم هذا منتبه لحركاتها اديها ترجف و اصابعها تلعب بيهن عيونها كل شوي يغمضن من التعب طركاعةة مو عيون رموشها واصلات لخدها و عدها شامةة جوا شفتها شهالخلقةة هاي حقيقيةة البنيةة حسيت على نفسي طولت و اني اتأملها
كمت و كلت لاهلي حتى نروح لان تاخرنا و هي هم اخذوها تبدل حتى يرحون لبيتهم و اتفقنا بعد اسبوعين العرس ركبت سيارتي اجةة وياي علاء و ليال و امي
وعلا
و حسن و مرة عمي و عمي بسيارة فارس راحوا اني جنت اسوق و كلهم ملتهين بالسوالف فجاة ليال كمزت:يمةة شنو هاي العروس خلصتها بس تبجي بس تتدلع محبيتها
أنت تقرأ
حب في الخفاء
Romantizmأحببته حتى أدمنته اصبحت لا أرى غيره حاولت النسيان و حاولت الأنكار لكن كل ما مر بيننا كان أقوى من أن أنساه لمن يكون الصديق هو الشخص اللي تحط كل ثقتك بيه و يغدرك و يطعنك باكثر شي تحبه شنو حتكون ردة الفعل حب في الخفاء تحكي عن فتاة احبت شخصا دون ان يرا...
