٢٧
حسبالي من اغيبن عنك شچم يوم
تترسني شكو و چا ليش و مناشد
بعد مرور شهر
رند
گاعدة بغرفتنا انا و امي و صافنه بالسگف مر شهر على جيتي لبيت اهلي هادي حاول يحجي وياي و يفهم اللي صاير نطيته المختصر انو انا و ياسر مو متفاهمين و احسن حل بيناتنا هو الطلاق خطيه زينب تحاول تطلعني من جو الاكتئاب بس مو بيدي كل ما اتذكر ذيج الليله انتكب مره ثانيه بنيت امل جبير و تحطم كله تنهدت و كمت حتى اطلع من دوامة افكاري اللي ما توكف شفت ماما و زينب كاعدات يسون عشه و همام نايم و يزن بغرفته اما هادي فخطيه يتاخر بالشغل باوعت من الشباك اللي يطل على الحوش ياسر رجع للبصره حسب العرفته من ليال و صارله اسبوع نازل بالواجب اكثر ايامه هناك و يرجع يوم لو يومين و يروح لحد هسه ما تطلكنا بشكل رسمي احسه يماطل بالشغله و انا هم كلبي ما ينطيني تصير السالفه صدك بس لازم اضغط على نفسي و على مشاعري
زينب: رند حبي صيحي لهمام و يزن خلي يجون حتى يتعشون
رند: اي هسه
صعدت فوك و كعدت همام گوة كام اما يزن فجان كاعد يدرس اباوعله يتبسم و مو على بعضه
يزن:اممم رند ممكن سؤال
رند: كول حبيبي
يزن: هسه المفروض انتي ترجعين للدوام بعد يومين غير
رند هزت راسها: اي
يزن: زين اريد خدمة منج
رند: شنو هي گول
يزن:بنيه زميلتي وياي اختها مقبوله صيدله و سالتني اذا اعرف احد اريدج ترافقيها اول يوم على ما تاخذ على الاجواء لان البنيه تكول اختها عدها مشكله تتمتم بالحجي فمنحرجه كلش و خايفه من الدوام
رند: اي مو مشكله يمته ما تجي خليها تتصل علي وانا ابقه يمها و اعرفها عالمكان
يزن: تمام چا راح اگللها تعتمد عليج
رند ابتسمتله و دارت عنه
يزن
اباوع لرند ابد مو هي اللي اعرفها مبين عليها شكد مكسوره و ضايجه حتى ضعفت باخر فتره ابتسامتها و ضحكتها كلها مجامله النا كمنا انا وياها ونزلنا جوة لمن سمعنا صوت هادي وصل همام هم كمل سبح و اجه رند صبت الغده و كعدنا ناكل اباوع لهمام مو على بعضه مبين ضايج على رند و ودة بس يتعارك وي ياسر حيل يحبها و متعلق بيها لان هي اقرب وحده اله رغم ما يبين عليه هالشي
كملت غده و كمت حتى ارجع لغرفتي اكمل قرايه شوي و حسيت اجه اشعار الي فتحت الرساله شفت دازين سمايل "💋" استغربت لان الحساب ما اعرفه رديت عليه:منو
الرساله انفتحت و انقرت بس ماكو رد عفت التليفون و رجعت اقره بس مستغرب منو ممكن يراسلني شوي و رجع صوت رساله ثانيه يرن رفعته قريتها
"اسفه بالغلط اندز "
أنت تقرأ
حب في الخفاء
Romansaأحببته حتى أدمنته اصبحت لا أرى غيره حاولت النسيان و حاولت الأنكار لكن كل ما مر بيننا كان أقوى من أن أنساه لمن يكون الصديق هو الشخص اللي تحط كل ثقتك بيه و يغدرك و يطعنك باكثر شي تحبه شنو حتكون ردة الفعل حب في الخفاء تحكي عن فتاة احبت شخصا دون ان يرا...
