19
امج بيمن تنست
و جابت هيجي حوريه
يمن فدوة لبياض الايد
ماخذ بالترف ميه!؛
#احمد_الامين
رند
طلع و عافني وي دموعي احس شايطه على كد ما قهرني شنو هالقسوة اللي عندة شكد جنت احبه بس هسه احس بدي اتركه اتمنى اعيشه نص اللي يعيشني ياه من القهر الله اكبر انا شنو ذنبي المشكله اعرفك منو تحب يا ياسر اعرفك تحب هدى هي اللي ماخذه روحك و عقلك موووو انا حطيت اديه على وجهي و كمت اشهك بصوت عالي اريد بس افرغ القهر اللي بيه ما اعرف شلون كمت ألوب ادري بيهم يسمعوني بس ما يكدرون يسألون يعرفون ياسر و طبعه ما يحب احد يتدخل بخصوصياته حسيت ارتاحيت شوي و شهكاتي صارت صغيرة باوعت للساعه صارت بالتسعه راسي كام ياذيني و ووجهي احسه احتقن من البجي كمت لفيت الشال شلون ما جان و طلعت غسلت و طلعت شفت بوجهي فارس اول ما شافني ارتبك و نزل عيونه انا هم ارتبكت عبرته و رحت للمطبخ شفت رند كاعدة تلعب بلعابتها و عمتي كاعدة تحضر للغدة
رند :عمه تردين اساعدج بشي
ام فارس : لا يرويحتي روحي ارتاحي ما عندي شي بس الغدة و اخلص
اعرف بعمه ام فارس ما تحب تطلب من احد و تضايقه ابتسمت و عفتها رحت كترت البيت و غسلت الطارمه و اخذت رند سبحتها و لبستها بدله سمائيه للركبه شوي منفوشه و بالصدر بيها جيب عليه رسمه ميكي ماوس ربع ردن و حذاء ابيض و شعرها قصير جوة رگبتها مشطتها و سويتلها ظفيرتين دفن طلعت تجنن بست خدودها و هي جانت فرحانه بشكلها حبيبتي نوب اخذتها وياي للغرفه من دخلت اختنكت تمنيت اطلع تمنيت انهي هالمهزله هاي و أكول كلشي بكلبي اعرفك يا ياسر اعرفك أكثر من نفسك و احبك و انت تحب صديقتي يا ياسر اااه ما أكدر اكمل كعدت رند عالجربايه و و شغلتلها التي في على كارتون و انا رحت سبحت و رجعت لبست گلابيه مخصرة لونها بنفسجي تصير مثل اليلك فوك و جوة اليلك ضيكه و بيها فتحات من الصفحتين و شحاطه كعب عاليه شوي لونها بنفسجي و لفيت شال اسود و حطيت كحل و حمرة ورديه
ياسر ما يقبل مو؟
اي انا حطيتها لعيون حبيبةة ياسر اللي ميت على جيتها و شوفتها خلصت و كمت رحت لرند خطيه من شافتني كامت تباوع للعابتها كتلها شبيج تكلي عمه انتي حلوة لعابتي حلوة مثلج مثلج سمعنا صوت الجرس يدك توها بال10 و نص اخذت رند و نزلت شفت عمتي ام فارس تسلم على مرة جبيرة ووياها بنات ثنين وحدة ضخمه اضخم مني شوي و حنطيه و الثانيه حيل ناعمه و بيضه كلش دخلن و سلمت عليهن و كعدن سوة بالهول كعدت يمهن
ام فارس :شلونج شخبارج ام علي ان شاء الله زينه والله مشتاقتلج كلش بس ما أكدر اعبر عليكم خصوصا بفترة العرس
ام علي جانت تباوع لرند: اي خيه عاذرتج بخير الحمد لله انتم شخباركم.. ما شاء الله اللهم صل عالنبي هاي هي العروسه مو.. احلى من يوم العرس بسم الله عليج بنيتي ياسر جوهرة و لكاله جوهرة نادرة مثله
أنت تقرأ
حب في الخفاء
Romanceأحببته حتى أدمنته اصبحت لا أرى غيره حاولت النسيان و حاولت الأنكار لكن كل ما مر بيننا كان أقوى من أن أنساه لمن يكون الصديق هو الشخص اللي تحط كل ثقتك بيه و يغدرك و يطعنك باكثر شي تحبه شنو حتكون ردة الفعل حب في الخفاء تحكي عن فتاة احبت شخصا دون ان يرا...
