21
جيب راسك لوح صدري
و اسمع شيحچي الگلب
أي سهله من اخذ نفس
بس حيل من يطلع صعب
#احمد_الأمين
رند حسيت بالهوه انحبس بصدري اباوعله عيونه حمره صارت و هو يحجي ما كدرت ارد عليه باي شي ظليت ساكته عيوننا تتلاقى و الحجي بيها اكثر من حجي الشفايف
شفته كمل و هو يرجع راسه لكدام و اديه اللي على الستيرن كل ما الها تصير اقوى بمسكتها لدرجه حسيت اديه شرايينها بينت
ياسر: اذا تسالين شلون عرفت فحتى الغبي حيعرف هالشي اولا اني حافظ صوتج صم بكم من اول مسمعته لكن كلت ميخالف اماشيج و اسايرج و اشوف رح تجين و تعترفين و تكولين انتي رند او لا ثانيا عيونج فاضحتج حبج هذا اللي بعيونج مبين حب سنين مو حب يوم ليومين اما هذا كله بعيداً عن تصرفاتج تعرفين شنو احب شنو اكره شنو اريد اكل تعرفين اذا عصبت م احب تحجين وياي ووكعتج اليوم و انفعالج لمن شفتي محادثتنا و من گتلج گلبي يدك لغيرج تاكدت كلش من شكوكي و اذا ردت فد شي تنفذينه دون م اكوله هذا كله و تردين تغاشميني
اني مزعلان عليج الا لشغله وحده و هي انو انتي ضميتي هالشي عني .. كلتي هدى خذلتج و خانتج و هي تدري بيج تحبيني و ترديني لكن لو نجي للواقع منو اللي هسه غلطان. . شلون نطيتي لنفسج مجال تهدمين صداقتج وياها اللي من الصغر لاجل شخص اجه سنه وحده وياج
ساكته و دموعي تنزل اباوع لعيونه و هو يحجي معصب لكن حجيه بي عتاب حطيت ايدي على وجهي و كمت ابجي حيل : لو كتلك كل اللي صار انا ما ادري بي ما راح تصدكني راح تكلي انتي اللي وافقتي علي و انتي تعرفيني ياسر انا ما جنت اعرف انو انت اللي خطبتني شكيت لكن كلت مستحيل يمكن انا اتوهم يمكن تشابه ما اجه على بالي انو ممكن ننجمع هيج انا ما ردت هالشي يصير ابتعدت عنكم حتى لا ائذيكم و ائذي نفسي
ياسر: جان كلتي جان حجيتي ليش تستغفليني المفروض من اول لحضه تحجين مو تسكتين
رند: و انت حتصدك انو اللي صار صدفة؟
طبعا لا جنت حتكلب الدنيا علي و رح تتهمني انو انا استغليت الوضع و سكتت حتى نتزوج و اصير الك على حساب هدى اللي اصلا ما اعرف ليش انتم هسه مو سوه اصلا
ياسر: هدى صفحه و انطوت من حياتي اني لو ادري كل هذا يصير جان لا رديت عليها و لا حاجيتها
رند بعصبيه: ههههههههههه تصدك ضحكتني مو انت اللي كلت تحبها وينها هسه ما اشوفها اعتقد المفروض هي بهالمكان مو اناا
ياسر ببرود: اني لا حبيت هدى و لا تعلقت بيها مثل متعلقت بيج بس انتي جنتي حاطة حاجز بيناتنا هدى محطت هالحاجز و توقعت انو اني احبها لان تقربت مني حيل لكن
سكت و هو يدور وجهه: ماله داعي نكمل الحجي
حرك السياره و عم الصمت كعدت بين نفسي و نفسي افكر شنو ما حب هدى مو اجه و سالني و كال حاجيها الي كل لحضه و الثانيه اباوع عليه صافن و يفكر لكن ابد ما دار ناحيتي
أنت تقرأ
حب في الخفاء
Romanceأحببته حتى أدمنته اصبحت لا أرى غيره حاولت النسيان و حاولت الأنكار لكن كل ما مر بيننا كان أقوى من أن أنساه لمن يكون الصديق هو الشخص اللي تحط كل ثقتك بيه و يغدرك و يطعنك باكثر شي تحبه شنو حتكون ردة الفعل حب في الخفاء تحكي عن فتاة احبت شخصا دون ان يرا...
