2
مرحبا
الرواية في البدايه اسلوب الكتابة فيها رديء و قد تكون بعض الاحداث غير مترابطه شوي شوي حنبدي نتعمق بالاحداث و يختلف كلشي وياكم ^^
مر ٦ اشهر على رند و ياسر كل يوم يحجون بي بدت علاقتهم تقوة لدرجةة كبيرة .. نكدر نكول انو رند انعجبت حيل بياسر لدرجةة جانت كلش تغار عليه من يحجيلها عن البنات اللي يحاجونةة و خاصةة ست وئام جانت مخليةة لرند علةة
ياسر : اليوم رحتلها جاي انطيها الغيابات و لزمت ايدي علاساس بالخطأ
رند حاولت تكتم غيرتها : اها اي يجوز تحبك
ياسر استغرب ردها لان كل ما يفتح سيرة بنيةة و خصوصاً ست وئام تصير جافةة: هي مبينةة تحبني
رند عصبت بس ما كالت شي
ياسر : رند؟
رند: نعم محتاج شي؟
ياسر : سلامتج بيج شي؟
رند "بيةة انت يا ياسر " : لا كلشي ما بيةة شبيةة يعني بس خايفةة من السادس شوي لان تدري راح تخلص العطلةة و راح يبدي الدوام
ياسر : لا تخافين انتي كدها و كدود
رند : ههههههه ان شا الله.. صدك اريد اعرفك على صديقتي هدى
ياسر : اللي دائماً تحجيلي عنها؟
رند : اييي هي نفسها هسةة اسوي كروب و تعرفوا على بعض
رند جانت حابةة تعرف هدى على ياسر من باب الصداقةة لا اكثر لكن ما جانت تدري انه هالشي اللي سوتةة هسةة راح يخليها تندم بعدين المهم سوت كروب و تعرف ياسر على هدى اللي جانت عكس رند بكلشي .. مرحةة و دمها خفيف و تنطي اهتمام للي مقابيلها وواثقةة جدا من نفسها
ياسر بدون ما ينتبه انجرف وياها بالحجي لان ميولاتةة جانت تميل لميولاتها حس انها مختلفةة عن غيرها بكلشي
ياسر : ههههههههه لج انتي خبلةة
هدى : اي الله نطاني لسان بس ما نطاني طول
رند: هههههههه انتم ثنينكم مخابيل
ياسر : يعني اذا نفخت عليج اطيرج صح
هدى : لاااا شدعوه عاد مو لهالدرجةة
ياسر : ادري ادري لهالدرجةة
رند " ياسر حيل مندمج وي هدى غريبةة انا شكد طولت وياه بس ما اندمج وياي لهالدرجةة يلا يمكن لان ميولاتهم تتشابه بس ليش حتى ما يرد علي يتجاهلني ليش"
طلعت من الكروب لان شافتهم مندمجين و راحت كعدت يم امها اللي حست انو بيها شي
ام هادي : خيرج يمةة شبيج متكدرة
رند : ما بيةة شي ماما بس نعسانةة حروح انام تصبحي عخير
باستها من خدها و كامت حتى تروح تنام
غمضت عيونها و هي مخنوكه كلش من اللي يدور بين ياسر و هدى ظلت تفكر و تجيب تخيلات و تودي لحد ما حست بدووخه ووجع راس و غفت و هي ما تدري
أنت تقرأ
حب في الخفاء
Romansأحببته حتى أدمنته اصبحت لا أرى غيره حاولت النسيان و حاولت الأنكار لكن كل ما مر بيننا كان أقوى من أن أنساه لمن يكون الصديق هو الشخص اللي تحط كل ثقتك بيه و يغدرك و يطعنك باكثر شي تحبه شنو حتكون ردة الفعل حب في الخفاء تحكي عن فتاة احبت شخصا دون ان يرا...
