8
والله الوجع لو ينشاف
چا ما ظل بشر ينعآف
#احمد_الامين
هدى
الصبح كعدت الساعةة ب6 و نص دموعي لسا تجري على خدي شنو ذنبي يا ياسر هاي لان حبيتك ما ردت اخسرك بعدين مشاعرة كلها متوجهةة الي حتى لو اللي سويتةة غلط المفروض ينسةة كلشي و يسامحني ادري انو اني اذيت رند و خدعتها بس ما جان بقصدي اخليها تتاذة و هسةة كد ما كمت اكرهها كمت اتمنى ما تشوف سعادة بحياتها و كل عمرها تبقى مهمومةة بصراحةة اني احجي هيج لان غيرانةة منها شمعنى ياسر هلكد مهتم لحضرتها هي قابل منو اشو حتى اهلها فقرة و هي ما عدها شي تتباهى بي غير جمالها قررت اروح و احاجيها اريد النار اللي بكلبي تطفةة مدا اعرف شلون فتت للحمام غسلت و طلعت لبست بدلةة طويلةة لونها زيتوني و عليها حزام بني و شال بيجي و حذاء عالي مقبط لونةة بيج فاتح وي لون الجنطةة و حطيت مكياج و حمرة بيج كمت و نزلت جوة شفت الخدامةة حاطةة الاكل على الميز كعدت اكلت شوي زيتون و جبن و كمت لان اجةة الخط عليةة وصلت للكليةة شفت صديقاتي كاعدات بالقاعةة رحت كعدت يمهم طبعا يحجن عالولد و شكو ولد صاك حاطات عينهم عليه اني كلت خلي اخلص المحاضرات و بس اخلص اروح لرند لان كلبي مورم اريد اطلع قهري بيها و اخليها تدري انو ياسر يريد يجي يشوفها حتى تشرد منه اعرفها جبانةة و محتكدر توكف بوجهةة
رند
كعدت من الصبح جنت مريضةة شوي فلاونزة لان سبحت و نمت عالتبريد امي كلتلي لا تداومين بس كلتلها امتحانات ما أكدر اغيب لبست تنورة ميدي شوي بيها قصر لونها اسود و بدي ابيض قطن و حذاء ماروني شوز بس عالي بي ركبةة و حجاب ماروني وي لون الجنطةة نزلت طبعا ما حطيت اي شي على وجهي كالعادة شفت زينب كاعدة تسوي ريوك لهادي و همام لان يطلعون واحد لدوامةة و الثاني للشغل سلمت عليهم و طلعت وصلت للكليةة اول ما فتت للقسم صارت الشلةة كدامي رحت سلمت عليهم: هلو شلونكم
نوفل و ثراء و احمد ردوا الحمد لله تمام بس سما لازم كالعادة تعلق على شكلي : والله من شفناج صرنا تمام هاي شنو لج طالعةة حوريةة حلو عليج هاللون نوب خدودها و شفايفها حمر كليلي انتي شنو من مكياج تحطين ما اكول لاحد ها يلا احجي
رند ضحكت : ما احط شي حبيبتي الحمد لله هاي خلقتي هيج
ثراء مدت اصابعها و لزمت رموشي : يعني هالرموش حقيقيةة ما تدخل عقلي عبالك تركيب نوب بيهن شكار
احمد :عوفن البنيةة والله ابتلت من صارت صديقتجن فصلتنها تفصل
سما باوعت لاحمد و رفعت حاجبها: متشوفها كسرت حتى على رئيسةة القسم لك اريد افهم احنا هم بنات شو انا يربي شكد احط بهالخلطات بشرتي تظل صفرة
احمد: جكمةة شمتسوين ميفيد
ثراء : ههههههههههههههه يلا عوفوا هالكلام لان راديو الست سما اذا انفتح بعد مينسد
أنت تقرأ
حب في الخفاء
Romanceأحببته حتى أدمنته اصبحت لا أرى غيره حاولت النسيان و حاولت الأنكار لكن كل ما مر بيننا كان أقوى من أن أنساه لمن يكون الصديق هو الشخص اللي تحط كل ثقتك بيه و يغدرك و يطعنك باكثر شي تحبه شنو حتكون ردة الفعل حب في الخفاء تحكي عن فتاة احبت شخصا دون ان يرا...
