اشتريت الحاجات البحتاجها،، و مر اليوم و صحيت الصباح للجامعه،، اول يوم لي💃،، لبست بنطلون ابيض هودي رمادي كبييررر و لفيت طرحه بيضاء و اسبورت ابيض و لبست الكارد حقت الجامعه،، مرقت كنت منتظره نجود و جين يمشوا معاي م طلعوا م عارفه مألهم خليتهم،، نزلت تحت ف نفس المكان لقيت نفس الولد عاينت ليه المره د عاين لي بعين م مفهومه تحذيريه غضب م قدرت احدد،، خليته،، و مرقت...
ف مكان اخر ف غرفه مظلمه،، ف احد الاماكن النائيه ف مدينة اكسفورد،، مجموعه من الفتيان و الفتيات يقفون كانهم اولاد ف المدارس يريدون ان يحيوا استاذهم،،يلتفون جميعهم حول طاوله،، و يقف امامهم رجل يبدو انه ف العقد الثالث من العمر.....
_يجب ان ننهي عملنا هنا بأسرع وجه، ف الشرطه سوف تكتشفتنا عاجلاََ ام اجلاََ
=ي رئيس ان مؤتمن لم يعد معنا،، و اخاف ان يخبر احد عن عملنا،، فهو و تقريبا اصبح ضدنا.
_ماذا؟!!!، و لماذا لم تخبروني،، مؤتمن الرجل العربي ذا الاوشام ف جسده؟
=نعم، هو،، كنت اظن انه يأخذ قسط من الراحه كما يفعل ف كل مره نعمل بها،، و لكن عندما رايته و تحدثت اليه هددني ان يخبر الشرطه اذا م لم نتوقف عن هذا العمل..
_يبدو انه يريد اللعب معنا... سأعطيه فرصه اخرى ليغير من رأيه و الا.... انتم تعلمون ماذا افعل مع العُصاة. 😉....
مشيت الجامعه و اخدنا محاضرات تعريفيه،، و بجد الناس متحمسين للمنافسه،، و الناس المنافسني ف المنح عباره عن عباقره متحركين😭،، مشيت للمدير فاتحته بقصة الشغل،، انه انا طالبه م عندي زول يصرف علي،، ف قال لي انه حيطلع لي منحه و اذن بالشغل،، و مشيت للمكتب التاني وريتهم بكلام المدير كتبوا لي الطلب،، و رجعت ليه تاني ختم عليه،، (بساعدني انه امشي اشتغل ف اي محل لانه انا محتاجه القروش د لاني طالبه و كده... فهمتوني؟! 🌚)،،و انا راجعه من الجامعه لقيت الولد داك قاعد،، مشيت ليه (انا فضوليه جداََ،، شخصيتي حتعرفوها من خلال الروايه ماف داعي اقعد احكيها)،، قلت ليه:هاي،، قال لي هاي،، قلت ليه انا لي بلقاك كل يوم قاعد هنا محتاج شي او عايز زول؟،، قال لي لا و احذري من اي زول ف العماره د و قام مشى طوالي....
بقيت عامله كده🙂.. د شنو الاكشن البتحصل د،، بعدين قلت لنفسي عايني ي ليان انت جيتي هنا عشان هدف واضح م تدخلي نفسك ف مشاكل م ليك بيها، ،ف نفس قعدتي ضرب لي امجد😍.... سال مني و انا شاكلته لانه لي زمن طويل م اتلكم معاي نصحني بكم حاجه بحكم انه هو جرب العيشه برا البلد و كده،، و ضربت لناس ماما قالوا لي كيف اليوم و حكيت ليهم و انه حأشتغل و كده....
و دخلت العماره حقتنا و غرفتي اكلت شربت صليت و كان عندي خاطره ف راسي سجلتها ف النوت قريت حبه من الكتاب البقرا فيه شربت قهوه و بعدين رقدت فجأه جاتني صورة الولد بتاع قبيل حسيت بالخوف😢،، مرقت قلت اشوف ناس جين و نجود مشيت دقيت ليهم الباب، فتحت نجود قلت ليها هاي قالت لي هلا قلت ليها كيفكم قالت لي تمام و انت قلت ليها الحمدلله قلت ليها م حتفضليني🌚💔، ،قالت لي اوبس معليش اتفضلي،، م لقيت جين قلت ليها جيت وين قالت لي نايمه جوا قلت ليها اه تمام،، قلت ليها م شفتكم ف الجامعه الليله،، و حتى انت م شفتك ف القاعه بتاعت سنه خامس كان جيت اسلم عليك و كده،، قالت لي اي م وزعوني ف القاعه المشيتيها بكون. . و جين قالت انها م ماشه حاسه بالتعب.. قلت ليها اه تمام،، فجأه جات جين مارقه و باين عليها.....
هي حياة لا تدري ماذا يحدث من خلفك..... 🧡🍂
(العربي الفصحه د انجليزي،، و عشان تعرفه انه ديل ناس تانيين 😂،،و اي كلام عربي هو انجليزي بس الترجمه صعبه انه اكتب انجليزي و اترجم عربي و كده)
