"قد تنقلب حياتك رأس ع عقب،، و لكن لا تكرهوا شيئاََ عسى ان يكون خيراََ لكم"...
هيا ادخلي تريدين أن تهربي بعد ما علمتي اننا هنا ي حقيره هياااا... ارفعي يديكِ الى الاعلى..... الى الدوريه العاشره احيطوا بالمكان كله و تفقدوا كل الابواب... ارسال ارسال....الضابط دخلني و انا رافعه يديني و حاولت بكل الطرق انه اقول ليه انه انا جيت انقذ الزول الجوا و اوريه المسج بس م اداني فرصه كل البقوله ي حقيره خشي جوا... دخلت و الصدمه ف وجوههم كلهم بس اكتر شي مؤتمن.. قال لي لياااننن!!! انت بتعملي شنو هنا الجابك شنووو.. الشرطه كبلت القاعدين جوا كلهم و بمافيهم الزعيم بتاعهم... مؤمن مقعدنه قصادي و الضابط بكورك و بسأل فينا ف ناس غيركم ووين الحبوب اللامنها؟!!! 😡..... اصبري لي لحدي م نمشي القسم بشوف شغلي معاكم... مؤتمن بعاين لي بس و م رد عليه و انا د كله م هاميني زي م صدمتي من مؤتمن وجعتني جوا قلبي شعور الخزلان و انه انت تكون عوير (شعور الخذلان لمن الزول يحس بيه بعمل فارق كبير ف شخصيته او احتمال ف حياته لو جا من حبيب صديق اخ اخت اب ام من اي زول بعني ليك.... الفارق د ممكن يخليك تتقدم و شخصيتك تنضج و د طبعا لو وجهته للطريق السليم و ف لحظة الخذلان م اشتكيت للناس اشتكيت لرب العباد.... و ممكن توجهه للطريق الخطأ و د كتير من الناس بمشوا فيه و بالأخص الاولاد.... ببدا يغطي شعوره د ب انه يكسر قلوب ناس تانيه و يخليهم يحسوا زيه ف محاوله منه انه ينتقم بس من منو و ف شنو م مهم......و ف الطريق د ببعد عن ربنا شديد و بلةأ للمخدرات اللي هي محور روايتنا د زي م حصل لمؤتمن لمن ابوه خذله.... بس اي شعور سيء نحن بنحسه بكون لخير و حسنات لينا..)..
الضابط قال ليه واحد تاني كده انقلهم للقسم حالاََ..
ركبت عربيات المساجين و المذنبين ف حين انه انا ي دوب ف الاربعه السنين الفاته سمعت بشي اسمه مخدرات و شفته قدامي بس م حاقول اي شي لحدي م نصل القسم..
ف اللحظات الشرطه فضت المكان جو عسجد و عمار و لقو ماف اي زول بس علامات الدم بتدل ع انه كان ف زول مربوط هنا... ولحسن الحظ كان ف مجموعه عساكر او شرطيين واقفين م مشو سالوهم وروهم انه نقلونا للقسم.......
ف القسم:
_ي حضرة الضابط انا عندي دليل ع انه ديل هم الكانوا بديروا الشغل كله امشوا الداخليه حقتي ف دولاب.... (وصف ليه المكان).. بتلقى الادله كلها هناك..... و البت القاعده هناك د م ليها علاقه بالشغله د كلها.. انا كنت بتاجر بالمخدرات و كنت مدمن بس اقلعت عن الشي د و اتعالجت و د الدكتوره الاتعالجت عندها و د اسم المستشفى العملت العمليه فيها..... و وريتك الادله...
ليان احمد زين العابدين.....
_نعم انا..
=وريني انت ليه كنت هناك و علاقتك بالناس ديل شنو!!
_انا طالبه ف جامعة اكسفورد سودانيه الجنسيه جيت اقرا هنا اتلاقيت بمؤتمن بحكم انه بقرا معاي ف الجامعه و ساكن معاي ف الداخليه... م بعرف اي زول منهم.. بس بسسسس😭 ال الجثث الميته د كانوا..... و انفجرت بالبكاء الكنت بحاول امسك فيه من م سمعت كلام مؤتمن.... م عارفه بكيت عشان شنو بالظبط.. قال لي اهدي بتقدري تتكلمي هسه و لا اخليك اخر شي؟...
_لالا بتكلم هسه ،،ديل كانوا ساكنين معاي ف الداخليه ف شقة قصادي مره مشين ليهم اتفقدهم لانه م جو الجامعه لقيت جين م واعيه و ظاهر انها مدمنه..
=طيب و الجابك هنا شنو؟
_جاتني مسج من رقم مؤتمن لانه كان مختفي و كان عندنا تست و م امتحن فبقينا انا و عسجد و عمار ديل اصحابنا بنفتش عليه ضربت ليهم كلمتهم بس ف اللحظات د جاتني مسج منه و لو جبتو تلفوني بوريكم ليها.
=ي جندي جيب لي تلفون ليان احمد زين العابدين.
=حسناََ
و مرقت ف اللحظات د جو عسجد و عمار دخلوا و بقوا بسالوا فيني الحصل شنو و كده اخر شي استجوبوا زعيمهم د... و لحدي الوقت د م اتكلمت مع مؤتمن و لا عاينت ليه ساي لانه كنت قرفانه منه لانه لمن تعبت داك هو الكان السبب بس كان بمثل دور المنقذ.... و بقيت سرحانه و دموعي نازله عسجد جات قالت لي ليان كلها فتره و حتمضي انت مؤمنه بربك قلت ليها لي كل م اقول خلاص حياتي بقت حلوه و م ناقصه شي تجيني بلوه اكبر مني😭... انا عملت ذنب شنو عشان يحصل لي كده 😭و كمان دايما بكون ف احب الناس لي..
ليان احمد زين العابدين تم اطلاق سراحك تعالي و اكملي الاجراءات عشان تطلعي مع العلم انه ضربنا لناس الداخليه بتاعتك.....
مشيت تميت اجراءاتي مؤتمن ناداني ليان ليان عليك الله اسمعيني م ممكن تحكمي علي من غير م تسمعيني... قلت ليه مؤتمن انا بقيت بكرهك و لا اقول ليك م بكرهك لانه الكره معناها انه بشعر بشعور تجاهك بس بقرف منك 😊..... قال لي تمام مدام م عاوزه تسممعي ف اعملي الدايره...
مرقت و عسجد جات معاي و بقينا ماشين و بتسأل فيني و انا بجاوب ليها و ببكي و شي اسرح و تقريبا د اسوء يوم ف حياتي بس احتمال يكون ف اسوء م معروف.... عمار ضرب ليها قال انه مؤتمن حيسجنوه خمسه شهور لانه اتخلى عن المخدرات..... و قفل ضرب لي بابا من السودان استغربت و الخوف الاكبر انهم يكونوا عرفوا بالحصل..
-الو بابا كيفكم و اخباركم!؟
=ليان تجي السودان بكره د كلمت امجد يحجز ليك و كلام كتير م عايز و لمن ترجعي بنتحاسب......
