اجعل الم الحياة، دافع لتبعث الامل ف قلوب الاحياء. 🍂💛
لقيت مؤتمن قاعد ف البنش مشيت سلمت قلت ليه جيت متين من المطعم اه و الشغل كيف و م وريتني انه بتعرف عسجد،، قال كويس والله سيد المطعم زول متفهم و اداني راتب كويس عسجد حبيبة صحبي اسمه عمار و طلبت منه انه يفتش معاي شغل فهو اقترح علي انه اشتغل مع عسجد و كده و بعدين م كنت عارف انك شغاله هناك،، قلت ليه انا عشان م عاوزه ناس بابا يدفعوا لي و اتعبهم بالعكس عاوزه اساعدهم و بعدين د حلمي انا انا المفروض احققه بجهدي و تعبي انا قال لي حلوو انك تكوني محدده اهدافك.. قلت ليه و انت مالك قال شغال مش ابوك ملياردير؟!... قال لي امبارح ضربت ليه اسال عن حاله و كده قال لي اه داير قروش تاني.. اتخيلي انه ابوك يكون فاكرك انك بس بتحتاجي للقروش لا للعطف و لا الحنان حق الاهل فاكر انه انا بضرب ليه بس لمصلحه قلت ليه انه انا ضارب ليه عشان اسال منه بس و قلت ليه انه تاني م حشيل من قروشه و لا قرش ف قلت لازم اجتهد ف الجامعه و انجح و ف الزمن التاني ح اشتغل عشان اوفر مصروفاتي.. قلت ليه حلوو طيب انا بساعدك ف القرايه م تشيل هم اصلا اولاد البلد مفروض يساعدوا بعضهم انا اهلك هنا ف الغربه😀... قال لي بتقولي حكم انت م شاء الله 😂... قلت ليه لكن انت تساعدني برضو و ترجع تقرا البشرحوا ليك عشان تقدر تلحق اصله الزول لمن يكبر مخه ببقى تقيل.... قال لي انا مخي اخف من مخك😘.. قصف جبهتي... قلت ليه انا لحس بيك زول غامض و م عندك شغف للحياة يعني م زي الشباب التانيين بكون عندهم احلام و كده... قال لي انا مدمن مخدرات... ف ضيعت الوقت المفروض احدد احلامي فيه بانه اشرب و ابلع بس.. قال لي لكن انا خلاص قررت انه اوقف البعمل فيه ده ابوي د م دايم لي و بعدين قروشه د احتمال يدخلها معه القبر م معروف 😀. قلت ليه ي ولد م تقول كده هو ف النهايه ابوك... قال لي انا بقيت امشي لدكتوره نفسيه و بعد تلاته يوم عندي عمليه عشان يسحبوت مني المخدر الفي دمي د.... قال لي ممكن اشرب من مويتك حبه نسيت اجيب باقة المويه حقتي... قلت ليه طيب و مديتها ليه... تلفونه وقع قمت رفعتوا ليه... و اداني باقة المويه قلت ليه بالمناسبه انت ليه بتقعد هنا ف بنشات كتيره غير د و انت ساكن ف ياته عماره من ديل قال لي العماره ديك وصفها ب يده اللي هي اخر وحده ع الشمال.... و بالنسبه لسؤال البنش بقعد هنا ساي يعني ماف سبب معين اتعودت عليه قلت ليه امم تمام عندي لسه اساله كتيره بس بكرة عندنا جامعه و قلنا حانجتهد و كده ف لازم اقوم انوم الساعه بقت ٣ صباحا و الفجر قرب يأذن... قلت ليه م حصل شفتك مشيت جامع انا🌚... قال لي د م شي بخصك قلت ليه اسفه بس كنت يعني عاوزه اقول ليك انه من غير م تصلح علاقتك بربنا م حتتقدم نهائي و فتحت باقة المويه شربت منها قمت دخلت حسيت بدوار ف راسي و كانه جسمي بقى يتنفض كده و رعشه و زي ف نار دخلت جواي قلت بكون من التعب حاولت م اوهم روحي و قلت عادي.. زبط المنبه ع وقت صلاة الفجر (صلاة الفجر عندها فوائد كتيره و منها انه الوقت د الزول بكون م مشغول بمشاغل الحياة و الدنيا زاتها بتكون هاديه و د الوقت الانت بتقدر تدعي ربك فيه و حيستجيب باذنه تعالي و القران فيها مشهود "قران الفجر كان مشهودا".. لازم نوعد نفسنا انه كل يوم نقوم نصلي ف وقته... و كمان الزول لمن يبتدي يومه بالصلاة و القرب من ربنا اي شي ف الحياة حيبقى لي ساهل و حكون مطمئن بانه ربنا معه)... غيرت هدومي من شدة لفة الراس غيرتها ف الكرسي و بقيت م قادره نهائي اقيف طخ رقدت ف السرير..... و م صحيت الا الساعه ٩.. استغربت لانه نومي خفيف و بالمنبه بصحى بس م صحيت.. كنت لسه حاسه بلفة الراس بس كان عندنا لكشر مهم شديد ف لازم امشي م ممكن اغيب من بداية السنه... اتذكرت انه عندي جامعه.... واااي الليله م بدخلوني المحاضره😭... الخواجه ديل اهم شي عندهم الزمن قمت لبست لي اسكيرت اسود و خميت لي تشيرت لونه بنفسجي فااتح فيه ورود كبيره بالابيض. و لفيت طرحه لون التشيرت و اسبورت ابيض و شارب ابيض و جريت جري حتى البواب م وريته الكارد و قفني قال لي الكارد حقك وين؟... و للاسف كنت نسيته فوق تاني رجعت و وريته ليه... ركبت تاكسي عشان الزمن ووصلت الجامعه.....
ف نفس المكان الذي هو وكر لكل مجرمي المخدرات و المتاجرين بها...... كان يوجد فتاتين و رئيسهم المدعوو جاك ويليام و معهم فتى يبدو انه مجبور ع القدوم اليهم بلا حول له....
_اخبرنا هل فعلت م امرناك به؟
=نعم فعلت و وضعت حبه خفيفه حتى لا تشك.. لا اريد ان الطخ يدي بالدماء.
_اذا قدمت الطريده هذه المره انت و نجحت ف مهمتك اعدك ان انساك..
= انا اريد ان اقلع عن هذا العاده السيئه اريد ان اصبح انسان طبيعي، فارجوك ابعد عن طريقي و لا تتصل بي مره اخري.. بنهاية هذا العام ستصبح الفتاة مدمنه و ساتي بها اليك فافعل م تريد بها.
ضحكه شريره حاده يبدو انها قادمه من فم انثوي رقيق...
_ماذا اصابك ي فتى منذ متى كنت تهتم بان تصبح انسان طبيعي.. كنت تحب الحياة، اقصد حياة الخيال، كان يرعبك الواقع.. لولاي لما استطعت ان تجتاز كل تلك المشاكل.. لولا رئيسنا طيب القلب هذا.
=لا شأن لك بما اصابني انا افعل م اريد.. لا تتصلوا بي مره اخرى ف يمكن ان ننكشف هذه الفتاة حاذقه و كثيرة الاسئله م يدل ع انها لا تثق بي بعد و معي من الحبوب م يعينني ع اداء هذه المهمه... ف لا تتصلوا!!
_حسناََ ي....
صلوا على رسول الله( صلى الله عليه وسلم).
