وصلت الجامعه و دخلت المحاضره الدكتور قال لي د اول مره ف عشان كده م حعمل ليك شي خشي.. دخلت و الدكتور ادانا شغل نشتغله ف البيت و اللي هو نرسم خرائط بتاعت بيوت بابعاد معينه م حاجه كبيره باعتبارنا لسه ف سنه اولى ادانا ليها و ع حسب الدروس الاخدناها،، صراحه صعبه و عاوزه ليها قعده.. لقيت مؤتمن قاعد براهو ف الزوايه ف البنش الاخير و عاوز يركب السماعات... (انا زوله فضوليه زي م قلت ليكم و اي شي غامض بالنسبه لي لازم اكشفه و د م شي كويس لانه مرات الحاجات لمن تكون مخفيه بتكون افضل.. و مؤتمن بالنسبه لي كان سر غامض لازم اكتشفه)... عاوز يدخل السماعه ف اضانه كده لقاني بحمر ليه نظام نحن قلنا شنو... ابتسم لي و ختاها لقيت الدكتور بعاين لي كده🌚... قبلت قومني اجاوب😭😭😭...و انا اصلا م كنت مركزه قال شنو ف الكلام القبل... قال لي بالاستهتار بتفقدي منحتك.. قلت ليه سوري ي دكتور و قعدت عاد الكلام تاني... و كان يوم حافل بالذلات😀... مرقت نسيت مؤتمن و اي شي عشان د البريك حق الاكل... و انا بحاول اصل للكافتيريا بكل قوتي و شايفه الناس سراب حوليني🌚و الكافتيريا الهدف.. انتبهت انه ف زول بكورك لي.....قبلت لقيته مؤتمن قال لي شنو ياا انا لي ساعه بكورك ليك.. عاينت ليه كده😒 و تميت طريقي طلبت سلطه كالعاده و مويه و شلتهم و قعدت ف بنش بعيد من الناس و هادئ..... بعد زمن و قربت اخلص السندوتش لقيت مؤتمن جاي علي قال لي ممكن اقعد و لا بدقيني؟.. قلت ليه اتفضل.. قال لي اسف للحصل جوا بسببي... قلت ليه عادي بس نحن اتفقنا انه انت حاتجتهد عشان نفسك و امك صح؟ قال لي اي بس المحاضره كانت ممله ياخ قلت ليه د م سبب اضغط عشان تفرح بعدين... قال لي طيب خلاص اه الشغل الادانا ليه د كيف؟ انا م فاهم اي شي من اول السنه😀.. قلت ليه لو كنت مركز و مهتم كان فهمت.. قال لي عايني م كل مره تقعدي تذكريني كده لو م عاوزه تساعديني م تساعديني انا م جابرك.. قلت ليه اجي!! انا كنت بهظر معاك بس... قال لي امم كويس م مشكله... قلت ليه خلاص نحضر المحاضره د و ابدا اشرح ليك اصلا الدروس م كتيره ف الماده د لي بكره بنكون خلصنا لمن الساعه ٣ تجي عندنا ساعه بعد المحاضره تنتهي بحاول انجز ليك،، بعدين نمشي المطعم و انت حاول اشتغل للساعه ٦ استأذن من المدير... و بشرح ليك لحدي م نخلص... قال لي خلاص تمام.. قام جاب لي قهوه و ليه و قعدنا نشرب ممكن تقولوا انه انا بديت اتطمن لي مؤتمن د و لو حبه.......
دخلنا المحاضره التانيه قعدت جنبه عشان م يشغل روحه ب شي تاني،، و حسيت بنفس الاحساس الحسيت بيه المره الفاتت لفة راس طمام حاجه م مفهومه و رجفه و المره د م قدرت اتحمل مسكت مؤتمن من قميص بحاول الفته... قبل علي قال لي مالك ي بت!! قلت ليه حاسه بطمام غريب و حاجه كده م مفهومه.. كورك للدكتور استأذن منه انه نمشي المستشفى حقت الجامعه قمت معه و نادى بنت تسندني.. مرقت من حتت البنشات كده دخت سمعت ناس بتكورك و بقولوا جيبوا كرسي و زي حاجه سوداء كبيره بلعتني و تاني م وعيت بشي... صحيت لقيت روحي ف المستشفى معاي عسجد و ولد كده و مؤتمن كان ماف.. فتحت عيوني جات عسجد جاريه و حضنتني قالت لي ي حيوانه خوفتينا ياخ😭.. سلامتتك شديد و لا حمد لله ع السلامه م عارفه 😢💛 قالت لي بقيتي كيف هسه و حاسه ب شنو انادي الدكتور و لا ماف داعي ..قلت ليها الله يسلمك احسن من اول بكتيير تاني قلت ليها حصل شنو و الدكتور قال شنو؟ قالت لي قال انه عندك جرثومة معده و ارهاق... قلت ليها غريبه اول مره تحصل لي الاعراض د بعدين انتبهت انه ف ولد واقف جنبها... عاينت ليها نظام د منو؟ قالت لي د عمار صحي ي ليان و عمار د ليان صحبتي المصحبه😍... قال لي اتشرفنا و الف سلامه ياخ.. قلت ليه الله يسلمك م اطمنت ليه م عارفه ليه... قلت ليه عسجد الجابني هنا منو قالت لي مؤتمن و بنت كده.. قلت ليها اه مشى الشغل و لا شنو!!.. قالت لي لالا مع الدكتور ناداه...
عند الدكتور:
=اه ي دكتور حاصل ليها شنو البنت د؟
_ هي شربت ليها مخدرات و عشان م متعوده عليها حصل مضاعفات و كان ممكن تموت لو م لحقتوها لانه الجرعه زايده و مع جسمها زاد الموضوع.
=اها طيب شكرا ي دكتور بتمنى انه الشي د يكون بينا عشان هي م تتصدم لانه هي م مدمنه و م بتعرف شي عن المخدرات،،شكل ف زول بلعب عليها....
_قال لي خلاص تمام م مشكله اهم شي راحة المريض عندنا...
لا تثق ف تذق مرارة الخذلان. 💛🍂
صلوا ع رسول الله (صلى الله عليه وسلم).
