اقرأ كتاب،، خذ ورقه و اكتب م يجول ف عقلك.. لعلك تدرك ان الحياة بلا علم لا معنى لها. 💛🍂
عسجد قالت لي اصلاََ عنادك د م بتخلي... قفلت الخط و عد اليوم بين تلفزيون تلفون قرايه...... صحيت الفجر صليت قريت قران عملت لي قهوه فطرت بلعت حبوبي لبست هدوم المشي تريننينغ اسود و فيه خطوط بالابيض م كان عندي ف السودان جبته هنا لمن اتثقفت😂.... فتحت التلفزيون شفت الاخبار( فتحت قناة السودان القوميه كان انه النيابه العامه ف السودان قبضت ع قتلة الشهداء ف الاعتصام و ف كل مواكب الثوره و حقدموهم للمحكمه العليا ،، و تمت احياء ذكرى 6 ابريل الثانيه و الخرطوم و كل الولايات مرقت مواكب هادره،، الشرطه الجيش و كل القوات الامنيه بقوا متبعين للدوله و الوطن و ليس للحكومات... و بقينا معتمدين ع مواردنا الذاتيه... عُلقت صور الشهداء ف كل الشوارع و رُسمت الاعلام و السودانيين لسه زي م هم.... ان شاء الله و بأذن الله د الحيحصل عما قريب اذا نحن امنا بقضيتنا و م اتخاذلنا و اتحلينا باخلاق الثوره و الاعتصام... و لن ننسى و لن نغفر) ،،قفلت التلفزيون و مرقت اتمشى م كان ف زول جيت الساعه كانت ٦... عملت المنبه ع الساعه 8 و الليله عندنا محاضره وحده بس💃💃💃...جهزت هدومي غيرت من الابيض 🌚.. جمبسوت ( jump suıt) لونه مستردة و جكت جلد اوف وايت و بطرحة كبدي و وايت شوز ختيتهم ف كرسي التسريحه و مسكت التلفون لعبت و اتصفحت...... الخ
ف السودان :
ف منزل متواضع ف احدى مناطق العاصمه الخرطوم اصوات تتعالى من رجل و امراه.. الساعه الثانيه و النصف بتوقيت السودان...
=انت كل مره تقول لي انك بتمشي الكوره او ف الشغل قايلني هبله و لا شنو و تقعد تشيل التلفون بليل و ٢٤ ساعه برا البيت و هسه جاييني داخل الساعه ٢ د كله مشيته ليك لكن تلفونك يضرب ليك ف نص الليل د افهم منه شنو 😡....
_ياخ انت طوالي تقعدي تشكي فيني و حياتي كلها ملل و زهج و عذاب و شكل ياااخ م ممكن و الله ياخ د شغل افهمي انه شغل انا م فاضي يعني اكيد م حاقضي حياتي كلها نسوان لو عايز اطلقك و اجيب مرا فيك هسه بجيبها م خايف منك انا و د حقي الشرعي و مش البيت د انا خليته ليك اتهني بيه و اعملي فيه العايزه😡..
تعالت اصوات نحيبها و جلست تواري خيبتها و تسكت شكوكها... ذهبت لتتفقد ابنها و جدته نائم كملاك صغير اشبعت عيونها بهذا المنظر و قالت:حاتحمل كله عشانك انت ي ولدي و بعدين زاته الناس حقعدوا يقولوا عان اطلقت و يشيلوا حالي لكن اكيد م حاسامحه لو م جا اعتذر لي 😏... ذهبت لغرفتها و غطت ف نوم عميق...
عند ليان:
المنبه دق قمت سريع سريع لبست هدومي و شلت حبوبي و حاجاتي و مرقت لقيت مؤتمن ف وشي التقول كان متتظرني.. قلت ليه.. صباح الخير.. قال لي صباح النور كيف بقيتي.. قلت ليه تمام الحمدلله و انت كيف.. قال لي م عارف امشي العمليه و لا اكسر الحنك....قلت ليه ياخ خلي عندك عزيمه حبه و نحن اتفقنا م تقعد تعذبني كده عارفه انه نحن علاقتنا م قويه شديد بس نحن عندنا حاجات مشتركه و منها انه الاتنين م عندنا زول ف البلد د ف اكيد انا م دايره ليك غير الخير و كلامي البقولوا ليك كله لمصلحتك بس🙂... قال لي خلاص خلاص م تفتحي لي باب النصائح حقك خلاص حامشي.... قلت ليه انا زاتي حاجي معاك اسندك و كده 😉.. قال لي قدام ي زوله... قلت ليه صحي نحن م راجعنا الدروس القلنا حنراجعها امبارح و م شرحت ليك قال لي خلاص نخليها بكره قلت ليه تمام ان شاء الله ....... و وصلنا الجامعه حضرنا محاضرتنا وقفنا تاكسي و اتوجهنا للمستشفى.. مؤتمن باين عليه انه خايف بس بكابر و كل دقيقتين بقبل بعاين لي 😂... قلت ليه ابرد ي ولدنا م تخاف.. قال لي انت كلامك د م بدل ع انك انثى نهائي م ممكن يعني لا خلقه لا كلام😒... قلت ليه غلطانه انا العاوزه اخفف عنك.. و اتونست معه ف محاوله مني انه يستكين حبه جا موعده ندهو دخل قلت ليه يلا اتوكل ع ربنا و ما حاره شديد حتكون ان شاء الله😘😘.... مر زمن و الدكتور مرق قال لي حرتاح حبه عشان جسمه لسه م اتعود قلت ليه عادي ادخل صح؟ قال لي ايي خشي بس براحه.. دخلت لقيته بحاول يفتح ف عيونه قلت ليه اه كيف و كيف و حمد لله ع السلامه... قال لي الله يسلمك الباب دق جو دتخلين عمار و عسجد.. سلموا علي و حمدلو ليه السلامه عمار قال لي كده ي مؤتمن نحن اصحاب من متين و اعرف من عسجد انك عامل عمليه الليله م كنت ناوي تكلمني؟!.. قال لي م كنت عاوز اكلم زول بس الاخت د نقتها كتيره فاضطريت اكلمها.... قال ليه اهاا تمام.. مرقنا انا و عسجد خليناهم براهم.... بعد شويه كده طلعوه الساعه كانت ١ الدكتور نادانا كلنا قال لينا انتوا اصدقائه ف لازم الفتره الجايه د تقيفوا معه لانه لسه م متعود و ممكن ف اي لحظه ينتكس و يرجع تاني السحب د م بمنعه انه يبلع تاني ف خليكم الفتره الجايه د معه و ادعموه و املوه لي وقته كله عشان اوقات الفراغ هي البتخليه يفكر و يرجع تاني و حتجيهو نوبات كده ف ادوه المسكنات د بتخفف منها و اعيد تاني م تخلوهو براهو لمدة تلاته اسابيع بتبدا الاعراض تخف تدريجياََ و بعدين ممكن تخففوا و تجوهو كل يومين ع كيفكم.. و ادانا المسكنات و كتب ليه اورنيك مرضي لمدة تلاته اسابيع و انه بحتاج لمرافق كونه قاعد براه ف داخليه... ومرقنا كان قاعد ف الكراسي بتاعت الانتظار و باين عليه الارهاق و تعبان شديد مرقنا ركبنا تاكسي وصلنا عسجد الشغل وصلنا المجمع و عمار كلم البواب انه حيبيت معه لمدة شهر و دخله عمارة الاولاد.. و انا مشيت طلعت فوق ناس جيين شقتهم سكنوا فيها بنات جداد و خلاص استقروا فيها يعني...... انا دخلت ارتاح حبه نفس الروتين عشان حاطلع للشغل....
قُل للناس حسناََ.. ف ربما هم ينتظرون ان يبعث احدهم الامل ف قلوبهم و لو بكلمه... 💛🌿
صلوا ع رسول الله( صلى الله عليه وسلم).
