رتب اولوياتك و ضع هدفك نصب عينيك حتى تستطيع معرفة الاهم.
فرحت فرح انا يااخ😍و اخيراََ حاسافر و احقق حلمي، استاذنت منهم قلت ليهم ماشه ارسل لناس المنحه الموافقه، ولازم بكره اتصور عشان ارسلها ليهم و اجهز ال cv بتاعي و كده ،مشيت وافقت ليهم ووروني المفروض ارسله ليهم، انا من الحماس الفيني بقيت قاعده م مصدقه انه هم وافقوا لي جد جد 😭😭🧡، جريت صليت المغرب و قعدت ف الابتوب بتاعي و بشوف و فتحت موقع الجامعه و شفت كليتي عامله كيف، العشاء اذن جريت صليت و قريت سوره يس و حمدت ربنا و دعيت انه يسهل لي اموري و كده، و ظبطت المنبه ع الساعه 6 ورقدت نمت عشان عندي صحيه بدري بكره.
عند بابا و ماما:
احمد:ي اميره انا خايف ع البت دي ياخ كيف ارسلها لبريطانيا براها، و الغربه اكيد حتكون عليها صعبه، و بعدين عاداتهم م زي عاداتنا، افرض هسه حصل ليها شي و لا زول سوا ليها شي لا قدر الله نحن نقول ي منو، نحن م عندنا ناس هناك عشان هي تمشي ليهم و تلجأ ليهم لو حصل ليها شي.
اميره:انت م تعاين لي الحاجات السلبيه بس، نحن مستودعنها ربنا ان شاء الله م ححصل ليها شي، بعدين برا التعليم احسن من هنا و حتلقى فرص كتيره عشان تشتغل، احتمال تلقى ليها صحبات تعيش معاهم عمرها كله م معروف القدر مخبي ليها شنو نتوكل ع ربنا بس.
احمد:غايته انا اديتها ووريتها شرطي لو عملت اي شي غلط حارجعها السودان تتم قرايتها هنا،زيها و زي اخوانها.
اميره:اي خلاص انا زاتي بتفق معاك، اتخيل كده لمن تكبر و تبقى زوله معروفه و ماهره ف مجالها راسك حكون مرفوع كيف و حتفتخر بيها.
احمد:ان شاء الله بس م تكسر ثقتنا..... و رقدوا ناموا.
لارا مشت عملت لي يس لبن و شربته و اتكلمت مع زوجها و اتطمنت عليه وصل كيف و دخلوا غرفتهم و ناموا.
الصباح رباح:تاتي الاماني ف الصباح مباهيةً به... اجتزت كل ظلام الليل حالمةً. 💜💜
المنبه رن.. صحيت مبسوطه و متحمسه جداََ حتى ماف زول جا صحاني صحيت براي،، استحميت و صليت و قريت الورد حقي،، لبست اسكيرت اسود بلوزه رماديه كببيره كده (واسعه)،، و طرحه وردي فاتح لبست ساعتي و اسبورت رمادي و مرقت ليهم ،،لقيتهم قاعدين كلهم ف الصالون بشربوا ف الشاي،،، (بكره الشاي جداََ انا ي اشربه احمر ي قهوه او نسكافيه) صبحت عليهم،، قلت ل بابا ارح يلا عشان نلقى لينا مواصلات،، ماما قالت لي ي بت خلي ابوك يشرب شايه😂،، قلت ليهم خلاص طيب طيب معليش انفعلت.!! بابا شرب الشاي و بقينا مارقين و نحن ف الباب كوركت لماما قلت ليها ادعي لي ي ميرو قالت لي الله يسهل ليك ي ليو😂😂(بتحاكي فيني).
الحمدلله لقينا مواصلات طوالي،، مشينا استديو كده اتصورت فيه و عملت كم نسخه للمستندات المفروض اشيلها معاي،، و بابا وصلني السوق و رجع شغله (بالمواصلات)،، مفروض الاقي ماما ف السوق عشان اشتري الحاجات الححتاج ليها و اشتري لي شنط سفر و كده،، ضربت ليها انا شايله تلفون سامسونغ j 1،، قلت ليها انت وين، قالت لي قريبه للسوق بقيت واقفه كده منتظراها ،، عيني وقعت ف ولد بشاغل ليه ف بت و اخته واقفه جنبه و بتضححك معه م حاولت تشاكله زاته،، و اتحركوا لقدام البت وقفت (اخته) تربط الرباط حق جزمتها جا واحد لزاها وقعت.. اخوها بقى يكورك ف الولد و يقول ليه انت تهبش اختي كيف و بقى هايج ف حين انه الولد لمن شاغل البت م فكر انه د برضه عندها اهل يخافوا عليها.،، (مشكلتنا ك سودانيين انه نحن بنحب نفسنا مستعدين نخرب بلد عشان روحنا،، م عندنا شي اسمه مصلحه عامه،، اقرب مثال الكورونا،، كم واحد هرب من الحجر الصحي عشان نفسه م فكر انه ممكن ياذي الناس او حتى ياذي اهله،، ممكن تلقي ناس مثقفين بقروا و بنفذوا ف حياتهم و ديل قليلين جدا يكاد ينعدموا ،، ناس عاملين مثقفين يقروا بس م بنفذوا لانهم بقروا عشان فضول او عشان رياء (بقروا كتب يعني)،، ناس منظراتيه عندهم ف اي شي نظريه و رأي و م بعاينوا لنفسهم و لسه ناس كتار،، هم م عارفين انه البعملوا د ضدهم ضد نفسهم ضد بلدهم و ان شاء الله ب طبيعتنا و تكبرنا و فشخرتنا د شبر لقدام م بنمشي)،، ي ليان ي بت ليان ،، كنت ف عالم اخر،، زول بناديني بقيت بتلفت لقيتها ماما،، قلت ليها نعم قالت لي لي ساعه بنادي فيك ي بت مالك سرحانه ارح يلا عشان الزمن نقدر نلحق نجيب حاجاتك كلها،، قلت ليها ارح طيب....
("لا يغير الله بقوم َ..حتى يغيروا م بأنفسهم"). 💜
