و بعد انتهيت من الشغل رجعت المجمع و بكره م كان عندي جامعه💃... و انا داخله لقيت مؤتمن ماشي ع السوبر ماركت الجوا الداخليه... عاينت ليه كده بعدين دخلت م قادره اتكلم انا كتير😂.... و طلعت اتفرجت ف التلفزيون ريمي حبه و شلت التلفون ضربت لماما و بابا سلمت عليهم بابا قال لي تعالي لينا بريطانية عشان نعرس ليك طوالي ماف زمن حتجينا بايره ف لازم ندبس عريس فيك سريع سريع و نركبه انه انت جايه من بريطانيا و نعقد ليكم من غير يشوفك لمن يشوفك يتصدم د شنو البت العمرها ستين سنه ابوها اصغر منها😂 خلاصة القصه د انه انا حابور و انا بقرا 🌚.... و الله بابا ضحكني ضحك و رقدت نمت باطمئنان.... صحيت الصباح بقيت مخصصه لي ساعه للمشي اصلا هنا ماف زول م بجري بالصباح(ف السودان او ف المجتمع الشرقي عموما البنت عيب انها تجري لانه د م من العادات او التقاليد و حتى لو بدت تجري ماف ولد م حيشاغلها و حيقولوا انها قلة الادب... و الناس التانين حيقول عان البت الفارغه د و كتير من الكلام السلبي).... و انا مارقه لقيت مؤتمن زاته طالع طبعا اول مره اشوفه مارق من الداخليه او حايم جواها.. كل مره بشوفه بس قاعد ف البنش داك... المهم سلمت عليه و قاعد يتكلم لي خليجي.. قلت ليه ي اصلي اتكلم سوداني خلي عندك وطنيه و حب للوطن حبه😏.... بقى يتكلم معاي سوداني قال لي انه هو بتكلم لغات كتيره و بدا يحكي لي عن نفسه '' اسمي مؤتمن عمري 21كنت عايش ف السعوديه جده و ابوي شغال مدير لشركه صناعيه كبيره و بتنقل من مكان لمكان هو سوداني و امي متوفيه ليهت سبعه سنين انا مفروض اكون ف خامس و اخر سنه لي جامعه بس حصلت لي ظروف م قدرت اتم انا عندي اخ تاني اسمه وليد علاقتنا عمرها م كانت علاقه اسريه ابوي كنت بمشي معه عشان بجبرني امشي معه.. وليد اغترب من زمان و هسه هو متزوج و عندح بنت عنرها خمسه شهور اسمها مريم.... اخر مره اتكلمت معه كان قبل اربعه سنين كان محتاج حاجه من بريطانيا.. كنت بمشي لابوي ف الاجازات بس بعدين لقيت انه ماف داعي امشي ليه اصلا هو م فاضي لي.. جابوني بريطانيا بعد م سويت مشاكل و جبت سمعه سيئه لابوي ف رسلني هنا بقروشه طبعا م بنسبتي.... صديقي اسمه عمار و د اقرب زول لي و م عندي زول غيره اصلا.... انا زول مدمن مخدرات ف الكلام بتاع احذري القلته ليك بكون و انا م واعي و بس د كل شي عن نفسي و حابي انك تكون صديقتي لانه انت الوحيده الشفتك هادئه و منطويه و بعد الحال الشفتيني فيه داك م خفتي مني'' (مرات بنحس بالامان لمن نشعر انه الزول د م خايف مننا مطمئن لينا ف نحن بنبادله نفس الشعور و بنطمئن ليه، او م بنطمئن ليه بس نحن محتاجين حاجه و لو قشه تحسسنا بالاطمئنان و تقنعنا و لو م اقتنعنا انه الحياة د ممكن تتعاش.. ف دايما خليككَم الملاذ الامن لكل زول محتاج و لو بكلمه بتخففوا عننا كتير)... و بس سكت م حكيت ليه عن نفسي لانه م وثقت فيه لسه. قلت ليه اممم و انت م ناوي تخلي المخدرات د؟ و السنه الدكيتها د السبب كان شنو؟ قال لي المخدرات انا تعبتني شديد و ضيعت لي شبابي و حياتي كلها خربت و ضاعت بس م بقدر اقول ليك انا خليتها لانه انا زول مدمن لو م مشيت الدكتور و سحبوا الشي د من دمي م حابقى كويس و لازم الشي د اقتنع بيه و يكون عندي عزيمه بس انا م عندي د الحاجه الوحيده البتخليني اهرب من الواقع د قلت ليه اها طيب امك الاتوفت د م بتستاهل يقولوا انه ولدها زول بفتخروا بيه؟ قال لي عايني اقفلي الموضوع د انا م حكيت ليك عشان تساعديني فيه عشان تطمني لي و تشرحي لي باطمئنان بس... ف اقفلي الموضوع د انا م بحب اتكلم فيه قلت ليه تمام الكلام د كن بنتكلمه و نحن ماشين...... وقفنا مؤتمن مشى يشتري مويه من سوبر ماركت مرينا بيه...
ف مكان اخر:
_ انا بديت ف شغلي و بوعدك بنهاية العام د حتكون خلاص بقت مدمنه زينا و حنقدمها طريده للشرطه و نحن حننفد زي كل مره😏..
=كويس انك رجعت لعقلك و اكتشفت انك و لا شي من غيرنا.. و م اضطريتني انه اقتلك.
_انا م خفت من تهديدك بس البت د كانت مشكله خطر لي انا برضو ف عشان كده لازم نضحي بزول عشان خاطر نفسنا...تييت تييت (قفل الخط).
صوت انثوي حاد يشعرك انه متمرس ف الاشغال الغير قانونيه..
يبدو انه استعاد عقله اخيراََ... يعجبنى هذا الفتى..
عند ليان....
بعد خلصنا من المشي رجعت الداخليه و مؤتمن قال عنده مشوار.. الولد د م عارفه هل انا مطمنه ليه و لا لا غريب شديد و م مفهوم بس دعيت ربي انه يبعد عني اي زول كعب... ناس نجود و جين مختفيين تماما... عاينت لغرفتهم كده.. و دخلت قريت لي كتاب و كتبت خواطر و قفلت بديت اجهز عشان ايام اجازتي بمشي الشغل بدري...
بلا توقع منك قد يظهر لك شخص يسلبك نفسك و انت لا تدري بذلك...
صلوا ع رسول الله( صلى الله عليه وسلم). 💛🍂
