بديت اللبس عشان ف الاجازات بمشي الشغل بدري لبست بنطلون جينز و تونكه (تي شيرت طويل) لونه ازرق فاتح و فيه ورود صغيره بالابيض و طرحه لون التشيرت و شارب ابيض و اسبورت ازرق فيه خطوط بالجنبات بالازرق عملت ميكب خفيف لاول مره😂 و لب قلوس و اتكحلت و مرقت م عارفه بس حبيت اتزبط.... و مرقت المطعم و انا داخله لقيت عسجد بتتكلم مع مؤتمن😕... قلت ف نفسي انه الناس ديل كلهم مرتبطين ببعض كده ليه😒... و دخلت المطعم و شفت عسجد و مؤتمن داخلين مع بعض اتكلموا مع سيد المطعم و دخلوا حتت الغيار (طبعا ف رجال و نساء)😀.. مؤتمن لبس لبس الطباخ داك.. (طلع عنده موهبه جديده) عسجد جات مارقه م كان ف زول جا للمطعم لسه ف شخص واحد و والويتر اداه طلبه، بقيت قاعده بتونس مع عسجد قالت لي انه بعد اربعه يوم الاحتفال انه المطعم تم تلاته سنين و قالت لي بجو ف ناس زابطين قاعده كده ساي انت بتبوري ي بتي😒.. قلت ليها اجي ي جماعه انت و ناس ماما مشغلنها لي انا يدوب اولى جامعه م تميتها بديتوا تكرهوني من هسه بعدين انت مالك قال م خلصتي جامعه عديل😏.. قالت لي منتظره عمار يكون نفسه.. (بنات كتار بضيع عمرهم بسبب ظنهم انه حبيبهم او شريك حياتهم عاوز يتزوجهم و هو ف نفسه اصلا م داير او شاكك انه انت حتكون زوجه كويسه ليه لو الراجل او اي مسمى و ف كل العلاقات لو الزول م جاهد و لاقى عقبات كتيره و اجتازها عشان يصل للعلاقه د ف د م زول يضحوا عشانه و تضيعي شبابك عشانه و د برضه م معناها انه يبقى التفكير كله محدود عن العرس بس اتوكلي ع ربنا و اقعدي و فكري ف مستقبلك و ثقافتك و علاقتك مع ربنا و حتلقى انه كل خير جاييك)... المهم الزبائن بقوا يجوا المطعم و كتييرين ياخ.... بقيت شغاله و لافه تعبت قعدت حبه جاني مؤتمن قال لي هاي قلت ليه اهلا انت لاحقني ف كل مكان؟.. قال لي الحمامات وين؟... قلت ليه بتقصف جبهتي؟ قال لي ي بت هسه انت مالك م كن كويسين!!... قلت ليه منفسنه انا عشان كده😀.. المهم الحمام هناك ووصفت ليه.. سيد المطعم جا يلف عشان يشوف الشغل ماشي كيف(روتين يومي) قمت من محلي و تميت شغلي... ف زبائن جو طلبوا و انا مشيت وديت ليهم الطلبيه حقتهم ولدين و بنت شكلهم بكون ف الجامعه بس بداياتها الولد فتح كيس صغير زي ظرف و كبه ف الاكل و بدا ياكل بشراهه بقيت بعاين ليه بخلعه... قال لي ف شنو؟ قلت ليه سوري بس عندكم طلب تاني؟ (والله لا طلب لا شي مخلوعه ف البعمل فيه د و بسريه يعني م قدام الناس عملها).. المهم انتوا عارفين مضار المخدرات و الما عارفه يفتح قوقل🌚..... و مرقت من الشغل،، مؤتمن بشتغل ل 10 لانه طباخ.... مرقت انا و عسجد قلت ليها انت الولد د بتعرفيه من وين؟،، قالت لي صاحب عمار بعرفه من زمان بس م جات فرصه احكي ليك عنه.. قلت ليها اهاا د الولد الحكيت ليك عنه ف الداخليه بالمناسبه🙂... قالت لي بالجد واو لو كنت عارفه انه مؤتمن م كان قلت ليك الكلام داك😢.. قلت ليها شايفاك متكسره ي بت وطني🌚،،قالت لي كسير ساي لو م عمار كان زمات ارتبطنا.. قلت ليه عاني طيري من وشي ماشه بيتنا انا... و انا ماشه ف الشارع عادي زي م بمشي كل مره... الشارع دايما بكون متحرك بس م عارفه الليله حاصل شنو سمعت صوت راجل صوت اجحش كده بكورك(stop stop don't move) اقيفي اقيفي م تتحركي قلت سجمي ف شنو و قفت قبلت وراي لقيت لي راجل ماشي و هو بتلولو😂.. قال لي اقيفي معاك الشرطه... قلت ليه شرطه؟.. قال لي اي انت موقوفه بتهمة قتل 🌚 قلت ليه بالسوداني قتل شنو ي اصلي شكلك ساطله شديد😂،، قلت ليه امممم انا عارفه القاتل وين و مثلت ليه باني خايفه المهم قال لي وين قلت ليه هناك و وصفت ليه زقاق كده و قلت ليه اقتله و اوعك تخليه و هو مشى بالجهه ديك و شايل لي عصايه ف يده 😀.... بتاع الشرطه جا ماشي بعملوا تمشييط للشوارع بليل جيت جاريه ليه قلت ليه ف مجنون هناك و شايل عصايه ممكن يأذي بيها زول قال لي اوك و شكرا كتير و جريت جري للداخليه وريتهم البطاقه و دخلت لقيت غرفة ناس نجود و جيت مفتوحه...... م كنت قادره اشوف فيه منو دخلت غرفتي او شقتي الصغيره🌚و رقدت نمت من غير اي صلاة😭 او قرايه و المراسم ديك كلها (الصلاه م مراسم بس قصدي الاكل و الحاجات الباقيه البعملها😂) م عملتها م عرفته تعب و لا خوف.... صحيت الساعه واحده مشيت صليت و الحمدلله انه صحيت😘 و مشيت فتحت التلاجه من الصباح م اكلت م لقيت شي نزلت السوبر ماركت بتاع الداخليه (مفتوح 24 h) اشتريت اكل بسيط كده و مرقت لقيت مؤتمن قاعد ف نفس البنش..... لا حياة بلا عزيمه... و لا عزيمه بلا حياة... 🧡🍂
