بعد اسبوع من طلعت مؤتمن من المستشفى ف يوم بعد انا جيت من الجامعه (مؤتمن بقى ضعيف شديد و بتحسي عيونه مرهقه و تحت عيونه اسود دليل ع انه عنده ارق و عمار قال لينا عنده اضطرابات ف النوم يعني مثلا بكون نائم فجأه بصحى و بحلم بكوابيس و كده و عنده اضطرابات ف الاكل طبعا د كلها اعراض سحب المخدر من الجسم) اليوم داك هو فتح حبه و بقى احسن شويه عمار قال لي انا حانزله عشان يقعد معاك انا ماشي عندي شغل المسافه نزل سلم علي والله ياخ حنني 😭و قعدنا ف البنش داك قلت ليه بقيت كيف؟ قال لي الشايفه انت شنو؟ قلت ليه ان شاء الله حتتحسن كلها تلاته اسابيع و الاعراض د تروح.. قال لي ان شاء الله و اتونسنا فجأه قال لي(ف الاسبوع د علاقتنا اتحسنت شديد و مؤتمن بقى قريب لي شديد و انا بقيت صديقته البعد عمار) ... قال لي ي ليان انا حاسي انه انا شاكي ف ديني حاسي انه انا مسلم بالاسم ساي م عن ايمان ف قلبي!! انت دايما بتقولي لي انا م بشوفك بتصلي و م عندك علاقه مع ربك لكن انا م بحس انه ف شي ف قلبي بخليني اقوم و اصلي! .. قلت ليه اسالني الاسئله البتجيك ف راسك و انا بجاوب ليك... قال لي اول شي انا م قادر استشعر انه ربنا بشوفني لانه انا م بشوفه م قادر ائمن بشي انا م بشوفه.. قلت ليه ي مؤتمن الله سبحانه و تعالي م الا نحن نشوفه عشان نأمن بيه... هسه دقيقه انت م بتأمن بانه السلك بتاع الكهرباء فيه كهرباء؟... م بتأمن بانه جو راسك ف عقل؟... انت بتأمن و مصدق الحاجات د كلها ف كيف لمن يجي ع رب العباد؟.. قال لي م فاهماني انت يعني انا بأمن بالحاجات د لانه انا عارف اثرها يعني لمن اهبش السلك بتضربني كهرباء.. عقلي بستخدموا ف حياتي بشكل عام د كلها دلائل.. قلت ليه و ربنا كمان ف دلائل بتدل ع وجوده... السماوات و الارض و النيل الابيض و الازرق و البرزخ البينهما لو قلنا انه د شي عادي او ناتج عن ظاهره طبيعيه لي مذكور ف القران؟!.... انت قادر تتخيل انه كتاب قاعد اكتر من 1400 سنه لا زاد حرف لا نقص حرف د م براه دليل بخليك تأمن لانه ربنا قال (انا نحن انزلنا الذكر و انا له حافظون).... قلت ليه اقول ليك شي يزيل ليك كل شكوك د؟ انا عن نفسي د الشي الخلاني م اشك ف اسلامي نهائي كلامي احتمال م يقنعك او م يكون مرتب... قال لي طبعا اه قولي... قلت ليه كتاب ليطمئن قلبي للكاتب ادهم شرقاوي... نصيحه مني اقراهو... فجاءه مؤتمن لونه بقى ازرق و ماسك بطنه زي العنده تشنجات و بقى بعرف و انفه سالت زي العنده نزله بقى بمسح ف عرقه.. م ركزت ليه كنت بتكلم معه( و انا عادةََ لمن اتكلم مع زول م بعرف اعاين ليه ف عيونه).. قال لي ليان بصوت متقطع كده قبلت عليه لقيته بالحاله د خفت شديد م عرفت اعمل شنو قلت ليه مؤتمن وااي اعمل شنو انا و بقيت بحاول اضرب لعمار و بقى يشد ف بطنه لحدي م داخ من الالم😭... يخ م ممكن انا اكون هبله كده و م اقدر اتصرف و عمار د كمان م برد تكلت راسه ع البنش و جريت جبت مويه رشيته بيها قلت ليه مؤتمن م تغمض عيونك خلاص عمار جاي(عمار م جاي بس م مفروض اخليه يغنض عيونه عشان ممكن يخش ف غيبوبه)... البواب شافنا جا جاري علينا قال لي ماله و انت واقفه كده م تعملي شي قلت ليه انا م عارفه اعمل شنو ياااخ و قعدت ابكي😭😭.... عمار ضرب قلت ليه عماررر تعال سريع مؤتمن د جاته النوبه و انا م عارفه اعمل شنو ي عمار عليك الله تعال و بقين ببكي بصوت و بحاول اهدي ف مؤتمن ف نفس اللحظه.... البواب شال مني التلفون و اتكلم مع عمار و جرا دخل عمارتهم بقيت اقول ليه مؤتمن اهو البواب مشى يجيب ليك الدواء م تغمض مؤتمن م تغمض و بقيت بكفت فيه هو بفتح عيونه دقيقه بعاين لي و بغمضها تاني قلت ليه مؤتمن انت سامعني 😭😭 لو سامعني رمش لي بعيونك قال لي سامعك ي ليان قلت ليه خلاص م تغمض عليك الله😭😭 ... و ببكي و بمسح ف دموعي اول مره يحصل معاي موقف زي د و انا كالعادة م بعرف اتصرف😘....... البواب جا جاري و اداهو الحبوب و ناس الداخليه كلهم متلمين بلع حبوبه و مسافة م البواب ماسكه و جا ولد تاني كده مسكه عمار جا جاري قعد يكورك وينه مؤتمن شافه جا جاري زح الولد و مسكه و اتحركوا بسرعه ودوهو غرفته😭😭 د من ازفت المواقف الحصلت لي😭 انا م بعرف الحاجات د و م حصل اتعرفت ع زول بيبلع مخدرات كنت بسمع بيهم سمع بس😭😭....
عند ناس عمار:
رقدوا مؤتمن لانه كان غايب عن الوعي بسبب المسكنات... عمار قعد معه نص ساعه عشان م تقوم النوبه تجيه تاني و البواب نزل عمار شكره قال ليه اكلم ادارة الجامعه؟ و لا عارفين انه مريض!!... قال ليه لا عارفين و شكرا ليك تاني..... لمن عمار اتطمن انه خلاص نام جا نازل انا لسه كنت قاعده و ببكي و كرهت روحي شديد🙂...... عمار قال لي ليان!! خلاص ي بت م تبكي اصلا عادي بتجيه النوبه د بس اول مره تحصل قدامك عشان كده... قلت ليه ياخ هسه افرض مات انا اعمل شنو😭😭... قال لي م بموت ان شاء الله و ماف زول بموت قبل يومه... قلت ليه عمار انت مش مؤتمن د صحبك! انت ليه م بتخلي يصلي و يصلح علاقته مع ربنا... قال لي انا حاولت معه كتير بس الفتره الفاتت د م كان ف فائده عشان هو اغلب الوقت م بكون ف وعيه و كمان جراني معه و خلاني ابلع.... لو م ايماني القوي م كان وقفت....... لكن ان شاء الله بعد يتحسن و الاسبوعين ديل يمروا حاجبروا و لو ابى بضربوه عديل قلت ليه ايوه د الصداقه لو م انت السقته من يده للجنه الحيسوقوا منو؟! قعد يضحك قال لي شكلك م بقول انك حكيمه كده و كمان هسه بعد كنت بتبكي د 😭😂.... قلت ليه اسكت م تمسكها لي ذله ردة فعل طبيعيه🌚... انا مفروض اقوم امشي الشغل قال لي طيب و قولي لي عسجد عمار قال ليك خلي الهباله البتعملي فيها د وردي عليه.. اكيد حتكون حكت ليك يعني انا عارف البنات خشمهم م بمسكوه😒... قلت ليه طيب بقول ليها+بنحب نحكي لبعض انتوا مالكم؟ 😂... يلا مع السلامه وصحي وريت مؤتمن كتاب انا جيبه ليه هو بَوريك الاسم...... طلعت و مرقت الهدوم الحامشي بيها الشغل فستان لونه بيبي بينك ساادة و جكت رمادي و طرحة رمادية و شوز بالبينك و شارب لون الطرحه.....
عند مؤتمن:
صحى من النوم عنار كان ف المطبخ بجهز ليه ف الاكل.... مؤتمن بتكلم مع روحه.. انا ليه بفكر فيها كتير؟ انا كنت بكرهها و عاوز اخليها تدمن حاسي بالندم و انه م عاوز اعمل كده ليه؟.... لمن اشوفها م بقدر اخت ليها الحبوب.. احتمال عشان ساعدتني؟ و هي الوحيده الوقفت معاي؟ و لا عشان ملامحها البريئه و حاده ف نفس الوقت... دقيقه انا هسه بفكر فيها لي و هزه راسه ف طريقه منه انه يطرد الافكار الجاته... ف احتمال تالت!! بس لا مستحيل يكون انه انا.....
قد يستعمرك شعور.. لا تريد ان تشعر به مجدداََ.... 💛🍂
صلوا ع رسول الله( صلى الله عليه وسلم)...
