طريقي

27

النهايه دائماََ مرضيه اذا م صبرت ع اقدار الله و سرت بأيمان نحو طريقك..... 💛

جاني موظف قال لي ي انسه شركة.... طلبت انه تعقد معانا صفقه و اذا م قبلت قالوا ممكن يدمروا شغلك و يسرقوا الاسهم بتاعتك.. قلت ليه ارفض و م ترد عليهم انا برد عليهم بطريقتي و جيب لي سجل المكالمات مش بتسجلوا المكالمات زي م قلت ليكم؟.... قال لي اي.. قلت ليه تمام جيبهم لي.... رجعت مكتبي ضربت لماما قلت ليها ماما كيفك اخدتي الدواء؟ قالت لي اي اخدته غايته انت ي بتي الله يحفظك يعني فوق شغلك و مشغوله تضربي لي تساليني بس من الدواء؟ قلت ليها اي طبعا ي ماما انا عندي غيركم؟ اه مشيتوا لبابا ف المستشفى؟ قالت لي اي ماشين هسه امجد كان عنده مقابله مع بيشن و جاي علينا... قبت ليها تمام طيب ناس الدكان قالوا جايبين ليك الايجار م نطلعوا كان م جابوه قالت لي تمام ي بتي.....

قفلت منهم و بقيت بقرا ف الاوراق و الملفات و بعدين وقفت و بقيت بفكر انا كنت وين و بقيت وين(ليان احمد نسخه جديده تماماََ عن الكنتوا بتعرفوها شخصيه جاده حازمه نادراََ م يشوفوني ببتسم... همي كله اهلي شركتي بس... فتحت الشركه و كبرتها و بقت من احسن الشركات الهندسيه و الناس من مختلف دول العالم بجوا السودان عشان يتعاملوا معانا.. اي زبون يجينا من برا السودان بقول لي انت ليه م اشتغلتي برا السودان ف واحد من فروعك البرا؟ قلت ليه البحب وطنه اكيد م بحب يفارقه و الحمدلله حققت حلمي و رفعت اسم بلدي كرموا شركتنا و لبست علم السودان و كنت ممثله للسودان ك واحده من سيدات الاعمال.... فخوره بنفسي جداََ انه حققت حلمي و م اتنازلت لمن جاتني كميات المصائب ديك كان ممكن احزن و اكتئب لمن بابا دخل الغيبوبه و بعدين م نقدر ندفع ليه حق العلاج و نشحد الناس... كان ممكن اكتئب لمن مؤتمن خلاني و دخلت السجن و بابا م وثق فيني كان ممكن اقول هم م بثقوا فيني مفروض م اعمل شي عشانهم تاني بس لأ انا متأكده انه اي ابتلاء بجي للزول بكون لخير ليه لو م عاجل حيكون اجلاََ..... انا ف طريقي المريت بيه د كله مريت بتلاته شخصيات منعزله و م بحب الناس و نادراََ م اتكلم.... مرحه و اجتماعيه و بثق ف الناس بسهوله.... حازمه جاده م بثق ف الناس نهائي اجتماعيه ف الحدود المفروضه علي.... الفي الشركه كلهم بخافوا مني... مرات بحس انه انا م مفروض اكون جاده كده و اخوف الناس مني بس لو م خافوا مني م حيعملوا الحاجات بضمير بس برضوا بحترمَوني لانه م حصل غلطت مع زول..... متاكده برضو انه بابا لو كان صاحي كان حيكون فخور بي لانه هو من م انا صغيره كان الداعم الوحيد لي و كان واثق بقدراتي.... حتى لمن جيت متاكده انه هو حكون واثق فيني.... اتعلمت انه م اتذمر من اي شي بحصل لي..... بابا لحدي الان م صحى من الغيبوبه و بدعي ربنا لسه انه يقومه بالسلامه و ربنا حيجيب دعائي باذنه)..... قطع تفكيري صوت ديانه موظفة الاستقبال قالت لي ف بت برا قالت عاوزاك ادخلها؟ قلت ليها اسمها منو؟قالت لي ابت توريني... قلت ليها دخليها... ي ليان ي حيوانه😫🖤..... عسججججددد😍.... واااي و حضنتها جيتي من فلوريدا متين ي سجم..... قالت لي انت لو جايبه خبري كان عرفتي.... قلت ليها حتى و انت ام م عقلتي ي بتي... قالت لي صحبتك عاد اقل كيفن.... ديانه لسه واقفه و مستغربه.. قعدت اضحك قلت ليها ديانه معليش م انتبهت انك لسه واقفه ممكن تطلعي😂.... قالت لي حاضر انسه و ابتسمت و طلعت... قلت ليها فضحتيني ي زفته... قالت لي اقعدي اقعدي قعدنا قلت ليها مؤيد وين جدعتي و لا شنو... قالت لي و الله نفسي عذبني عذاب البشوفه بقول عمره خمسه سنين م سنه و كم شهر من النقه بتاعته.... قلت ليها عسل ياخ ليه م جبتي معاك قالت لي ابوه ودا لي اهله... قلت ليها و عمار كيف صحي و اخباره شنو؟ قالت لي كويس الحمدلله (عسجد صديقة عمري النادر م زول يلقى صديقه زيها...لخر مره شفتها بعد جيتها د بعد م فتحت الشركه ف البيت الاجرته داك جاتني و كانت مفاجاه جميله شديد لي كنت واقفه مع ناس البوهيه و بوري فيهم جاتني قالت لي احم معليش ي انسه حازعجك 😂... عرست زي م عارفين و سافروا فلوريدا كشهر عسل بعدين قرروا انه يقعدوا هناك... جابت ولد اسمه مؤيد قطعت مارشميلو بس😔♥️..... و لسه مجنونه و معولقه و جنها اكل تاني بقينا نتواصل بالفيديو كول و مكالمات و رغم المسافات البينا م انقطعنا من بعض عشان كل زول فينا جواه م عايز يبعد عن صديقه التاني. )... قالت لي م شفتي نسابتي الفقر معذبني عذاب الايامات د م صدقوا انه جيت السودان عشان يلقو فيني طريقه... قلت ليها انت م تتحتكي معاهم كتير العليك اعمليه بس عشان م تخربي بيتك.. قالت لي سمح البشوفك بتدي نصائح بقول معرسه و عندك عشره اولاد.. قلت ليها واي ي عسجد ياخ عاوزه تفتحي الموضوع د تاني انت بهنا و ماما ب هنا....قالت لي خلاص حاسكت طبعا م وريتك الشركه ارهب من م هي ف الصور😍 يعني هسه بقيتي بت رهيبه و جاده و كده خلاص؟... قلت ليها اي و لو سمحتي اطلعي برا و جيبي لي الملفات... قالت لي هوي ها روقي روقي 😂... قعدنا نضحك و بقت تحكي لي عن بلدهم ديك و المواقف الفيها و قعدنا نتذكر اول يوم اتلاقينا فيها.. قلت ليها كنت معذباني ب عمار😏... قالت لي م سالتي منه؟.. قلت ليها منو؟ قالت لي انت عارفه م تعملي غبيه... قلت ليها عسجد انت عارفه انه الموضوع د انا قفلته زمان... قالت لي هو ف السودان هنا اذا انت م عارفه... قلت ليها شنو! ... مرق من السجن متين هو؟ قالت لي قبل تلاته شهور و اول م طلع بواسطات ابوه قدر انه يطلع شهادته و اشتغل و فتح شركه هو برضو... قلت ليها اسمها شنو؟ قالت لي م عارفه م متذكره... قلت ليها تمام الله يوفقه... قال لي هو سال منك و انا وريته مكانك... قلت ليها تسلمي م قصرتي كان تديه سيرتي الذاتيه هديه... قالت لي ليان ياخ م تكوني قاسيه كده... قلت ليها انا قاسيه و قومي نشرب لينا قهوه ف كافيه هنا قريب.... قالت لي لالا م عندي زمن مفروض امشي هسه الفقد ديلك بشغلوها لي بجيك مره تانيه بيناتنا التلفون... قلت ليها طيب.... ضرب لي امجد قال لي ي ليان يعني اصله انا م اعتمد عليك؟ مش مفروض تمشوا تجيبوا الشيله الليله؟ قلت ليه اوبسسس نسيت والله جد نسيت قال لي ياها د الشماعه البتعلقي فيها قلت ليه اسفه اسفه لسه الزمن بدري بسوق مريم و بنمشي...قال لي طيب تمام 😒.. قفل الخط ودعت عسحد قلت ليها انا زاتي مارقه ارح اقدمك قالت لي تكوني م قصرتي عاد.... مرقنا و ركبنا و وصلتها و مشيت بيتنا طبعا صلحته وبقى رهيب شديد و الله حاجه حلوه الزول يكون مستقل و م محتاج لزول و شايف انجازاته قدامه.... دخلت كده لقيت عمي قاعد و بتونس مع ماما.... قلت السلام عليكم قال لي و عليكم السلام ي بتي كيفك... قلت ليه الحمدلله و عاوزه اطلع طوالي قال لي تعالي اقعدي معانا مالك طالعه طوالي... مشيت قتدت معاهم عاوزه اعرف اخرهم وين(لمن بابا تعب و رقدنا ماف واحد فيهم كلف نفسه حتى بتلفون خايفين انه نقول ليهم محتاجين قروش... لكن اول م بقى عندنا قروش و م محتاجين زول العالم كله بقى بحبنا و عاوز يسأل مننا)... قال لي ي بتي انت كيفك و اخبارك شنو؟ قلت ليه تمام الحمدلله قال لي كيف مع تعب الشغل اكيد تعبتي ههههه... قلت ليه اكيد اي شي حلو عايز تعب... قال لي والله كنت عاوزه افاتح معاك ف موضوع كده... قلت ليه اتفضل ي عمي... قال لي يعني يعني انه... اكيد انت حتعرسي ف يوم من الايام لانه مصير اي بت بيتها و اخوك كمان حيعرس هسه قريب و المستشفى مسؤول منها ف المسؤوليه حتكون عليه كبيره ف.. قلت ليه ي عمي قول من الاخر ف ششنو؟ قال لي ممكن بعد م تعرسي و كده و اكيد م حكون عندك زمن للشغل ممكن انه تمسكي الشركه لفؤاد د والله ي بتي مسؤول اكيد م حتقدري تضمني زول زيه و هو عاوز يطلب يدك.... قعدت اضحك قلت ليه اهااااا والله لكن ي عمي و مع احترامي ليك لانه انت عندك معزه كبيره عند بابا بس حابه اقول ليك انه انا م حعرس الا ربنا يكتب لي اعرس اكيد م حاقبل اي زول و حقعد اسكسك رجال الناس.. تاني شي د منو المسؤول؟ فؤاد؟ ههههه والله فؤاد د كم مره ماسكينه ف الحراسه؟كم مره قابضنه و هو سكران؟ لا و كمان يطلب يدي هو قايل نفسه بتفضل علي؟ انا عاجباني نفسي كده و م شكيت لي زول بعدين ي عمي انتوا لمن بابا كان راقد و كن محتاجين زول يسندنا انا و اخَوي د و ي الله نقدر نسدد قروش المستشفى الوقف معانا منو؟ و لا زول ياااخ تلفون تلفون بس رصيد جنيه بس م كلفتوا نفسكم تضربوا تشوفوا نحن حاصل لينا شنو بس الحمدلله و نحن مسامحنكم عشام ربنا بسالنا منكم... بس معليش ي عمي اعفونا و خلونا عايشين نحن زي م كده م تدخلوا ف حياتنا نحن م بنتدخل ف حياة زول... قال لي والله عشان بقى عندك قروش و كده عاوزه تفتري و لسانك بقى طويل و الله قليلة ادب و غلطان انا زاتي عشان جيت اطلب منكم يخس و يخس ع تربيتكم... قلت ليه العفو و العافيه ي عمي و طلعت فوق ماما جات و هي جايبه الشاي لقت عمي طلع و رزع الباب باقوى م عنده و انا طلعت فوق..... قالت بسم الله د شنو كمان ليان ي بت لياااانن اخدت القروش الكنت محتاجاها و نزلت ماما قالت لي ليان قلت ليها نعم ي ماما قالت لي عمك د... قاطعتها قلت ليها ماما بعدين بعدين(الناس مرات كتيره بشوفوك هادي و م بتسألهم بجرحوك كتير و بغلطوا معاك و عشان انت م عاوز تغلط معاهم و تخرب علاقاتك بتسكت بتمشي هم م عارفين ان الانسان عنده قوه معينه و قدره ع التحمل اذا القدره د انتهت ووصلت الحد بركان كببيييررر حيتفجر ف وشهم و م حكون غضب بسيط حكون كتير لانه ناجم عن تراكمات كتتيرررهه ف انت لمن توريهم غلطهم و توقفهم عن حدهم بفكروا انه انت قليل ادب و م مربى).... الحمدلله خلصت من موضوعهم لانه كانوا عاملين لي هيديك كل مره زول فيهم بجيني بتحجج بشي عشان اشغله شغلت فؤاد د مره و دخل لي ف موضوع سرقات و حاجات ملويه رفدته طوالي و من اليوم داك هم كارهني...