الرحله رقم ٣ المتوجهه الى مطار الخرطوم السودان الرجاء التوجه الى الطائره.....
الطياره قربت تقلع و انا لسه ف حتت الوزن قالوا وزني كتير اضطريت انه ادفع ليهم زيادة قروش و تاني نادوا ليان احمد الراكبه رقم ١٥ الرجاء التوجه الى الطائره جريت جرريي و الحمدلله لحقتها و ركبت و انا بشيل ف نفسي و المشكله الاسوأ انه راكب جنبي واحد م عارفه جنسه شنو و سمين شايل جزء كبير من كرسيني😭 بقيت قاعده ف الطرف ناديت المضيفه قلت ليها انا متضايقه هنا م بقدر اقعد قالت لي طيب دقيقه اشوف ليك محل و اجي..... مشت و جات قالت لي sorry madam we couldn't find to u any other seat so try to sit here 😔...(معليش بس م قدرنا نلقى ليك مكان حاولي اقعدي هنا).. قعدت و انا كارهه العالم كله و هو كمان عاوز يستظرف و يتونس معاي قال لي hello where are u from?(هاي من وين انت؟)... قلت ليه اسكت م ناقصاك انا م بفهم انجليزي انا🌚.... و قعدت اتهابل معه نظام م بفهم انجليزي سكت مني و اتلطخ نام و بشخر كمان انا بقيت لا عارفه ارقد لا عارفه اقعد و لا ازح منه حرفيا اسوأ سفره لييي... بقيت بتفرج ف الافلام ف التابلت و شويه اتفرج ف الناس و شويه اغفي لحدي م وصلنا دبي بناخد رست هنا... نزلت و مشيت السوبر ماركت اشتريت لي اكل زي الناس و قعدت جا ولد حلاته كده بقى يتونس معاي..... و الطائره قامت تاني ركبت (بقيت متمرسه عاد)... و قعدت مع الاستاذ داك😭... و كل دقيقتين يقبل يبتسم لي انا بعمل رايحه منه.... رقدت نمت وصلت الخرطوم الساعه ٣ عصر ف عز الشمس😭... نزلت و عملت الاجراءات واااي انا عاوزه ارجع م بقدر م بقدر😭.... بقيت واقفه منتظره امجد و لا واحد منهم يجي يوصلني قعدت لي ف بنش كده و شايله معاي تلاته شنط كبار و شنطة ضهر و شنطة يد (مع انه بسيطين م عارفه ليه دفعوني قروش يعني ناس الوزن😔)... ختيتهم بالجنبه جا واحد سوداني حمش كده💪و شنبه ملفلف دشلمية لفه قال لي ااا بت العم ليه شايله الشنط د براك حررم م تشيليها براك و جراها لي قلت ليه شكرا ي عمو😔..... و قعدت فتشت شريحتي السودانيه و ركبتها و ضربت للاستاذ امجد رد انفعلت فيه قلت ليه ي امجد ياخ انا لي ساعه واقفه و الشمس طلعت زيتي يااخ معقول د كله يعني😡 اصبر لي بس اجي البيت.... قال لي ليان؟ الجابك شنو ي بت!! مش حتجي الساعه ٤ صباحا؟... قلت ليه امجد انا ف المطار تعال لي هسه د!!
ف بيتنا....
_ي امي ابويي.... ليان د قالت جات انت وين و م عارفين و ليه م كلمتوني ياخ معقول انا فكرتها حتجي الساعه ٤ صباحاََ!!.
=اجييي برري ي ولدي عاد رسلت لينا مسج و قالت انها جايه ٤ صباحا وااي يحليلها ارح ارح سريع نجيبها راسها بكون نشف من الشمس د وبعليهاا😓....
بعد عشره دقايق..
ي احمد ارح م جاي معانا و لا شنو؟!
=لالا م جاي امشوا انتوا براكم😊...
_ارح ي امي خلاص
و مشينا ركبنا العربيه ليان ضربت لي...
وااي يي امجد اللحقني شنطتي م لقيتيها😭وااي يااخ...
