قد تتغير طباعك بفضل شخص قدم لك الحب بكل م اوتيَ فيه من القوه.💛🍂
بعد اربعه سنين:
انا ليان بعد اربعه سنين،، تقريبا فضل لي اقل من سنه عشان اتخرج و بالنسبه لي كانت احلى سنين بالرغم من المشاكل الحصلت فيها بس خلتني اتعرف ع احلى ناس و اطيب ناس بقوا ماخدين جزء كبير من حياتي و بفضلهم طباعي اتغيرت من منعزله و هادئه لي اجتماعيه و مجنونه💃... بقيت بحب الحياة و الحياة لسه بتدعس فيني بس برضه بحبها 😂.... عسجد بقت صديقتي الصدوقه م صاحبتني عشان نتيجه و لا عشان شاطره يعني من غير مصلحه،، وقفت معاي ف المر قبل الحلو و الحاجه د اكتشفتها ف الحفله بتاعت المطعم قبل اربعه سنين كان عزمت عمار للحفله و هو جاب صحبه كنت( لابسه فستان رصاصي شاين طويل يدينه دانتيل مرصع بالكريستال رقبته هاي نيك فيها كرستالات دائر م يدور مخصر و فاري من تحت و كنت لافه تيربن لونها عنابي و الشنطه و الهييلز و المناكير كلهم عنابي عملت روج عنابي غامق ) ..... كنت قاعده انا و مؤتمن و عمار و صحبه و كان بعاين لي بطريقه مقرفه بس طنشته عشان م اخرب الحفله،، عسجد م كانت جات لسه.. مشيت الحمام كنت عاوزه اصلح الفستان..... دخلت لمن جيت مارقه لقيته واقف لي برا... قلت ليه حمام الرجال م هنا ووصفته ليه و جيت ماشه مسك لي يدي بقيت اقالعه... و الحمدلله جات عسجد شافته و جات جاريه علي كفتته و دقته دق الناس كلهم سمعوا الشكله عمار و مؤتمن جوو مؤتمن بقى يدق فيه زياده عمار واقف بعاين ليه كورك ف عسجد قال ليها كيف تدقي صحبي كده!! عسجد قالت ليه صحبك حاول يعتدي ع ليان ي استاذ.... قال ليها م من حقك برضه مؤتمن خبطه ليك بنيه و قال ليه لو عمل كده ف اختك حتعمل شنو لو انت اصلاََ راجل انا كنت قاعده ف الكرسي و بحاول اشيل ف نفسي و م ابكي عشان واحد كلب زيه😒..... عسجد قالت لي عمار واحد م همه غير صحبه و حتى لو اعتدى ع بت و م بقيف مع الحق م بلزمني امشي شوف ليك وحده غيري🙂.... مسكتني من يدي و مشينا و نحن مارقين بتاع المطعم قال لينا بلهجه مكسره كنداكيات😎.... عسجد ابتسمت ليه و مرقنا..... هنا عرفت انه الصاحب الحقيقي ممكن يضحي بأي شي عشان صحبه بعد اعتذار تلاته شهور و عمار فصل صحبه و دقاهو قدامنا و خلاهو يجي يعتذر لي و بعد م حنستها ترجع لي لانه هي زاتها باين عليها م قادره تنساهو حتى سامحته و مؤتمن اربعه شهور حتى سامحه😂😂..... مؤتمن علاقتي معه م مفهومه م عندها مسمى عمره م اعترف لي بأي شي بس افعاله بترجم الكلام العاوز يقوله و الشي د بالنسبه لي كان كافي جداََ و اتغير كتتير بقى الاذان قبل م يخلص بكون هو ف الجامع و معه عمار بقى قريب من ربنا كتير و مرات كتيره بغير منه انه هو احسن مني ف و اعلى ف التقوى😭💜..... اتغير من زول غامض و مخيف لي زول طيب و مضحك و مسالم جداََ اي هو لسه فيه حبة غموض و عصبيه بس لمن زول يغلط معه او مع الناس الما بعرفهم هو واحد من الناس الخلوني ابقى م منعزله و بحب الحياة لانه زول كان مدمن و م عنده علاقه بربه لي زول اهم شي عنده صلاته د دليل كافي انه الحياة د ببتتجازف و بتتعاش و حياتك ممكن تتغير ف لحظه و د كله فضل كبير برجع لكتب ادهم شرقاوي💜💜💜💜،،بقيت بعرفه من صوته من حركاته اذا هو زعلان فرحان.... عمار م كان عندي علاقه شديده معه بس بحكم انه هو علاقته مع عسجد و مؤتمن الاتنين شديده كان لازم علاقتنا تبقى شديده و كده نحن شكلنا شله حلوه و الجامعه كلها بقت بتعرفنا و بشغلوها لينا انا و مؤتمن و بسالوا من عسجد و عمار لمن م يجو معانا لانه معظم الوقت بجونا ف الجامعه😂..... عسجد عمار خطبها و قالوا حيعملوا عرسهم ف السودان عشان بكون احلى 😍..... بالنسبه لشغلي ف المطعم بقيت مسؤوله من نفسي و من اهلي و برسل ليهم كل بداية شهر 💃.....
ف السودان:
اميره و احمد بقوا فخورين باولادهم جداََ و امجد جا من السويد و افتتح مستشفى خاصه بيه و بقى معروف بشطارته و حقق هدفه فضلت انا🌚.... احمد لسه شغال ف التدريس و كذلك اميره و بقت تشتغل ف مستشفى ولدها برضه.... لارا راجلها لسه بجي ف وقت متاخر و بقى بتكلم مع نسوان قدامها و هي م عندها طريقه تفتح خشمها عشان و للاسف خايفه من كلام الناس.. ندمانه شديد انه هي لمن كانت ف شبابها م اشتغلت م طورت من نفسها و لا من شهادتها و خلت العرس محور حياتها هسه هي عايشه ف جحيم.... و برضه لانه هي محسسه انه هو محور الكون و من دونه هي و لا شي...... (كلام الناس عمره لا بقدم لا بأخر هسه لارا ضيعت حياتها و كرامتها كمان بسبب خوفها من كلام الناس).....
مؤتمن:
انا كنت بحترم ليان جداََ و عمري م فكرت انه اذيها م ختيت ليها حبوب تاني نهائي لانه هي كانت بالنسبه لي سند و اليد المسكتني من الغرق م اعترفت ليها بمشاعري ليها لانه ربنا قال انه الزول البكتم مشاعره و يستودع البحبه لي الله و دايره بالحلال ربنا بحقق ليه امنياته و بديه اجر ... ابوي تاني م ضرب لي بعد م اتشاكلنا بس انا ضربت ليه وحاولت اصالحه عشان م اكون عاق لوالدي و بقيت شغال و بصرف ع روحي و بعد اقل من سنه حافتتح شركتي الهندسيه بقروشي البلمها... بضرب لي مره ف الشهر عشان يؤدي واجبه بس م عشان خايف علي بس انا بحبه عشان م عندي اهل غيره 😊..... اخوي بقت علاقتي معه قويه و طوالي بتكلم مع مرته وعياله و بقى عنده تلاته ولدين و بت..... بحكي ليه و هو بحكي لي و طوالي بقول لي انا سندك عارف انه ابوي م مقدم ليك اي شي بس انا بحاول بكل قدرتي ابقى ليك ابو💛(الاخ نعمه) ..... عمار كان بالنسبه لي اخ اب و مرات بكون لي ام😂مواقفه معاي كتيره و شكلنا كتير بس م حصل افترقنا اكتر من اسبوع الا ف حالة ليان لانه حسيت انه العمله غلط بقلل من رجولته ف لازم كان اعاقبه عشان يحس بغلطه و كمان عشان ليان💜💜،، متذكرين عصابة المخدرات؟... لسه بضربوا لي و بهددوني كتير حاَولوا يقتلوني مره بحادث مره برسلوا رجالهم بس ربنا كان حاميني ... قلت انه لازم امشي ليهم و احددها معاهم و اخلص من الشغله د عندي فيديوهات كتيره بتثبت انه هم تجار مخدرات و عندي حبوب محتفظ بيها و عارف بكل خططهم حامشي ليهم ف المقر داك و حاكلم الشرطه م عندي مشكله لو اعتقلوني لانه انا عاوز اتعاقب و اطلع نضيف... لانه ليان م بتستحق واحد كان تاجر مخدرات.....حددت انه بعد التخريج حامشي ليهم و اخلص من الموضوع د..
يتبع....
قد تظن ان كل م هو سيء قد ولى من حياتك... لكن للقدر كلمه اخرى.. 💛🍂
