اولى خطواتك نحو النجاح الحماس و العزيمه و كلاهما اذا لم توجههما ف الطريق الصحيح قد يتحولون الى نتيجه سالبه ف طريق نجاحك. ي بابا انت كدي اسمعني عليك الله ي بابا انا من زمان د حلمي الوحيد و اجتهدت السنين، الفاتت عشان احققه ي بابا و قدمت و بعد م يقبلوني ترفضوا يعني.احمد:ي بت كلامي واضح انا م عايز نقاش م عندنا بت بتطلع برا البلد براها يعني اخليك تمشي بريطانيا و نحن هنا ف السودان براك كان مرضتي البجي بوديك الدكتور منو، البساعدك منو،بعدين حتمشي هناك حتشتغلي لي بالفارغه..انا:يعني ي بابا انت م واثق فيني بعدين انا حاعيش ف داخليه مع ناس م براي يعني لو حصل لي اي شي حيودوني الاساتذه الدكتور اكيد، ماما عليك الله اتكلمي معه.اميره(ماما) : ليان كدي امشي غرفتك و لمي صواني الشاي د وديها المطبخ بكره نتناقش ف الموضوع د هسه ي دوب ابوك جا من الشغل خليه يرتاح.انا:طيب، بس ي ماما لازم تدوني الاجابه بكره لانه مفروض اوافق ليهم عشان يبدوا لي ف الاجراءات،كل مره انا بقول ليهم بكره بكره يعني ديل ناس م عندهم لعب ي اي ي لا. اميره:خلاص طيب يلا بنديك القرار بكره، بعد شويه حاناديك للغداء م تنومي. (انا ليان ابوي اسمه احمد عمره 56 حلبي، طويل، بحس انه هيبة العالم كله فيه، عمره م رفض لينا طلب، حتى لو رفض بناقشه و بورينا ليه رفض و بقنعنا، علاقتنا مبنيه ع الثقه التامه، عمره م حوجنا شي و بشتغل بكل طاقته عشان يوفر لينا اي شي، شغال معلم ف مدرسه اسمها الشهيد قصي حمدتو، امي اسمها اميره دكتوره نساء و توليد عمرها٤٣ زوله محافظه جداََ ع روحها و جميله م شاء الله عشان كده نحن طلعنا جميلين، 🌚 علمتنا من و نحن صغار انه الدين م بلعبوا فيه ادتنا حريتنا ف اختيار قرارتنا كانت بتقرا كتب كتيره عشان كده انا و امجد(اخوي) عشقنا القراءه، بتحب بيتها جداََ و زوجها و بتحاول توافق دايماََ بين البيت و الشغل نظراََ لانه شغلها مرات بحتاج زمنها كله،، سمراء متوسطة الطول انفها مستقيم عيونها بنيه شعرها ناعم طويل حواجبها غزيره و رمشوها كثيفه فمها صغير َ كيوت كده. 😂، عندي اخت و اخ، اختي اسمها لارا اكبر وحده فينا متزوجه عمرها٢٤ اتخرجت اداب جامعة الجزيره م زولة قرايه تمت قرايتها بالعافيه و مع اصرار ابوي عليها قصيرونه، حلبيه، م شاء الله شعرها طويل ملوناهو بني، ضعيفه م شديد لكن بالنسبه لي،. زوجها اسمه محمد. عندها ولد اسمه ياسين.امجد زولي، عمره ٢٢ كان بقرا ف جامعة ابن سينا قبل م يسافر، طويل اسمر شعره ناعم ايضاََ حواجبه كثيفه انفه حاد مستقيم زول جادي ف حاجات و بتاع هظار ف حاجات بس ف حاجات مشتركه بيناتنا كتيره منها القراءه و الاتنين عندنا هدف انه نتخرج و نساعد اهلنا و يكون عندنا بصمتنا ف المجتمع و بالاخص ف السودان عشان لازم نطور السودان و نخلي من الدول المتطوره، و اتفقنا انه ننفذه و ختينا رهان انه الحيخسر حيشغله التاني عنده و يخليه يكره يومه😂عشان كده الزول مفروض يحقق هدفه و يشتغل لنفسه من انه يحقق هدف زول تاني و يبقى جزء من تنفيذ حلم زول تاني.) طيب انا ليان عمري ١٧ برلومه، سمراء شعري طويل بس ناشف انفي حاد مستقيم صغير، حواجبي و رموشي غزيره زي امنا كلنا، طويله بس م شديد، م ضعيفه و م سمينه مقبوله يعني ، كاتبه صغيره، مولعه بالقراءه مستعده اكمل كتاب ف يوم، و د الشي الخلى انه عندي هدف، هدفي انه امشي اقرا هندسه معمار ف جامعة اكسفورد. سنه تالته اجتهدت فيها و جبت95 عشان احقق حلمي (قدمت و قبلوني دخلت الكورسات المفروض ادخلها عشان احسن لغتي و بقى لي اقناع باباالجزء الاول.كسره#.وروني ارائكم.
