Unicode
“ထွေး”
အိပ်ယာထက်ကမျက်လုံးလေးဖွင့်ကာအရင်ခေါ်သောအမည်မှာထွေး။ကုတင်တစ်လုံးထဲမှာညကနှစ်ယောက်သားဟိုဘက်ဒီဘက်အိပ်ကျပေမယ့်မနက်မှာပူးကပ်လို့။
“မောင်ညကဘယ်လိုအိပ်ပျော်သွားတာလဲ”
“ယပ်ခက်ပေးနေရင်းအိပ်ပျော်သွားတာလေ မမှတ်မိဘူးလား”
ရှားထက်စံခေါင်းလေးယမ်းပြသည်။ထွေး ကုတင်ပေါ်ကဆင်းကာ ဆွမ်းအတွက်ဟင်းချက်ဖို့ပြင်ရမည်။ရှားထက်စံကတော့စဉ်းစားလို့ကောင်းတုန်းပါ။
“အဲ့ဒါဆိုထွေးမောင့်ကိုဘယ်လိုခေါ်လာတာလဲ”
အခန်းထဲကနေအပြင်ကိုအော်မေးတော့ထွေးကအခန်းအပေါက်ဝနားလေးပြန်ရောက်လာကာဖြေတယ်။
“တရွတ်တိုက်ဆွဲခေါ်လာတာ”
ထွေးဖြေတဲ့စကားကိုရှားထက်စံတစ်ယောက်လုပ်ရက်လိုက်တာဆိုတဲ့အကြည့်လေးနဲ့၊အိပ်ယာပေါ်ကထပြီးမျက်နှာသစ်ဖို့ပြင်နေသည်။ထွေးကတော့ထမင်းအိုးစတည်နေပြီ။မြို့ကြီးသားကတော့မီးခိုးမွှန်လို့ တဟွက်ဟွက် နဲ့ပါရဲ့။
.
.
.
.
.
.
.
.
.
.
.ဒီနေ့မြို့ကဆရာဝန်တွေလာမည်။ရှားထက်စံကလဲဆေးကျောင်းသားလေးဖြစ်တယ်။ဘွဲ့ယူဖို့တစ်နှစ်ပဲကျန်တော့သည်။
“ထွေး”
“ဟွန်”
“မြို့ကဆရာဝန်တွေလာရင်မောင့်နားမှာပဲနေနော်”
“ဘာလို့တုန်း”
ထမင်းအိုးရှေ့ငုတ်တုတ်လေးထိုင်ကာပြန်မေးတဲ့ထွေးကိုရှားထက်စံငုံ့ကာနဖူးကိုဖွဖွလေးနမ်းလိုက်တယ်။ထွေး မျက်လုံးလေးမှိတ်သွားကာဇာတ်လေးပါပုဝင်သွားရသည်။
“မောင့် ထွေး ကိုလိုက်ပိုးကျမှာဆို့လို့ မောင်အပိုင်ဖြစ်ကြောင်းသိအောင် မောင့်အနားမှာပဲနေ”
ထွေးခေါင်းလေးခါရင်းလစ်လျူရှုလိုက်သည်။ရင်ထဲမှာတော့လှိုင်းလုံးတွေတန်းဆီလို့လှုပ်ခက်နေလေရဲ့။ရှားထက်စံရေချိုးဖို့ပုဆိုးတိုတိုဝတ်ကာအပေါ်ပိုင်းဗလာနဲ့အိမ်ရှေ့ပြန်ထွက်ခဲ့တယ်။ဒီပုံစံမျိုးကိုမြင်ရတာထွေးအတွက်တော့မျက်နှာထားစရာမရှိသလောက်ပဲ။
أنت تقرأ
ထွေး [COMPLETE]
خيال (فانتازيا)" ထွေး လို့ပဲခေါ်ချင်တာလေ မောင်က" " ေထြး လို႔ပဲေခၚခ်င္တာေလ ေမာင္က"