قصه ماذنبي يتيمه
_ فاطمه 🖇🖊
ما أصعب الذكريات و اقساها
مضت لكن لا نستطيع أن ننساها
..........
تقدم الجد من ريم وهزه لكن دون فائده
كانت جثه هامده...
بهذا الوقت رجع نائل للبيت استغرب
الهدوء وشكل الخدم المايطمن ساألهم:وين سماهر
اجابت احدى الخادمات: فوك
حسيت اكو شي غريب توجهت لفوك شفت ماري شكلها مايبشر بخير
عبرتها
صحت: سماهر
سمعت بجي من الجهه اليمين توجهت وكانت الصدمه.............
كانت سماهر بحاله لا يرثى لها تقدمت وكعدت بمستواها
-شصاير
اشرت بخوف على غرفه ريم نهضت نفسي
ودخلت غرفه ريم كان ابوي كاعد ويكول
_ انا لله وانا اليه راجعون..
من الصدمه حسيت نفسي انخرست لا مستوعب الموقف بعد ثواني
كعدت بمستوى ابوي وحطيت ايدي على كتفه
بخوف: بويه شصاير
نظر لي بلوم: مممماااتتت ونزل راسه
ماصدك معقوله. ريم اتموت مستحيل تقدمت
منها ولزمت ايدها حتى اتحسس النبض اكيد ابوي جاي يشاقه وياي
لكن انصدمت ماكو نبض هزيتها وحطيت راسي
على گلبها امكن اسمع نبض زغير بس ماكو
كان جسمها بارد خالي من الحياه
بارد يعني ماتت گلبي مو جاي يستوعب
صرخت بصوت عالي
_ لاااااااا ريييييييم
فجأه كعدت وتلفتت حولي لكيت نفسي بالمستشفى وكاعد بمكتبي وكدامي ملفات
فركت عيوني وتعوذت من الشيطان
حلم معقوله حلم
تنهدت براحه يعني ريم ماماتتت لكني بعدني خايف اتصلت بسماهر
حتى اتأكد منها بعد اربع دكات ردت
_الو
نائل بخوف _انتي وين
سماهر بستغراب _ليش تسئل
نائل بعصبيه وتوتر: مو وكت تحقيقج وين انتي
سماهر بقهر: اذا بنتك رفضت تاخذ المصروف اطلع حركت گلبك بيه وبعدين اني موجوده بالبيت محتاج شي قبل ما اسد الاتصال
نائل: لحضه ريم رجعت للبيت
سماهر: اي رجعت من زمان الظاهر انت نسيت الساعه هسه بيش اني اكلك هسه الساعه بال 4
وانت لهسه ماأجيت للبيت والبنات ماتن من الجوع منتظرينك وحظرتك ماأجيت اريد اسئلك انت وين
نائل. بصراحه من كالتلي بناتك ماتن نغزني گلبي وخفت من بعد گلامها ارتاحيت وعرفت انه كان حلم واني الظاهر بعد ماأتصلت بمديره
ريم نمت بدون ماحس تنهدت براحه يعني بعدني ماحققت وي ريم بسالفه السرقه
يارب مايتحقق الحلم واكدر اضبط اعصابي يا رب.
فز من صوت سماهر: وين صرت صارلي ساعه احجي وانت مطنشني
نائل بنرفزه: ليش اصرخين اسمعج ترى اني مو اطرش هسه اني بالمستشفى مسافه الطريق واجيكم تغديتو
أنت تقرأ
ماذنبي يتيمه
General Fictionاعاتب من امي التي تركتني في مقتبل من عمري ام ابي الذي لم اشعر بحنانه الذي قابلني بقسوه ام الناس التي لاترحم فتاة واجهت فقدان الام بذذالك السن الصغير وتواجه خيبات فقدان لتأتي الى الاب فيكون بوادي ثاني يعاقبها على اخطأ الام النانيه لتكافح من اجل...
