# ماذنبي يتيمه
# فاطمه ✍🏻
ــــــــــــــــــــــ♙ــــــــــــــــــــــــ♙ـــــــــــــــــــــــــــ
الجد مو عاجبه الكلام : انا حلفت يمين ما تطلع من بيتي الا لبيت زوجها
نائل ما لكى غير هذا الحل : بالطلاق من ام سيف ما تعيش ريم غير عندي لحتى تتزوج
وقف الجد بعصبية : انتم ما عندكم غير بالطلاق بالطلاق
وكف ابو سليمان : بويه اهدء وكلشي بالتفاهم ينحل خلص انت بويه كفر عن يمينك وخلي البنت تعيش عند ابوها
الجد بعصبية وبحزم وبدون تراجع بقراره: ما علي منه يطلق يزوج مالي دخل ريم ترجع هنا وبصراخ بسرعة تجي هسه
فاروق وكف : يا جماعة الخير صلوا على النبي وما يصير الا خير واشر للبنات يطلعون من الصاله ردد الموجودين بصوت هامس
اللهم صل على سيدنا محمد
الجد خفف عصبيته شويه : انا كلت ترجع ريم هسه يعني هسه
ناظر نائل وهو يكتم عصبيته : بويه الله يخليك البنت عندي خلاص مااله داعي تسوي مشاكل
الجد بصراخ : قصدك اني اسوي مشاكل واشر على نفسه
تقدم نائل من ابوه وباسه من راسه : محشوم بويه
ابعد الجد نائل عنه بقهر وبأمر : روح جيبها هسه
الجده وهي جالسه وتناظرهم بخوف : بس نائل نقل كل اغراضها لبيته
التفت الجد بعصبية : انا هنا بالبيت رجل كرسي والا طاوله ما ادري عن شي ومحد يستشيرني بشي وبحده اشر على نائل منو سمحلك تاخذها وبصراخ جاوبني
اقترب خالد من جده : يا جدي لا تتعب نفسك صحتك اهم من الكل وكل شي ينحل بالتفاهم
ابعد الجد خالد عنه بهدوء وطلع مبايله وفتحه وضغط على احد الاسماء الكل كان يراقب وما يعرفون يتصل بيمن بس تفاجئ انه المبايل مغلق
ناظر نائل والشرار يتطاير من عيونه : ساحب منها المبايل ؟؟
نائل بهدوء : اظن انه هي صغيره على المبايل ومو ضروري يكون عدها و..
قاطعه الجد بصراخ : اسكت مو انت تقرر ضروري والا مو ضروري
تفاجئ وانقهر نائل انه ابوه يهينه كدام الكل
ناظر الجد فاروق وبأمر هسه تجيني ريم وياها كل اغراضها
فاروق باعتراض : بويه والطلاق ؟؟؟
الجد بلامبالاه : بجهنم الحمره هو وطلاكه حتى ثاني مره يحلف بالطلاگ وبامر والتعب ظاهر بصوته بسرعة رجعوها هنا
تقدمت سماهر ببكاء من الجد : الله يخليك يا عمي خليها عدنه لوقت زواجها الله يخليك يا عمي لا يطلگني وببكاء
أنت تقرأ
ماذنبي يتيمه
General Fictionاعاتب من امي التي تركتني في مقتبل من عمري ام ابي الذي لم اشعر بحنانه الذي قابلني بقسوه ام الناس التي لاترحم فتاة واجهت فقدان الام بذذالك السن الصغير وتواجه خيبات فقدان لتأتي الى الاب فيكون بوادي ثاني يعاقبها على اخطأ الام النانيه لتكافح من اجل...
