#قصه ماذنبي يتيمه
_ فاطمه 🖇🖊
لايك +تعليق + شنو رائيكم بالبارت اليوم
.................
قطع كلامه كف نزل بوجه سليمان انصدم منو هذا الشخص!!!!!!
ابو سليمان بقهر: هاي على مود تثمن كلامك مره ثانيه وتبطل سخافه والكلام موجه كلكم
اتعلمون بزر على السوالف اكبر من عمرها وماصخ مثلكم وجه كلامه لسليمان اذا انت صدك اتريد البنيه هسه اروح لجدك واطلبها الك
اما اذا كنت تقشمرها قسم بالله احش رجليك حش
وجه كلامه للشباب ياحيف الشوارب والحيه خاطه بوجوهكم لانها للزلم مو للزعاطيط
لزم ايد ريم وعافهم..
مرت عشر دقايق ساكتين وما تكلموا بشي من بعد كلام عمهم
بهذا الوقت رجعت هند للمكان شافت الشباب كاعدين وساكتين وجوهم مغيمه استغربت منهم
دائما ضحكهم يملي المكان ليش ساكتين
تقدمت منهم ردت السلام البعض منهم رد والبعض الثاني ضلوا ساكتين
هند : ليش ساكتين مو من عادتكم
نبراس بهدوء: ماكو شي
هند رفعت حاجب بعدم تصديق:اها صدكتكم
لعد وين ريم
محد رد عليها
هند: ليش ساكتين جاي اسئلكم!!!
سليمان بعصبيه: وتالي واسئلتج وي ابوي ارتاحيتي هسه
هند بتفهم: ههههههههههههه كول من البدايه ابوك جان اهنا وقصف جبهتكم
تركتهم وراحت على اشكالهم المبهذله وجوهم مغيمه
بسام بقهر: والله لو مو عمتي جا دست ابطنها حضرتها تتشمت بينه
سليمان بقهر: كله بسببكم الله ياخذكم يعني عجبكم ابوي زعل مني وضربني
نبراس: هاي هي رح اختارها الك ويعرف ابوك انت حجيك صدق ويرضى عليك
قاطعه سليمان بعصبيه: انلصم وانت افكارك
السخيفه والبايخه مثل وجهك
وتركهم ومشه
نبراس يمسح على وجهه بغرور: ياجمال وجهي
ماتكدر تحصل مثله
كعدوا الشباب متضايقين من كلام عمهم وبنظرهم طعن برجولتهم
كان يمشي ولازم ايد ريم وهي مفاهمه كلام ابو سليمان وتحاول تستوعب بس عجزت خاصتا
التخيير مصطلح جديد عليها...
نائل.....
جنت العب بناتي بالالعاب وسماهر كاعده يم امي ونسوان اخوتي ويمها سيف التفتت شفت اخوي ابوسليمان يمشي لجهتي وبيده ريم ووجهه ما يبشر بخير توقعت ريم مسويه مشكله حضرت نفسي حتى اعاقبها
لاكن اتفاجئت بي وكف ريم بصفي وبعصبيه
اردف: انت اهنا وتارك هاي البنيه وراك اتوقع
احد خطفها
قاطعه نائل: بس هي وي هند
قاطعه. ابو سليمان: اتوقع انه محمد يريد يمشي ويا
زوجته مو ياخذ ريم ويا ويحير بيها
تركه وهوه يفور من العصبيه من ورى اهمال نائل مهما كان يكره البنيه بس ماتوصل لدرجه الاهمال هاي بنته وسمعتها من سمعتنا
تنهد بقهر ويستغفر اتوجه لمكان المتجمعين بي
الرجال
الجد: ليش الشباب مايردون على اتصالاتهم
ابو سليمان: سكت شويه وتذكر انه يشوف الشباب ليش ممايردون على اتصالاتهم ومن لكاهمم يم ريم جن جنونه من سوالفهم الماصخه
ومن القهر وعمايلهم نسى يسئلهم ليش مايردون على تلفوناتهم
أنت تقرأ
ماذنبي يتيمه
Ficción Generalاعاتب من امي التي تركتني في مقتبل من عمري ام ابي الذي لم اشعر بحنانه الذي قابلني بقسوه ام الناس التي لاترحم فتاة واجهت فقدان الام بذذالك السن الصغير وتواجه خيبات فقدان لتأتي الى الاب فيكون بوادي ثاني يعاقبها على اخطأ الام النانيه لتكافح من اجل...
