ماذنبي يتيمه
_ فاطمه ✍🏻
قرائه ممتعه
$ــــــــــــــــــــــــــــــــــــــــــــــــــــــ$
$ـــــــــــــــــــــــــــــــــــــــــــــــــــــــ$
جلست ريم على السرير وهي متضايقه
اخذت نفس وهي تكول بنفسها
اليوم السبت وجدها ما اخذها ولا حتى سأل عنها
غريب شنو صار بيهم ؟؟؟؟
والمدرسه ولا يوم داومت لو داومت كان سألت بنات عمها
محتاره وبنفس الوقت خايفه
وينهم لا حس ولا خبر ؟؟؟؟؟؟؟؟؟
شبكت ايدها ببعض بتوتر وهي خايفه
حاسه اعصابها تلفت من التفكير
وقفت وصارت تروح وتجي بالغرفه متوتره تحاول تطرد فكره انهم
خلاص ما يردونها
معقول جدي ما يريدني !!!
وشمرني مره ثانيه هنا !!
وقفت وحطت أيدها على راسها والعرس !!
اليوم السبت ما بقى عليه الا خمس ايام
شهقت وحطت ايدها على فمها من الفكره للي أجاتها
وجلست على الارض بانكسار
اكيد ما كوا زواج جذبوا عليه
حاولت تبعد الفكره من راسها
وهي تردد اني طلبت منه اجي هنا وجدي رفض بس اني اصريت عليه اجي هنا
نفضت راسها خلاص مو قادرة عقلها مشوش
نزلت دمعه من عيونها مسحتها بسرعة ورفعت راسها وناظرت السقف
عضت على شفتها بقهر كيف نست المبايل وشتمت غبائها للي من السرعه نست مبايلها
مسحت على وجهها بقهر وتعوذت من الشيطان وقررت تنزل تحت تضيع وقت لوقت يرجعوا البنات من المدرسه
لبست العبايه والشيله ونزلت بهدوء بس وقفت منصعقه من للي سمعته
غاده بابتسامة : كل شي تمام هلكت حتى قنعت البنات همه يطلعون ويا ريم ويخلونها تلبس عبايه ضيقه ومفتوحه وتحط مكياج كامل ويصورونها بدون ما تحس وبعدها رح ادز الصور لنائل وانزله على الفيس ابنه الدكتور نائل ......
وغمزة لاختها شلونها هاي الفكره ؟؟
ساره باعتراض : نسيتي انه حفيده ابوي يعني رح تسيئين لعائلتنه
غاده بخبث : غبيه لاني ما رح احدد اي بنت رح يفكرونها بنت سماهر
ساره بعدم اقتناع : والبنات وافقوا ؟؟
عدلت غاده جلستها : ما وافقوا الا منار توكلت تقوم بالمهمه اما الباقي رفضوا ويدافعن الها يقولون ريم صديقتنا عابت الهن
ساره بجديه : بس يمكن يحذروا ريم ويگولون الها
غاده بخبث : لا تخافين هددتهم اذا خبروها رح اخبر عن بلاويهن فاضطرن يسكتن
ساره بتردد : بس هيج رح تضرين ريم اكيد نائل ما رح يتركها بحالها اعرفه لما يعصب ثور هايج
غاده بلامبالاه : حريگه هو وبنته
ساره بتردد : بس ..
غاده قاطعتها : لا تمثلين دور الام الحنونه وانتي شمرتيها وهي صغيره حتى تتزوجين وناظرتها بتكبر
ساره بدفاع : بس انا كنت مضطره
ضحكت غاده باستهزاء : ههه مضطره ليش مضطره وبجديه ناظرتها
جذباتج هاي گوليها للناس الغريبه يصدگون هاي الجذبه
جدي وقتها خيرج انت تربين بنتج ريم او تتزوجين بشرط تشمرين ريم على ابوها
وباستهزاء وطبعا بما انت الام الحنونه والمضحيه شمرتي ريم على نائل على مود تتزوجين وحتى كم مره يتواصل نائل مع محمد حتى البنت تجي تشوفج وتحسسيها انه الها ام بس رفضتي
نسيتي من عرض عليج نائل مبلغ كبير كل شهر مقابل تزورج ريم مره بالاسبوع وتحاولين تعوضيها عن فقدان الامومه الي مقابل تنطين لبنتج بدون مقابل
ومع ذلك رفضتي حتى تشوفينها
تتذكرين من اتصل نائل بزوجج احمد وطلب منه انتي تروحين ويا ريم اول يوم بالمدرسه حتى ما تشعر ريم بالنقص عن دون البنات ورفضتي
تذكرين من طلب نائل من محمد انه مستعد يدفع اي مبلغ مقابل انج تكلمين ريم بالاسبوع على الاقل ثلاث مرات
تشعرينها بوجودج ومع ذلك رفضتي
وبالاخير الظاهر انه كذب على البنت وخبرها بالكذبه الي سألتج عنها ريم اول ما اجات هنا
كانت ساره تسمع كلام غاده وتذكرت لما أجات ريم هنا سألت ساره يمتى رجعتوا من الكويت ردت عليها ساره باستنكار الكويت
أنت تقرأ
ماذنبي يتيمه
Fiksi Umumاعاتب من امي التي تركتني في مقتبل من عمري ام ابي الذي لم اشعر بحنانه الذي قابلني بقسوه ام الناس التي لاترحم فتاة واجهت فقدان الام بذذالك السن الصغير وتواجه خيبات فقدان لتأتي الى الاب فيكون بوادي ثاني يعاقبها على اخطأ الام النانيه لتكافح من اجل...
