• قصه ماذنبي يتيمه
• بقلمي فاطمه الابراهيمي 🖋
لاتنسون التصويت للبارت ⭐
مثل ما وعدتكم قبل كلت الكم ب أن اني دخلت محاضرات للسادس ماكدر التزم وياكم بالتنزيل
حددت الكم موعد واحد بالاسبوع يوم عطلتي
يوم الاحد هوه عندي عطله اكتبلكم بارت ونزللكم
غير هذا اليوم عذروني ماكدري انزل الكم بعد
بالنسبه للتئخير نت ماعندي صار قرابتأ للشهر
ماعندي نت
والبارت صارله اسبوع جاهز ومن كتبته بقى بس النشر
ف كنكت على جيرانه وضعيف النت كلش
بالساعتين اني احاول ويا حتى انشره الكم
اما بخصوص البارت قصير اني وضحت الكم ماكدر اعبر اكثر من 1000 الف كلمه او الفين كلمه
هم لازم انطي لنفسي حق عليه اخذ استراحه
وادرس التراكمات
القصه صح صعدت مشاهداتها بس التصويت
تحت الصفر 🫤😐 مع الاسف وماشاء الله عددكم
هواي بالمشاهدات مثل ما انتم اطالبوني انزللكم بارت اني هم الي حق اطالبكم بالتصويت
التصويت مارح ياخذ منكم وقت ترى هوه اضغطون على النجمه ⭐ مثل ما انتم اتفرحون من انزل بارت
فرحوني من انتم اصوتون
مو بس هي القصه عندي بعد عندي قصتين لازم اكتبهن ورا هي القصه
••♡•• ••♡•• ••♡•• ••♡••
استغربت ريم انهم ما رجعوا البيت
سألت اسيل : يمتى نرجع ؟؟
اسيل بهدوء : باجر
ريم بفجعه : باجر
وين رح ننام ؟؟؟
اسيل وهي تتوجه تلحك على الصلاه : هنا بالخيام
ناظرت المكان بدأ يظلم حست بالخوف يسري
بعروقها
لو هجم عليهم ضبع بالليل او قطاع طرق
شرح يصير بيهم ؟؟!!
توجهت للخيمه تصلي وعندها امل انه
اسيل تضحك عليها
كملت صلاه وسألت زوجه مهند وكانت نفس الاجابة
بين على ملامحها علامات الضيق على ملامحها
وتوجهت للخارج شافت عيسى واكف لوحده
استغلت الفرصة واقتربت منه
وبهمس : عيسى
باوعلها ولف وجهه وما رد
ريم : يمتى نرجع للشقه ؟؟
ما رد عليها
ريم بقهر : اني احجي وياك
عيسى بدون ما يناظرها : واني ما اريد احاجيج
ريم : لا تحاجيني بس رجعني للشقه
عيسى بدون اهتمام : رح ننام هنا
ريم بنرفزه : لو تموت ما رح انام هنا
تركها وهو يتكلم ببرود : بكيفج
ضربت الارض برجلها بقهر
ما يحق اله يزعل هي المفروض ألي تزعل
توجهت للخيمه الجالسين فيها
شافت ابو باسل وام باسل جالسين لوحدهم
والباقيين يلعبون
صراحة او جرأة
زوجه ياسر اشرت الها : تعالي إلعبي ويانه
ريم بهدوء وبعدها مقهوره من عيسى : مالي مزاج
أنت تقرأ
ماذنبي يتيمه
General Fictionاعاتب من امي التي تركتني في مقتبل من عمري ام ابي الذي لم اشعر بحنانه الذي قابلني بقسوه ام الناس التي لاترحم فتاة واجهت فقدان الام بذذالك السن الصغير وتواجه خيبات فقدان لتأتي الى الاب فيكون بوادي ثاني يعاقبها على اخطأ الام النانيه لتكافح من اجل...
