.ماذنبي يتيمه
. بقلمي فاطمه الابراهيمي ✍🏻
لا تنسون لايك للبارت
تعليق حلو
نبدأء بسم الله
قرائه ممتعه
♡ــــــــــــــــــــــــــــــــــ❥ـــــــــــــــــــــــــــــ ♡
طرقت ساره الباب بخفه وفتحت الباب ومعها
صينيه عليها كوبين عصير
ناظرت ريم وجوري وبابتسامه : كملتوا ؟؟؟
ناظرتها ريم بارتباك وهنه يضمن ورق اللعب: لا بعدنه يا ماما هذي غبيه ما تفهم شي
فتحت جوري عيونها على وسعهم وهي تناظر ريم وبعدها ناظرت ساره : كذابه لا تصدكينها يا خالتي
ساره اقتربت منهم بابتسامه وحطت العصير
على الطاوله وناظرت ريم بعتب : عيب يا ماما تگولين لصديقتج هيج ولا تنسين انها اكبر منج
لازم تحترمينها
ابتسمت جوري : تسلمين يا خالتي
ناظرتها ساره بنعومه : لا تنشغلون باللعب
الدراسه اهم وغمزت الهم انها كاشفتهم
ريم وهي تحك راسها : ان شاء الله ماما
طلعت ساره بهدوء من الغرفه مثل ما دخلتها
وحطت ريم أيدها على راسها مكان الضربه وعفست
ملامحها : دبه ليش ضربتيني ؟؟
جوري : كل هالنعومه وتطلع شريره بقصتج
ريم وهي تفرك مكان الضربه : انتي غبيه اگول الج
كتبتها لما كان عمري 14 وقتها كانت علاقتي بيها عاديه
بس لما سافر زوجها تغيرت وياي كثير
واصرت علي اعيش عندها بوقت غياب زوجها
بس ما ادري احس تتغير وياي بوجود زوجها
او تواجد جدي او احد من اخوالي احسها تحاول تتجنبني
اما بغيابهم احسها فعلا امي
وبعدين لما كتبت عنها انها شريره كنت ماخذه موقف منها
من وگعت بالمسبح وركضت على فهد وانا لا
وقتها صرت اتذكر كل مواقفها وافسرها كدليل
على كرها او رفضها لوجودي
جوري رفعت حاجب : وكتبتي بقصتج انتي رحتي تزوريها وانها گالت لزوجها انه ما تريدج وما تطيق
تشوفج وتخيلتي اشياء متأكده انها مو موجوده
ناظرتها ريم ونزلت نظرها : گلت الج توقعات يعني انا توقعت يصير كذا وانها رح تكول عني هيج
وبعدين لا تنسين تضايقت كثير وقت من سألتها خالتي
غاده عن ذكرى ميلادي وما عرفت
وتاريخ فهد حافظته ليش يعني ؟؟
جوري ضربت جبينها : ترا انتي حساسه زياده
شنو بيها
گلت الج من قبل مابيها شي يعني ما تخليج
تاخذين موقف من امج
وتكتبين قصه وتخليها شريره على مود هذا الموقف
ريم تقاطعها : بس
جوري اشرت لها ؛ اسكتي ومسكت تلفونها
واتصلت على امها و فتحت سبيكر
جوري بابتسامة : مرحبا ماما
ام جوري وردت وباين انها مشغوله : نعم
جوري : اريد اسألج سؤال مهم
قاطعتها امها : جوري ترى مو فارغه لسخافتج
واني گلت الج لا تتصلين الا من تكملين دراسه
جوري قاطعتها : بس سؤال مهم
زفرت امها بضيق : يالله بسرعه ترى مو فارغه
جوري بابتسامة وهي تتدلع : ماما يايوم تاريخ ذكرى ميلادي ؟؟
امها بنرفزه : متصله بيه على مود هذا
بعدين ويا سخافتج يا جوري
هسه الحلويات تحترك يالله بسرعه قفلي
أنت تقرأ
ماذنبي يتيمه
Fiction généraleاعاتب من امي التي تركتني في مقتبل من عمري ام ابي الذي لم اشعر بحنانه الذي قابلني بقسوه ام الناس التي لاترحم فتاة واجهت فقدان الام بذذالك السن الصغير وتواجه خيبات فقدان لتأتي الى الاب فيكون بوادي ثاني يعاقبها على اخطأ الام النانيه لتكافح من اجل...
