♡ ماذنبي يتيمه
♡ بقلمي فاطمه الابراهيمي 🖋
لاتنسون التصويت ⭐
متابعه الحساب 👍
تعليق بين الفقرات 🖋
رائيكم بالقصه
قرائه ممتعه 🤗
♡• ـــــــــــــــــــــــــــــــــــــــــ♡•
عندها فضول تشوف البيت الجديد
واخيرا رح تعيش في بيت مستقل
ويكون فيه حديقه
مو بشقه وطوابق
تريد بيت حوله حديقه تجلس فيه
تزرع ورود .....
قطعت افكارها لما شافت عيسى وقف السياره
ناظرته وبعدها ناظرت المكان باستغراب
عيسى بدون نفس : وصلنا
واشر على البيت
ناظرته ريم باندهاش وعدم تصديق
ولا بالاحلام فكرت تسكن بمثل هذا البيت
هزها عيسى : كل هذا تأمل ؟؟
انزلي
هزت راسها ونزلت من السياره
وهي تناظر البيت بدهشه
دخلوا الحوش كان صغير وفيه شجره نخيل وحده
ناظرت عيسى اشرلها بالدخول
ناظرت البيت مكون من طابق واحد
دخلت كان مكون من مطبخ وثلاث غرف وصاله صغيره
ناظرت الجدران باندهاش مسطحه
ما توقعت تعيش في بيت قديم مثل هذا
ناظرته والقهر باين بوجه مسكين
صغير على هذي الحياه وانضحك عليه
سألته وهي تناظر الجدران والسقف : بشگد اشتريته ؟؟
عيسى بقهر : «......»
فتحت ريم عيونها بصدمه : صدك ؟؟
عيسى بنرفزه : ريم ترى ما فارغلج
كافي اسكتي
واذا ما تردين تعيشين هنا خلاص اطلعي
ريم ناظرته ما تدري تضحك والا تحزن على عيسى
مشتري البيت بسعر غالي
بس ما تدري كيف انضحك عليه ؟!!
ما تدري ترفض تعيش هنا والا تسكت وتشوف
وين توصل أخرتها ما تدري جلست على الكرسي
وهي تحس ظهرها تصلب من الوقوف : لو كلت الك ما اريد اعيش هنا
وين رح نروح ؟؟؟
عيسى تكتف بتفكير : تروحين عند اهلج لفتره قصيره
على اساس زياره لحد ما احل الوضع وادبرلج مكان ثاني
ريم وبداخلها رافضه الحل بقوه مستحيل ترجع
عند نائل لو تسكن في خيمه طول حياتها ما
ترجع عند نائل تكلمت بعد ما اتخذت قرار
بسرعه : خلاص نبقى هنا
ناظرها : النصاب اخذني لبيت كبير وحديث بس رفضته لانه بعيد
گالي انه عنده بيت قريب ونفس البيت للي شفته
وانا حسيته صادق وللي معه ايد كلامه انه نفس البيت للي شفناه
رحت ثاني يوم واشتريت البيت وكل شيء تمام
بدون ما اشوفه
بس انصدمت من شفته اليوم
ريم بهدوء : هاي هي ان شاءلله خير
عيسى ارتاح من شاف ملامح الرضا على وجهها : اني طالع اشتري اغراض للمطبخ
ما رح أتأخر
هزت ريم راسها ورجعت تناظر المكان بعجز
وقرف يحتاج وقت للتنظيف والترتيب
وقفت بتعب وهي ناويه ترتب على مهلها
بدون ما تضغط على نفسها
**
**
**
**
**
**
مر اسبوع على تواجدهم بالبيت
رتبت ريم الاغراض على مهلها ونظفته وصار بصوره
احسن بس قديم وما يستحق المبلغ للي دفعه
عيسى
بالفلوس للي دفعها يشتري بيت افضل من هذا بكثير
سألته شنو صار ويا على سالفه البيت
وكل مره يگول بعده ما صار شيء
قفلت الغرفتين لانهم مو مفروشات ومالهم
لزوم
تحس براحه بالبيت بعيد عن الشقق
يكفي انه البيت بحي وحوله بيوت
مو منعزل عن الناس
قررت تگوم تدرس شوي بس وگع
گلبها لما سمعت صوت الجرس يرن
عقدت حواجبها بخوف منو يعرف مكانهم حتى يزورهم
لبست احرام الصلاه وطلعت للحوش
أنت تقرأ
ماذنبي يتيمه
Ficción Generalاعاتب من امي التي تركتني في مقتبل من عمري ام ابي الذي لم اشعر بحنانه الذي قابلني بقسوه ام الناس التي لاترحم فتاة واجهت فقدان الام بذذالك السن الصغير وتواجه خيبات فقدان لتأتي الى الاب فيكون بوادي ثاني يعاقبها على اخطأ الام النانيه لتكافح من اجل...
