قصه ماذنبي يتيمه
_ فاطمه 🖇🖊
..............
ريم ...
كعدت الصبح بكل نشاط هذا الاسبوع رح اشوف
امي سعادتي ماتنوصف..
دخلت ماري وخلت الاكل على الطاوله
وكانت مستغربه من سعادتي ونشاطي اول مره تشوفني فرحانه من بعد خلال طول السنين المضت
تقدمت بهدوء لاتناول الفطور وشهيتي مفتوحه للاكل.
هل ستدوم سعادتي؟!!
هند نزلت من السياره: انتضرني نص ساعه
انطيها الاغراض وارجع
محمد بهدوء: يالله منتظرج اهنا ورانه سفر لا تتئخرين
هزت راسها بالموافقه ونزلت وبيدها كيس
دخلت لبيت نائل بعد ما الخدامه. خلتها
شافت سماهر تلاعب بسيف بالصاله القت السلام
كامت سماهر: يا اهلا وسهلا نور البيت
ردت هند: بوجودج منور
كعدت على التخم من بعد السوال عن الحال والاحوال سئلتها عن ريم
بتردد: وين ريم؟!
سماهر ببرود: فوك بغرفتها
وكفت هند: من رخصتج اروح اسلم عليها
قبل لا اسافر
سماهر: اذا اتحبين هي تجيج لهنا ماكو مشكله
اشرت بيدها هند: لا اني اروح الها
صاحت سماهر على ماري حتى تدلي هند على غرفه ريم ورجعت مكانها تلعب سيف
هند
مشيت خلف الخدامه ماري حتى وصلنه لغرفتها
وانصرفت تنهدت بضيق ودكيت الباب ماسمعت الها صوت فتحت الباب ما انكر اني اتضايقت
من شفت غرفتها
جانت كاعده يم الشباك وسارحه بخيالها
حتى مانتبهت من طبيت للغرفه
صحت بهدوء: رييم
التفتت ريم واردفت: ما
وسكتت اتفاجئت ابوجودي
اتقدمت بهدوء وسلمت عليها وكعدنه على السرير
_ اشلونج
_ ردت ببتسامه زينه
هند انطيتها الكيس وناظرتني بحيره وتسائل
جاوبتها قبل ماتسئل: هاي هديه من عندي الج اذا رفضتيها ازعل عليج
تناولتها بلطف ووضعتها بجانبها
لزمت ايدها واردفت: اني زعلانه منج يا ريومه
ريم ببرائه: ليش زعلتي مني اني مارفضت هديتج
_اردفت الها واني ناويه اوضح الها بعض الامور
ومتأكده ماكو شخص يعلمها الصح من الخطأ
_ زعلانه عليج ليش تركبين بسياره الشاب
البارحه ماتعرفين بأن يخطفون اطفال!!
ريم ببراءه: اعرف المعلمه گالت!!
هند بستنكار: اتعرفين بس ليش اتركبين ويا
ريم اردفت بحزن وانكسار: على مود يقتلني ويخلصني من هاي العيشه الي عايشتها
وامتلئت عيونها دموع
حضنتها هند: يا حبيبتي مايصير تتصرفين من كيفج هسه انتي اتفكرين كل الناس سعيده غلطانه اكو اطفال محرومه مالاكيين لگمه خبز ياكلونها اكو ناس بالمستشفى مرضه ومالاكيين علاج
بس انتي ما شاءلله عايشه بيت واسع وقصر
وتاكلين احسن الاكل وجسمج معافه لازم تكولين الحمدلله
تدرين هسه اكو اطفال مشلولين انتي اتخيلي طفل مايكدر يمشي ومايكدر يلعب ويروح للمدرسه صعب يروح الها!!
وانتي ليش تگتلين نفسج وحرام الانتحار
اكو بعض من الناس قليله ايمان من تواجههم مشاكل يلتجأ للانتحار ويخسر حياته واخرته
ورح يعاقبه رب العالمين ونفسه تحاسبه!!
اتحبين تدخلين للنار!!!
أنت تقرأ
ماذنبي يتيمه
Fiksi Umumاعاتب من امي التي تركتني في مقتبل من عمري ام ابي الذي لم اشعر بحنانه الذي قابلني بقسوه ام الناس التي لاترحم فتاة واجهت فقدان الام بذذالك السن الصغير وتواجه خيبات فقدان لتأتي الى الاب فيكون بوادي ثاني يعاقبها على اخطأ الام النانيه لتكافح من اجل...
