تاج الفهدج2*ابناء السيوفي*
|3|
سليم لسه بيقرب ع باب الاوضه علشان يدخل سمع سيا بتكلم ف الفون بعصبيه.
سيا: اها تخيلي وسليم علشان خاطر الهانم والبيه اخويا يمد ايده عليا انا وبس والله لربيهم كلهم.
_اهدي انتي بس وقبل ماتعملي اي حاجه لازم تاخدي ميراثك الاول وبعدين نشوف هتعملي معاهم اي
سيا بتفكير: صح كويس انك فكرتيني بموضوع ميراثي ده لازم اطالب بي مانا مش هسيب كل حاجه لتاج هانم.
سليم اتصدم من كلام سيا لدرجه انه بدا يشك انها مش هي مستحيل فتح الباب بسرعه ودخل.
سيا بخضه: اقفلي طيب هكلمك شويه كده.
سيا: انت زي تدخل كده مش تخبط الاول
سليم بعصبيه: انتي اي....
سكت فجأة وهو بصصلها وبيفكر انه مش لازم يعرفها انه سمع لحد مايعرف كانت بتكلم مين
سيا: انا اي بقا اي جاي تكمل ضرب فيا تاني؟
سليم وهو بيحاول يهدا: لا جاي انام علشان عندي زفت شغل بكرا.
سابها ودخل يغير لبسه وبعد شويه خرج شافها واقفه قدام المرايا بتسرح شعرها بصلها بهدوء وراح ع السرير.
سيا: انا هنزل الشركه من بكرا
سليم قام اتعدل واتكلم بخنقه من تصرفاتها: وده من امته ان شاءالله
سيا قامت وقعدت جمبه: من بكرا
سليم: ده انت قررتي وخلاص وجايه بس تعرفيني مش مهم بقا اوافق او ارفض هيفيد راي ف اي بقا.
سيا: انت مش من حقك ترفض اصلا انت مش متجوزني علشان اقعدلك ف البيت واربي العيال.
سليم بسخريه: ده ع اساس اي لما اتجوزنا كنتي بتشتغلي وانا عطلت الهانم عن تحقيق ذاتها
سيا بعدم اهتمام لكلامه: طيب انا نازله بكرا الشركه علشان بس متتفجئش بيا لما تلاقيني
سليم بغيظ من كلامها شدها لي ف حضنه واتكلم وهو علي اخره
سليم: صدقيني ياسيا لو مرجعتيش لعقلك وبطلتي جنانك ده هتشوفي معايا ايام سوده وانتي اكتر واحده عارفة اني مش هقدر اتحكم ف هدوء كتير
سيا وهي بتقرب لوشه اكتر وبتتكلم قدام شفيفه: براحتك يا حبيبي اعمل مابدالك وبرضو هنزل الشركه وهشتغل وهتابع فلوسي.
سليم بعصبيه ضغط ع وسطها اكتر فااتلمت: اتقي شري ياسيا متخرجنيش عن هدوء وخلي ليلتك تعدي
سيا بوجع: سبني ياسليم.
سليم كان بصصلها وساكت عقله كان بيحاول يستوعب ان لايمكن دي تكون مراته اللي عمرها مافكرت ف فلوس ولا زعلت حد منها بكلمه!!
سيا بصوت عالي: بقولك سبني بقااااااا
سليم فاق ع صوتها وزقها ع السرير وراح اوضه تانيه.
سيا: ماشي ياسليم ولا ماهعديلك كل ده انت وفهد.
"ف القصر عند فهد"
تاج كانت صحيت لقيت فهد حضنها ونايم قربت من خده وباسته برقه وقامت تاخد دش.
بعد شويه فهد صحي علي صوت رنه موبيل بس بص جمبه ملقهاش تاج للحظه قلق تكون عملت ف نفسها حاجه بعد اللي حصل بس سمع صوت الدش فاطمن.
فهد: اي يابني بترن دلوقتي لي؟
سليم بحزن: اختك فعلا اتجننت
فهد: حصل اي تاني؟!
سليم بدا يحكيله اللي حصل وحكاله ع المكالمه اللي سمعها.
فهد بستغراب: معني كده ان ف حد بيقوم سيا علينا وبيلعب ف دماغها
سليم: شكلها كده بس اي المصلحه برضو ولي؟!!!
فهد بتفكير: مش عارف بس كويس انك معرفتهاش انك سمعتها
سليم: طب وهنعمل اي هنسكت يافهد
فهد: اكيد لا اسمعني كويس بعد ماتتاكد ان سيا نامت حاول تجيب من موبيلها الرقم ده بس من غير ماتعرف او تحس بحاجه
سليم: تمام وبعدين هنعمل اي؟
فهد لسه هيتكلم شاف تاج طالعه من الحمام بالبرنس.
فهد: اعمل بس اللي قولتلك عليه وبكرا ف الشركه هقولك سلام.
قفل مع سليم وبص لتاج بإبتسامة.
أنت تقرأ
تاج الفهدج2*ابناء السيوفي*
Randomديره الانتقامات لسه متقفلتش والشر مازال مستمر ف قصر السيوفي...
