تاج الفهدج2*ابناء السيوفي*

بارت اضافي..

بارت اضافي
#تاج_الفهدج2ابناء السيوفي ..

كانت قاعده ف الجنينه وهو قاعد جمبه بهدوء .
تاج:بحب اوي نسمه الهوا بتاع الفجر دي وروقان الصبح بدري والقصر نايم
فهد السيوفي بابتسامة هاديه:وانا بحب وجودك جمبي .
تاج:كبرنا يافهد اوي وانت لسه بتقولي كلام جميل ..تعرف انك ديما بطبطب ع قلبي من يوم مااتجوزنا لحد الحظه دي وحضنك بالنسبالي امان
فهد السيوفي:حضني ليكي ديما وبس احنا بنكمل بعض وانتي طول عمرك بنت اصول ياتاج راسي .

جه ايوب من وراهم وهو بيتكلم بضيق:قاعدين انتو تحبوا ف بعض ليل ونهار ..وسيبني أنا مع موج اللي مطلعه عيني
فهد السيوفي:مفسد لحظتنا يابني مش كده أنا تعبت معاك
تاج: ياحبيبي اهدا بس ف اي احنا لسه الفجر لحقتوا تتخنقوا
ايوب:الهانم مصحياني الفجر ف التلج ده وتقولي نفسي اشرب عصير جرجير بااللبن؟!!!!
فهد السيوفي بستغراب:جرجير باللبن !!!ده ازاي يعني
ايوب:مش دي المشكله نزلت وعملته بنفسي وطلعته علشان تشربه ونمت لاقيتها بتصحيني تاني وبتقولي نفسي هفاني ع حرنكش
تاج:ياحبيبي هي الحامل بس كده غصب عنها بتتوحم ..أختك اسيا ف حملها كانت ممرمطه جوزها دي كانت بتتوحم عليه يابني.. والحمدلله عدت ع خير اتحمل كلها كام شهر وتولد .
ايوب:أنا معنديش مانع اتمرمط بس متصحنيش الفجر أنزل اجبلها حرنكش واعملها لبن بالجرجير ف حد يتوحم ع لبن بالجرجير!!!

جت موج من ورا وهي حاطه ايديها ع بطنها بتعب وبتمشي براحه ع الحمل :بتشتكيني لامك وابوك ياايوب ...وبعدين اي بتوحم نفسي هفاني ع حرنكش عادي
ايوب بهمس:جاك هفف ف دماغك ياموج يابنت زين
موج:شايف ابنك بيبرطم ازاي يااونكل؟!
فهد:هو ده الروقان اللي كنتي لسه بتقولي عليه!!!احنا مينفعش يعدي علينا ربع ساعه من غير دوشه وصداع من العيله دي
تاج بابتسامة:ياحبيبي يعيشوا العمر كله ويصدعونا ..اهو صداعهم ده عندي بالدنيا كفايه أن صوتهم موجود
ايوب:انتو بتقولوا اي أنا عندي شغل كمان ساعه وعايز انام كلم يابابا حد ينزل يدورلها ع حرنكش
فهد السيوفي بسخريه:طب خلي صداعهم ينفعك وانزلي بنفسك هاتيله حرنكش علشان البيه مش عارف يمشي امور بيته
موج: قوله ياعمي فهمه الاصول ياغالي...

قطع كلام موج صوت فهد نصار وهو بيزعق جوا القصر... خبط فهد السيوفي ع وشه بتعب: كل ده واحنا لسه الفجر ولاد الك*لب دول صاحيين بيعملوا اييي دلوقتي
تاج: هو يما فهد بيتخانق مع سليم كالعاده يما مع موسي ابنه
ايوب:نفسي اعرف بيتخانق مع طفل عنده سنتين لييي!!!
فهد السيوفي بملل: قدامي يابيه انت كمان نشوف ف اي

دخل فهد السيوفي وايوب القصر جوا.. لقيوا فهد نصار بيتخانق مع سليم
فهد نصار: فيها اي لما اسيبلك ابني اللي هو حفيدك اصلا يبات ف حضنك؟ القيك بعتهولي الفجر وحاطه ف بوكس هدايا قدام باب الجناح؟!!!! انت فاكره هديه ده حفيدك؟
سليم: اللاه مش ببعتهولك بطريقه شيك.. وبعدين ابنك قطاع لحظات حلوه كل مااستفرد باامك يقطع عليا اللحظة
فهد نصار: تقوم بعتهولي انا ويقطع عليا اللحظة.. مش كده؟!!