تاج الفهدج2*ابناء السيوفي*

الرابع والثلاثون

#تاج_الفهدج2ابناء السيوفي*
|34|

فهد السيوفي:نزلوها المخزن تحت لحد ماالبوليس يمشي .
ايوب بذهول :أنت بتقول اي يابابا انت هتسيبها
فهد السيوفي :أنا حقيقي متفاجاء انت ازاي دخلت شرطه وتفكيرك محدود كده ؟!!!
فهد نصار :وهو بيجر طجر عشق من ايده ع الأرض :ابنك غبي ده انا مدخله واسطه علشان اسمي اللي ف الداخليه بس .
جريت اسيا ع فهد وهي بتجر عشق من شعر_ها:عنك ياحبيبي علشان ضهرك .
بصلهم فهد السيوفي بذهول :حبيبها ؟!!!
عيسي :ماهو فهد يابابا يبقا ....
قطع كلام عيسي دخول الشر_طه القصر ،وفاروق واقف بيبص ع جميله وهي بتبصله بعتاب كبير وعيونه بتلمع بدموع ..
ايوب وهو بيقدم ابوه بفخر للظابط:ابويا فهد السيوفي وهو المسئول عن البلاغ .
بص الظابط لافهد السيوفي وهو مبرق عيونه بصدمه ف ابتسم ايوب :هفهمك كل حاجه ياايمن
ايمن:ابوك ازاي ياايوب انت جايبني هنا علشان تهزر مش هتبطل رخمتك دي بقا .
ايوب :يابني افهم ده ابويا بجد مش بهزر معاك .
ايمن:ابوك ازاي هو مش أبوك مي_ت ...بص ايمن لفهد السيوفي وهو حاطط ايده ع صد_ره وكمل كلامه:لامؤخذه ياحاج طبعا .
فهد السيوفي وهو بيهمس لفريده اللي واقفه جمبه :هو من الواضح أن مش ابني اللي غبي بس شكلها الدا_خليه كلها بقت تعين اغبياء .
ابتسمت فريده بهدوء ع كلام فهد ..فأكمل فهد السيوفي كلامه :أنا فهد السيوفي وهشرحلك كل حاجه دلوقتي بما انك هتمسك القضيه دي
ايمن:بس بالله عليك ياعمو لو قضيه صعبه بلاش خلي ايوب يمسكها هو.
فهد السيوفي :عمو!!!!اممم انت متأكد انك ظابط؟
ايمن :اها والله اطلعلك الكارنيه والبطاقه تتأكد
ايوب :بس بقا الله يخر_بيتك فضحتنا

بص ايمن ورا فهد شاف فاروق واقف جري عليه حضنه وفاروق واقف مكانه زي ماهو عيونه ع جميله
ايمن:عمو فاروق ازيك اي ياراجل مبقتش تيجي توصل الواد ايوب لحد باب القسم وتبعتله سندوتشات لي ولا علشان عرفت أن أنا للي باكل السندوتشات استخسرت ؟!!
فهد السيوفي كان بيسمع كلام ايمن بذهول ..وايوب عيونه دمعت وبص لفاروق بعتاب .
فهد السيوفي:طب هتركز معايا ولا ياحضره الظابط وتشوف شغلك ولاهنقضيها سلامات؟!
ايمن:احم لا طبعا مع حضرتك اتفضل ....

فهد السيوفي:من 25سنه...

بدأ فهد يحكي كل حاجه لاايمن ....

تحت ف المخزن ..
اسيا وهي بتربط رجلين عشق :بس كده خلصت .
فهد :وانا هبلغ كام واحد من الحراسه يقفوا هنا.
آسيا وهي بتتنهد بسعاده:بابا عايش يافهد انت مصدق ؟!!
فهد وهو بيمسك ايديها :أنا مصدق علشان شايفك فرحانه ..
اسيا:عارف نفسي باقي العيله يكونوا عايشين ونعيش معاهم كلنا زي ماهما كانوا عايشين مع بعض
فهد نصار:كده فيلم هندي يااسيا .. وبعدين الحمدلله أن فهد عايش .
اسيا بدموع :بس فاروق حاسه ان فرحتي مش كامله كل شويه انسا أنه السبب ف اللي احنا بقينا ف وابقي عايزة اروح افرحه أن بابا عايش زي ماكنت ف أقل حاجه بجري عليه هو
فهد:هو ندم ع اللي فات يااسيا بس برضو لازم يتحاسب .
اسيا:بس هو مقت_لش حد ومكنش يعرف أن الشيطا_نه دي هتقت_لهم
فهد :بس ف الاول والاخر اتفق معاه أنه يدخل ناس ع أهل بيته ويرفعوا عليهم سلا_ح علشان يتنازلوا تحت التهد_يد يعني برضو نيته كانت وحشه ولو كان عايز يتوب بجد مكنش اتسطر عليها كل السنين دي ومكنش خبي خالتك جميله وحرمها من حياتها ومنكوا.
اسيا وهي بتمسح دموعها:كلامك صح هو لازم يتعاقب ..بس عمر ماعاقبه هيكون زي عاقب راس الحيه دي .
فهد نصار :قدامك اهي اعملي فيها اللي انتي عايزه بس اوعي تمو_ت احنا عايز_نها تتعذ_ب الاول.
اسيا بابتسامة خبي_ثه وهي بتجيب مرايه موجوده في المخزن. وبتكسر_ها ع الأرض :ممكن حد يسمع صوتها لو صوتت ؟
فهد بنفس الابتسامه:لا المخزن بعيد عن القصر براحتك .
ميلت اسيا جابت حتت ازازه من اللي تكسره وقربت ع عشق ..
فهد نصار :استني لازم نفوقها علشان نعرف نعذ_بها صح ؟
اسيا:طب نادي ع حد من الحراس يجيب مياه.
فهد نصار:مياه اي بس اسيا دي خساره فيها ...