تاج الفهدج2*ابناء السيوفي*

التاسع عشر

تاج الفهد ج2 "ابناء السيوفي"
|19|

ف اوضه العمليات ..
الدكتوره قربت من تاج وهي مبتسمه:هتاخدي بنج بس مش كلي عايزكي تكوني قويه علشان تشوفي ولادك
تاج بصتلها بتعب :ارجوكي مهما حصل انقذي حياتهم هما
الدكتوره:انتو الاتنين هتقوموا مع بعض أن شاءالله.
رئيس الأطباء:دكتوره نور البنج عمل مفعول يلا نستعد
نور :احنا جاهزين يادكتور

بدوا ف يولدوا تاج وهي بتغمض عيونها دقايق وتفتحها تاني مكنتش حاسه الدكاتره بيعملوا اي بس كانت شايفه كل حاجه حواليها .

بره فهد واقف قدام باب العمليات عنده امل أنها هتطلع بالسلامه بيحاول يقنع نفسه أنها مستحيل تبعد عنه .

جميله كانت واقفه جمبه صوت عياطها كان بيقطع الصمت اللي ف المكان

والكل كان واقف بيدعي أنها تقوم باالسلامه وميكسرش بخاطرهم.

بعد ساعه من القلق والتوتر سمعوا صوت عياط المولود الأول بيعلن عن وصوله للحياه.

جميله بلفهه:سمعتوا ؟سمعت يافهد صوت البيبي
فهد بتوتر :تاج تاج عايز اسمع صوتهااا
قطع كلام فهد صوت المولود التاني ..
سيا بفرحه:البيبي التاني يافهد هانت وتاج هتطلع وولادها ف حضنها
فهد مع كل صرخه من عياط ولاده كان قلبه بيتنفض بفرحه كبيرة بس مكنش قادر فرحته تكمل من غير مايشوف تاج قدامه

بعد خمس دقايق كان صوت المولود التالت .

ف نفس الوقت مع صوت العياط فهد انجذب لي قلبه دق بسعاده مختلفه عن الطفلين دموعه نزلت وهو بيدعي أنه يشوف تاج.

ف غرفة العمليات قربت الممرضه وهي شايله الوالدين ونور شايله البنت قربت من تاج اللي عيونها بدأت تقفل ..

نور : حمدالله ع سلامه الكتاكيت دي البنوته اصغر من اخواتها بخمس دقايق..وده الولد الكبير وأخوه الاصغر بينهم دقيقه .
تاج لمست وشهم وعيونها بدمع الدكتوره قربتهم منها وتاج باستهم اوي .
تاج بهمس:فداكوا حياتي كلها اللحظه دي عوضتني عن كل التعب اللي شوفته ف حياتي انا بحبكوا اويي .

رئيس الأطباء بصوت عالي :دكتوره نور الحاله بتسوء لازم نتصرف
نور بخوف :اي اللي حصل يادكتور ؟
رئيس الأطباء:للاسف الرحم متحملش الم الوالده .
نور:يبقا نشيل الرحم وننقذ حياه المريض
رئيس الأطباء:للاسف هيكون ف خطوره ع حياتها
نور :ولو معملناش كده هنخسر حياتها برضو
رئيس الأطباء:نعمل اللي ربنا يقدرنا عليه بس نجاح العمليه ضعيف
الدكتور اتحركت بسرعه اتجه الدكتور بس تاج مسكتها من ايديها واتكلمت بتعب ووشها كل عرقان:قولي لفهد يسامحني ويخلي باله من ولادنا ومش ندمانه اني خلفت ووصيه ع تيام قوليله اني حبيته اويي .....

الممرضه طلعت وهي شايله الاطفال الكل جري اتجااه
فهد:مراتي صحتها عامله اي طمنيني عليها هي كويسه
الممرضه: الدكتورة هتطلع تطمنكوا بنفسها
جميله بعصبية:انتي كنتي جوا يعني اكيد عارفه حالتها اي
الممرضه:ده شغل الدكاتره أنا بكون موجوده علشان اطلع الاطفال لاهاليهم لحد مالام تخرج ..اتفضلوا ده الطفل الكبير وده اخوه الأصغر منه بدقيقه ودي البنت الصغيره الفرق بينها وبين اخواتها خمس دقايق.