عشقتك من زمن اخر

الفصل الثامن

تقف هنا ونور بصدمه شديده لتقول هنا بعدم تصديق:

"526قبل الميلاد"

نور بدهشه وهي تهز هنا من كتفها بخفه:

" بت يا هنا هو مش ده التاريخ اللي هيموت فيه احمس التاني ايوه انا فكره اختها في تانيه اعداديه."

شهب بصدمه  وعيون جاحظه:

"انتم بتقوله ايه يعني ايه احمس هيموت كده كده."

هنا بتصحيح:

"بصراحه كده انا مش عارفه هو هيموت في الحرب ولا بس اللي اعرفه ان احنا لو استنيني لما يموت الحجر مستحيل نوصله ابدا."

نور بتافف وضجر:

" اه فعلا هنا معاها حق هيبقي مستحيل  عشان كده لازم نخده منه قبل ما يموت".

سقراط بصياح وغضب:

" انا جعان"

شهب بهدوء  وهو يتجاهله بملل:

"ماشي انا هتصرف وهقول الكلام ده لبيك وانطونيوا واشوف هيعملوه ايه"

سقراط بغيظ وهو يرمقهم بقرف:

" انا جعان"

هنا وهي تمسك سقراط من ملابسه من الخلف:

" حد ياخد الفيل المتحرك ده من هنا. "

سقراط وهو يمسك يدها ويعضها ويقول بردح:

" انا فيل متحرك يا بلونه من غير محرك "

هنا بوجع وهي تمسك يدها وترمقه بغضب:

"اه يازباله انت ايه اللي جابك."

نور وهي تمسك سقراط من ملابسه من الخلف وترميه بتجاه شهب:

"شهب خد البلاوه دي معاكم."

سقراط بحنق واستنكار:

" انتم بتبعوني هنت عليكم دنا قولت انتي اللي هتحميني مس ترميني. "

نور برزانه نادره عليها:

"احنا بنعمل حاجه مهمه يا سقراط عشان نعرف نرجع ماشي خلي عندك ثقه فيه وروح معاه."

سقراط بابتسامه سمجه:

"مستعد اروح معاه لو المزه دي هتيجي معانا."

كان يتحدث وهو يشير علي اريانا التي جحظت عيناه بصدمه من وقاحه هذا الطفل.؟!