عشقتك من زمن اخر

الفصل الثالث والعشرين

كان ينظر له مصعوق لا يصدق ما قاله له والده الان في ظل هذا الظرف الذين يمرون به لم يشفق عليه ولو قليل وهو يرمي تلك الكلمات الحارقه علي قلبه لتسقط دموع حمزه بقهر من عيناه وهو ينهض بهدوء وينظر له بحزن ويقول بنبره يظهر بها الضعف بشده. "هو فيه ايه يا بابا ايه السبب انا عايز اعرف. "

ليضحك فهمي بسخريه وهو يصفق بيده بجنون ويردف بسخط. "سبب، سبب ايه يابو سبب انت لسه شوفت حاجه دنا هوديك وراء الشمس يا حمزه عشان تعرف مقدار الكارثه اللي عملتها."

كانوا يرمقوهم بعدم فهم حتي صاح اسر بغضب. "مش وقته يا بابا الكلام ده احنا في ايه ولا في ايه ينفع تبطلوا هبل شويه لان ده مش وقته."

لينظر فهمي لحمزه بقرف وهو يردد بتهكم. "لا ده وقته انا قرفان منه ومش طايقه ولو مهما حصل انا مش عاوز اشوف الواد ده قدامي."

حمزه بعدم فهم وخوف سيطر عليه بالكامل". بس ليه يا بابا انا مش فاهم معني كلامك هو انا عملت ايه لكل ده. "

فهمي برفع حاجب وهو يذهب ليمسكه من مقدمه قميصه ويردف بنبره قويه. "مش عارف بروح امك عملت ايه انت دمرت مستقبل بنت عمك يا استاذ وبعت حلمها وطموحها بأرخص تمن يا.... ابني."

شهقات متتاليه خرجت من افواه الجميع بصدمه بينما تمني حمزه لو تنشق الارض وتبتلعه في تلك اللحظه فهو لم يتوقع ابدا ان يعلموا بما فعل فقد ظن بانه عندما يعود سوف ينهي كل شي ولكن فات الاوان وخصوصا وهو يجد نور تنهض وهي تاتي في اتجاهه وتردف بدموع وقهر". الكلام بتاع عمي ده صح يا حمزه انت عملت كده بجد. "

ليقاطع فهمي كلام حمزه وهو يقول بغضب وسخط. "وكمان لو الشرطه لحظتك هيئبدوا عليكي بتهمه السرقه والنصب".

لتتسع اعين نور بصدمه من قذاره ابن عمها التي لم تتوقعها ابدا بينما حمزه حاول ان يدافع عن نفسه ليردف بلهفه". انا اه عملت كده روحت واديت راجل فلوس وقولتله يقول انك سرقتي اختراعه وقولتله علي حاجات في الاله الزمن لو قالها هيفتكروا انها بتعته بجد بس ولله بعد كل اللي عشناه ده كنت اول ما ارجع هخليه يرجع عن الموضوع اللي قولتله عليه احنا مرينا بحاجات كتير و ولله غيرتني الحاجات دي اوي سامحوني بالله عليكم انا ولله معنتش هعمل اي حاجه تقذيكم."

كان يترجاهم بعيناه ان يسامحوا ولكنه لم يتلقي سوه الجفاء وخاصه من فرح التي ابعدت نظرها عنه وامه ايضا لم ترحمه بعد كل ما مر به لتنظر له بقرف ليتنهد بيأس وهو يردف بقوه وغروره المعتاد عندما لم يجد ان احد سوف يسامحه اذا لا داعي ليهين نفسه اكثر من هذا. "علي العموم برحتكم دي حاجه تخصكم بس انا هفضل مع سقراط ومش هسيبه ابدا وفي الحاجه دي بذات مش هاخد رأيكم فيها لان هعمل اللي هشوفه صح."