احببتُ مخدرچية

شرارة الحب

كعدت بـ ٦ الصبح ورحت اغسل وجهي واتوضأ ..
صليت وغيرت ملابسي وخليت ميك اب ومناكير واكسسوريز وعادي ترتيبات اي بنية طالعه لدوامها ...
نزلت للمطبخ لگيت ماماتي محضرتلي الريوك واكيد الوالد الله يحفظه مجهز نفسه ومتريك قبلي ومنتظرني حتى يوصلني بطريقه لدوامي..
چان يوم الثلاثاء .. اني زهره (مختصر اسم زهراء )
عمري ٢٥ سنه خريجة كلية التقنيات الطبيه ببغداد / قسم تخدير .. يعني اني مخدرچيه على گولتة ..
والدي يداوم بوحده من دوائر التابعه لمديرية التربيه ببغداد وهو اداري هناك .. اما والدتي فـ معلمة
خليني اشويه الخلصلكم قصة حب باباتي وماماتي
( هو جان اداري متعين جديد بوقتها ومو من اهل بغداد من وحده من محافظاتنا بالوسطى العزيزه كولش ع گلبي وهي الحله (بابل) .. وماما جانت معلمه هم حديثة التعيين وعدها اجراءات بمديرية التربيه بوقتها .. وبسبب ترددها لاكثر من مره لاكمال اجراءات بدت شرارات الحب بينهم من اول معامله ..)
كذا اني بدت اول شرارة حب من اول جرعات حب تخديرية ❤️

يتبع....