گعدت الخميس الصبح من النوم ب١٠ ونص ..
چان يوم اوف اليه .. مزاجي تحسن وصحصحت ع اطيب نسكافي وبساكت خفيفه ..
ماماتي جان عدها دوام ظهري لذلك سوت الغده وكملته وراحت للمدرسه ب١١ ونص ..
ظليت اني وحدي بالبيت انتظر رجعت بابا واخواني اوس وأنس (تؤأم متطابق العمر ١٤ سنوات ) ..
روتين كل عائله عراقيه من تنجمع ع السفره وقت الغده وترتيباتهم .. وراها تنظيف المطبخ وسوالف امهات البيوت ...
بالليل طلعنا نغير جو .. رحنا للمنصور وافترينا كم مول وعدا وخلص اليوم
الجمعه كذلك عدت .. احلى ما بيها چانت دولمة ماما ام الباگله ( باقلاء ) وجاي العصرونيه وي بابا بالحديقه وفلم سهره الجمعه طبعا ع سينمانا
هاي كانت اخر الايام الحلوه الهادئه البريئه الطفوليه وي الاهل ..
اجه يوم السبت .. وبدأ كأي يوم روتيني من ايام دوامي .. ورحت للمستشفى وبلشنا شغل وخلصنه من وقت تقريبا ب ١١ ونص لان اطباء وقوائم مرضى مو هواي
قررت اني وصديقتي جنات نطلع للحديقه ونسوي فوتوسشن (جلسة تصوير) ورحنا جبنا نمنميات ( عصاير وجبس وككويات وحب شمس وكذا )من الكافتريا لان جان الجو كولش حلو .. بوقتها طلعنا بالسكرابات وعليها صداري بيضه .. خلصنا تصوير وكعدنه ناكل ع مصطبات ع جهه من الحديقه ..
اجه ضابط لابس زي عسكري زيتوني ساده وع چتفه ٣ نجمات لابس نظارات شمسيه .. مشه واتقرب اتقرب يمي اني وصديقتي ..
بهالاثناء اني ما بينت اي رده فعل وظليت اكرز حب ومندمجه ..
گال : السلام عليكم .. بلا زحمه تندلون وين العمليات ؟
اني هنا رفعت راسي وباوعت عليه .. هو نزع نظارته وخله عيني بعينه .. بدون ما يبتسم
جاوبته جنات ودلته ع مكان طابق العمليات ..
وراها طلع من وراه ورقه وانطانياها اليه .. وگال
-گوليلي شنو نتيجة التحليل ؟
اخذت الورقه واحس رجفة خفيفه بجسمي ومثل الدغدغه او الرفرفه ببطني .. مااعرف شنو هالاحساس .. حلو بس منزعجه منه
كان تحليل CBC .. يعني فحص دم شامل
جاوبته : احمممم هذا فحص دم والنتائج كلها طبيعيه ما بيها شي
(هاني مقداد ) ٣٢ سنه جانت معلومات المريض مطبوعه .. لا اراديا وكعت عيني عليها اول مالزمت الورقه .. انتابني الفضول حتى اعرف اكثر عنه .
هو اخذ الورقه من ايدي وگال (شكرا ) ونفخ نفس الدخان قوي بوجهي ،(اثناء مااخذت الورقه منه وگلتله النتيجه چان يورث جكارته ).
راح هاني .. ولا التفت وراه .. ولا ابتسم .. كأنما شخص ثاني عن اللي شافته زهوره يوم الاربعاء المضى ..
ظليت ساكته واكرز بالحب وظلت صديقتي تحجي عليه وتدعي حسب كلامها ( شايف نفسه وحقير ومبين نسونچي ومن هالكلام) ..ظليت افكر وأقارن بموقفي هاليومين ..
ان عقلي چان على حق .. وگلبي هو الخسران ...
ان خوف و تفكير الخاطئ مو مشاعر ورغبة .
بس ليش اني تجمعني الصدفة بيه ؟؟!!!
يتبع ......
أنت تقرأ
احببتُ مخدرچية
Romanceوقعت بحبها من اول نظرة من اول لمســة فأصبحت هي دائي ودوائي هــي الجــرح وهــي العلاج
