رحت لشباك غرفتي وخرت البرده وباوعت .. ماكو شي گدام البيت .. انتظرت لا راسلت ولا اتصلت .. اجتنيرساله( ادري بيج كاعده ودتباوعين على الشارع من الشباك اني واكف بدايه الفرع ، تريدين ادك هورن واكعد الحي واوكف بباب بيتكم ، بكيفج )
بهلحظة .. لزمتني زجفه من الخوف وگوه حاصره البچيه .. بسرعه وهي ظلمه طلعت بشت من الكنتور بدون مااشوف ولبسته فوك التراك وسحبت شال گدامي وذبيته ع راسي بدون لا افتح الضوه .. وقفلت غرفتي من بره .. ونزلت ع اصابع رجليه على كيفي .. ولازمه نعالي وموبايلي بأيدي ...
فتحت باب المطبخ وطلعت وصلت لباب الحوش .. فتحته على كيفي حتى لا يطلع صوت ويحسون اهلي .. ظليت جوه .. ولازمه الباب ولا طلعت ولا مديت راسي .. گوه واگفه على طولي وحاصرتني البچيه ..
دقيقتين .. أندفعالباب دفعه خفيفه.. بأيدي اليمنى لازمه شالي حتى مايوكع من راسي .. وبأي اليسرى لازمة موبايلي ونعالي ... اجه وكف بالباب واني ظليت لازمته حتى ميدخل للبيت هو دفع الباب ودخل ليجوه .. وسد الباب وراه .. رجعت چم خطوه ليوره .. صافنه ومصدومه من الموقف .. هو لزمني من معصم ايدي ورحنا للحديقه .. لان ضوه الطرمه جان مفتوح من يم الباب بس الحديقه ظلمه ... هاني :( شبيج مصدومه ) هاني :( انتي مو مشتاقتلي تريدين تشوفيني !!) ورفع تك حاجب كالعاده ... احس غصه ببلعومي .. مااعرف شنو احجي بس اباوعله .. هاني :( هههههههه هذا شنو النعال تريدين تتعاركين ) زهره:( هاا..والله ماادري ) هاني اخذ النعال من ايدي .. ودنگ نزله بالگاع جوه رجليه حتى البسه .. زهره:(اكولك عفيه روح .. صدك تحجي ؟) هاني :( شنو مامشتاقتلي ، عبالي تريدين تشوفيني وتواسيني ) !؟ زهره: ( تجي هنا ، هسه لو اهلي يكعدون تدري شيصير ، عبالي تشاقه عبالي هيج حجايتك .. يعني هسه احنه شنو موقفنا بله ) هاني :( يعني شنو موقفنا ؟) زهره :( انت بصفتك شنو هنا بله ، على اي اساس تدفع الباب وتدخل لبيتي بنص الليالي .. ) اثناء ماداحجي بتوتر وگع الشال من راسي .. وماحسيت . هو لزم شالي وحطه ع راسي .. يله حسيت بيه .. بعدها اني لزمته بيدي وسديت البشت بأيدي الثانيه..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هاني :( اني لو ادري جايبتني ترزليني جان ما جيت ) هاني :( انتبهي على نبرتج ويايه مره ثانيه خوش )
اخر كلمات بيناتنا .. عافني وطلع من البيت .. رجعت بهدوء لغرفتي وتمددت ع الجربايه .. احس گلبي يريد يطلع من جسمي من الخوف ...
