احببتُ مخدرچية

تائهه اليك

اني لزمت سير الجنطه بيديه ثنينهم ورفعت راسي وباوعت عليه .. وگلت: شتسوي امك ؟

هاني: شتسوي يعني تخطبج .
زهره: بس اني ماگايله لامي ، محد يعرف !
هاني : عندج منا للجمعه ، اليوم ثلاثاء .
زهره: هو مو كله سيطره ، اني مااريد تخطبني .
ماقابله بيك .
هاني: مو هيه بكيفج ، قابله لو لا. غصبن ماعليج .
زهره: ماكو شي غصبن عليه .
هاني: بس خلي اخذج ، اول شي اكصه لسانج .
زهره ضاجت من كلامه وبين ع وجهها، هاني يخزر بيها .. وجهها الطفولي، شلون شفايفها صارت وعيونها دمعت وابتسم ابتسامه خبيثه ..
زهره گامت تبچي وخلت ايديها ع وجهها ..
هاني گام تقرب وتقرب وتقرب الها ، طخ صدره بوجهها وظل لازك بيها ، وهي ظلت بمكانها ماتحركت .

هاني : اكو وحده يكولولها انخطبتي تبچي ؟
هاني : اذا مجبوره عليه يابنت الناس گولي ، اني لا مهددج ولا مخوفج متعمد ولا ضاغط عليج .
هاني : اني اعرف كل تفاصيلج واهلج وعشيرتج ، وتعجبيني واريدج على سنة الله ورسوله ، وردتج تعرفيني زين قبل مااتقدملج حتى ماتظلميني وترفضيني.
هاني: مادام بعدنه هنا ،على البر ..مجبوره عليه ، خايفه مني، ماتريديني مااعجبج ، گولي ، حتى ماانضرب بوري .
زهره: وخرت ايديه من وجهي ورجعت ليوره خطوتين ، رفعت راسي وباوعت عليه وگلت : أني اخاف منك.
هاني: ليش شيخوفج؟

زهره: انت مو مثل ابويه .
هاني : اذا الله ماخلقني من طينة عباس الكيوت شسوي ..
ظليت ساكته والعب بيديه واظافيري ،
هو گال : هاي بعدني مالازمج وتخافين مني ، لو لزمتج لعد شتسوين
زهره: شنو يعني لازم اتعلم فنون قتالية ،وادافع عن نفسي بعدين..
هاني: يفيدج فنون قتاليه ، اذا لزمتج فنج اذا تحركتي اصلا يله بعدين تقاتلين ... وضحك ضحكه عاليه .
رجع لخزرته التخوف ، الافكار اللي بباله كلها مبينه بعيونه ..
زهره: اني اروح للبيت .
هاني: موعدنا الجمعه ، وافتحي الحضر حتى نتفق على الجيه ، تره اخابر عباس واكوله بنفسي ..
ورقم ابوج عندي مو اسيا ونهايته ٤٠٤٥ ......

زهره: شنو شمدريك ؟؟؟؟
هاني: بكيفج اذا تريدين اخابره ، منا لليل عندج..

زهره عافته ودارت ظهرها ورجعت للبيت ... حايره بخطه بديله اشلون تبلغ امها وتقنعها بـ هاني، خاصةً هي تعرف شنو المواصفات اللي ببال امها عن زوجها المستقبلي ....

يتبع ...