وصلت للدوام وبين مابدلت ملابس زي العمليات (السكراب ) ، ورتبت نفسي وطلعت لصالات العمليات .. حضرت صالتي وادويتي واستقبلت اول مريض .. واشتغلنا وخلصت العمليه واجه المريض الثاني والعمليه off بسبب نقص فحوصات وكذا ..
اخذت ريست وجمعنا ودزينا ريوك صمون حجري حار واجبان مشكله وگيمرات ومربى وهالسوالف .. وجاي حار
وانتظر الطبيب حتى نبلش العمليه الثالثه ..
صاحولي من استراحة البنات .. ان المريض دخل
اول ما دخلت لصالة العمليات
اول نظره
عين بعين
همزين چنت لابسه كمامه (ماسك) حتى ما تبين ابتسامة الخجل الـ لا اراديه ع وجهي .. وراها نزلت راسي وبركضه خفيفه يم عربة التخدير وكفت ..
بديت احضر حتى نبلش تخدير داحچي وي بقية الكادر (الستاف) بالصاله عن تفاصيل العمليه ف گالو اسمي
اثتاء الكلام
اجيت داشكله كانيولا ..
لزمت چف ايده بحيث صارت اصابعي الاربعه بباطن كفه وابهامي فوك اصابيعه (ايده چبيره مقارنة بايدي اللي چانت صغيره و ناعمه )
عصر ايدي بقوه وظل متمسك بيها ..
اني رفعت راسي وباوعت عليه واجتي عيني بعينه وگال بصوت خافت .. زهوره زهورتي
اني كولش خفت وظل گلبي ينبض بقوه ..ماادري شلون شديت الكانيولا وثبتتها
وراها اجه طبيب التخدير وبقية كادر الصاله وبلشنه شغل..
بالافاقه تعمدت ابتعدت وخليت غير ولد يستلمه ويصحي ويسلمه لاهله ..
يتبع..
أنت تقرأ
احببتُ مخدرچية
Romanceوقعت بحبها من اول نظرة من اول لمســة فأصبحت هي دائي ودوائي هــي الجــرح وهــي العلاج
