احببتُ مخدرچية

دعوة زفاف

البارت الثاني

جهزنا كل امورنا وترتيباتنا ، سوينا تحليل تطابق بالمستشفى وعقدنا عقد محكمه حسب الموعد المحدد النه .

٢٠٢١/٤/١
يوم الزفه
سوينا الحفله بالقاعه بعدد قليل ، بسبب موجات كورونا اللي چانت ، مع احتياطات من لبس كمامات وتباعد وعدد قليل .
الحفله بدون تصوير نهائيا حسب رغبة ماهر .

اجه وگف يمي ، چانت فقرة الحنة التركيه ، حنه ايدي
وماما حنت ايدي الثانيه ولبستني ذهب كم قطعه هديه منها ومن بابا .

هاني : يعني بكلشي مشاركتني بيها ، عينه بعين ماما ويحچي .
ماما : غصب عني اخذتها ، تره ماراضيه .
زهره: ماما ، عفيه .
هاني : اششش زهوره ، ليش هيج عمه ، ميصير الام تقهر بنتها وحيدتها بيوم زفتها ، مو أنتي بعد ما تشوفيها فد اسبوعين ليگدام .

خلصت التلبيس واخذنه كم لقطه بموبايل هاني ،ظلت عيني على ماما لما نزلت وكعدت بمكانها .

وراها صارت الزفه ..
صعدنا للسياره ، دنگ عليه بابا وحضني وباسني ، وماما حضنتني وظلت تبچي ، اووسي وانوسي كذلك .
زفتنا چانت للفندق ، حجزنا هناك ٣ أيام ومناك مباشرة نطلع لتركيا .
بعد مارتب ماهر كل الاجراءات الخاصه بسفرنا .

ظليت ابچي بهدوء وبس دموعي تنزل ، ووجهي على الجامه .
هاني يسوق ، لزم ايدي وگال : اذا تندلين بيتكم منين نطلعله منا .. هسه ارجعج لبيت اهلج ؟؟
اني مسحت دموعي وصديت عليه وگلت :هااا؟
هاني : وجهيني اذا وصلنا لبيت اهلج  انزلج هناك  وكلمن يروح بدربه .
زهره: هاااااني .
هاني : لعد لا تبچين .
هاني : يا بنت الناس لو خاطفچ چان ما بچيتي هيج .
زهره: راح اشتاق لاهلي .
هاني : تبچين لأن راح تشتاقين ، هسه اشتاقي بالاول بعدين ابچي .
هاني : أنتي غير تذكرين أهلج بالاول يله تشتاقيلهم .
وأبتسم أبتسامته الخبيثه .

زهره: هااااني ، شبيك ، لا تسوي هيج ، تخوفني .
هاني : لازم تخافين ، اذا ماتخافين يعني أنت بر...ك .
زهره: شنو هالحجي عفيه ، بطل هاي سوالفك .
هاني : هاي حقيقه ، بعدين شو ماچنتي تبچين هيج عليه قبل .
زهره: والله چنت اموت من البچي ، أنت شمدريك .
هاني : حبيبي ، گللللبي .. هم چنتي تتحلمين بيه ؟
زهره: لا .
هاني: لعد ليش بس أني اتحلم بيج .
زهره: شنو تتحلم ؟؟
هاني : خلي نروح للفندق واشوفج شنو چنت اتحلم .
زهره: اوووووو ، بطل هذا الاسلوب .
هاني : صدك أحجي والله .

وصلنا الفندق .. ونزلنا للغرفه ونزلنا أغراضنا ..

يتبع ...