احببتُ مخدرچية

يوماً ما سنلتقي ونحكي،كيف سارت بنا السبل حتى اللقاء

الجزء الاول ...
يوم الجمعه ..
تغدينا سمك مسگوف ( طبعاً اكله باباتي المفضله)
وراها قررنا نطلع شويه نغير جو ونروح فره بالمولات وكذا ونتعشى بره ، لان اهلي حسوا عليه ما مرتاحه
تقريباً ساعة ٩ بالليل چنه دنفتر بالمول ودك عليه رقم غريب ، تجاهلت المكالمه اكثر من مره
لان هالمره توقعت وحسيت ان هو هاني ، لذلك غلست الا ان صارت ٥ مكالمات فائته.. بالمكالمه السادسه ابتعدت شويه عن اهلي لان اهلي لحوا عليه ان ارد ، وفتحت خط ورديت عليه .
📞هاني :( ها خانم ، لويش كلفتي نفسج ورديتي عليه ..يعني هذا الادب هيج )
📞زهره :( انت شنو تريد مني بدوامي وببيتي وانوبه ماخذ رقمي . منين اخذت رقمي بله ، منو انطاك اياه ؟؟)
📞هاني :( يعني عود ماتعرفين ليش هيج اسوي بله (يعيد كلماتها المميزه لاستفزازها ) ، سألتي نفسج ليش داسوي هيج وهذا كله مره على مره تقللين احترامج اليه ) #نبرة_عصبيه
📞زهره( ردت بخوف): ( لا مو اقلل احترامي بس اني اتفاجأت وخفت ، بعدين مايحقلك تتصل عليه لو تراسلني قابل انت ابويه اخويه )
📞هاني :( حلالي ، وبكيفي اخابر اراسل كلشي اسوي ، واذا ماتفتحين الحظر ع الواتس لو اعرف كل يوم اشتري رقم واخابرج منه ، وحتى رقم ابوج اخذه وعمامج وعشيرتج ، لا عبالج هاي تصرفات الزعاطيط تفيد ويايه .. تصيرين حبابه وتشيلين البلوك اليوم )
انتهى الاتصال ..
هاني سد الخط بعد ان حجه وفرغ عصبيته
هنا ظليت حايره وخايفه ولازمتني البچيه والكلام بطرف لساني داكول لبابا وماما عنه ، بس جان شي بداخلي يقاومني ويمنعني ان احجي ..
امي حست عليه طولت مكالمتي وحست وجهي تغير وينطي الوان .. اجتي سألتني واستفسرت اضطريت اچذب واگول ان مشكله اجازه بالدوام وخلاف وي المسؤول حتى امشيها ع اهلي .. بس اني اعرف ما مشت واهلي بدوا يشكون بيه بسبب نفسيتي ومزاجيتي اجازاتي بدون سبب ..
المهم رجعنا للبيت وچنت بعدني مافاتحه الحظر ..
فكرت شنو يصير اذا مافتحته وليش جان معصب وگأنما يهدد .. كولش انقهرت واستهضمت يعني حتى لو چان (معجب او يحب ) غلط يتصرف ويايه هيج ويصيح عليه .
اني ماحاجيه وياه قبل ولا معترفلي ولا قابله مشاعره وهو هيج ... ياربي شسوي (تفكير )
اجتني فكره ( راح افتح الحظر واحجي وياه وانهي كلشي لازم اخلي حد لهذا الموضوع ، يعني اني ليش عايشه رعب وخوف واني كلشي ماعندي ).....

يتبع ...